Os rud é gur mheabhraigh Ggn dúinn gur cláir d'fhoghlaimeoirí na teanga iad "The Daltaí Boards"

quote:

Anois, an 'Daltaì na Gaeilge' seo nò ardàn do dhaoine ag ligint orthu go bhfuil siad ag foghlaim na Gaeilge?

is dóigh liom nár mhiste dúinne, na baill ar cás leo staid na Gaeilge san Ard-Teist agus sa chóras oideachais i gcoitinne aistriú go dtí ár gclúid phríobháideach féin anseo ar "Comhrá Oscailte as Gaeilge (Irish Only)". Glacaim leis go dtugann an focal "oscailte" sa teideal cead dúinn an plé a leathnú beagán. Maidir liom féin is foghlaimeoir mé atá ag iarraidh mo chuid Gaeilge a chleachtadh agus a fheabhsú.

Ceist agam oraibh, sibhse a bhfuil an t-eolas agaibh, cad é staid na Gaeilge i scoileanna na Sé Chondae? An bhfuil seans ar bith gurb shin an sprioc ar a bhfuil Feighan agus Kenny ag díriú?

FRC.

Ar léigh tú an aiste úd a nasc mé leis thuas?

Mionlach de mhionlach atá ag dul don Ghaeilge ó thuaidh go bhfios dom.

Gabh mo leithscéal, a Aonghuis, níor léigh fós.

An cuimhin leat aiste eile ar thréigean na nua-theangacha i Sasana nuair a tugadh rogha do scoileanna gan iad a mhuineadh murar mhian leo. Ba maith liom teacht air sin arís.

Sin é go díreach an aiste a thug mé nasc dó thuas.

(Sheol mé chuig gach TD é. Ach seachas ó Maureen O Sullivan agus dornán rúnaithe freagra ní bhfuaireas)

Gabh mo leithscéal arís, a Aonghuis, níl a fhios agam cá bhfuil an nasc úd a thug tú dúinn. Táim ag éirí mearbhallach i mo shean-aois.

Caithfidh go mbíonn na Teachtaí Dála faoi léigear ag daoine agus iad ag iarraidh orthu seo is siúd a dhéanamh. Beidh siad scanraithe roimh lucht na Gaeilge. Ar an dtaobh eile dhe thug FF an teanga anuas go dtí an staid íseal ag a bhfuil sí anois agus iad in ainm's a bheith i bhfábhar na teanga. Bí ag caint ar mo chol ceathrar Tadhg an Dá Thaobh!

Seo agat arís é.

https://cnag.ie/campaign/1282559635stadas_na_gaeilge_san_ardteistimeireacht__na_reasuin_leis_lunasa_2010.pdf


Níl dream ar bith acu le trust: ach siad an Rialtas buan croí na faidhbe.

Bhain Ó Cuív méid áirithe amach: Bhain Pobal na Gaeltachta níos mó. I nGuth na Gaeltachta agus a leithéidí atá mo dhóchas.

(Message edited by aonghus on December 30, 2010)

(Message edited by aonghus on December 30, 2010)

Tá sé léite agam. Cuireann sé alltacht orm go bhféadfadh polaiteoir ar bith smaoineamh ar a leithéid agus an fhianaise sin ar fáil ó Shasana.

An bhfuil feachtas á eagrú le cur ina choinne? An bhfuil leagan Béarla den cháipéis sin ar fáil?

A Thaidhgìn,

Dèanfaidh mè iarracht figiùir a fhàil duit ach mar a dùirt Aonghus - mionlach de mhionlach.

An rud atà ann nì fèidir leis an chuid is mò de na daoine a ba mhaith leo Gaeilge a dhèanamh sin a dhèanamh de bhrì go bhfuil siad faoi bhrù chun àbhair eile a dhèanamh.

Go dlìthiùil. go dtì cupla bhliain ò sin nì raibh cead agat Gaeilge a dhèanamh gan teanga 'europach' a dhèanamh roimh rèidh.

Is beag nach bhfuil an Ghaeilge ar fàil i mbunscoil Bèarla ar bith.

Nìl sì ar fàil i scoil ar bith de chuid an Stàit.

Tà sì ar fàil sa chuid is mò de na meànscoileanna Caitliceacha.

quote:

An bhfuil leagan Béarla den cháipéis sin ar fáil?

Tá.

De réir mo thuiscint is cuid de fheachtais níos leithe atá i gceist.

https://cnag.ie/index.php?page=feachtais&campaign_id=2