Seo rud nach dtuigim ar chor ar bith, saghas "cognitive dissonance". Deir an leagan Béarla de Wikipedia, s.v. "Volapük", nach bhfuil ach 20-30 cainteoirí Volapük ar domhan inniu:

http://en.wikipedia.org/wiki/Volapük

Ach deir an príomhleathanach go bhfuil níos mó ná 100,000 alt ar Wikipedia sa teanga sin:

http://www.wikipedia.org/

An bhfuil míniú ag éinne? Agus, dála an scéil, conas a deirtear "cognative dissonance" i nGaeilge?

Do léas in áit éigin go bhfuil clár ríomhaire acu a léann na haltanna atá sa Bhicipéid, agus a dhéanann iad a aistriú go Bholaipiúc go huathoibríoch, agus dá dhroim seo, nach bhfuil sna haltanna Bholaipiúc seo go léir ach na síolta gan aon fhorleathnú déanta orthu.

quote:

agus a dhéanann iad a aistriú go Bholaipiúc go huathoibríoch

Saghas spam atá ann mar sin. Agus droch-Volapük freisin, gan dabht, mar bharr ar an donas. Go raibh maith agat as an míniú.

A Dennis, a chara

Tugtar 'míréir chognaíoch' agus 'díshondas cognaíoch' ar www.focal.ie Is fearr liom an chéad cheann (sílim go dtugann an dara ceann an iomarca ómóis do shanas an téarma agus do chúrsaí fuaime). Is cinnte go n-oireann 'míréir chognaíoch' do réim na hacadúlachta agus an oideachais ach caithfidh sé go mbeadh nath níos tíriúla ann a chuirfeadh an coincheap in iúl.