Bhí cruinniú ag dream ar a dtugtar Fondúireacht na Gaeilge i mBaile Átha Cliath le déanaí.

Tá téacs léacht Dhonncha Uí Éallaithe ag an gcruinniú seo le leamh ar: http://anghaeltacht.net/ctg/080203fnag.html

An-suimiúil. Sílim go bhfuil béim ag an iris nua sin Nós* ar an óige, agus sílim freisin go bhfuil an dearcadh sin ag bord nua Fhoras na Gaeilge. Ach faraor, ní léann daoine óga na laethanta seo, pé teanga atá i gceist.

Ceapaim féin go ndéanfar níos mó dul chun cinn dá dtabharfaí ríomhairí agus ceangal leis an idirlíon do gach Gaeilgeoir ná aon rud eile. Bhaileofaí lucht scaipthe na Gaeilge le chéile mar a dhéantar anseo.

An bhfuil baint agatsa leis an eagras sin Fondúireacht na Gaeilge? Cad é do thuairisc ina leith?

Níl baint ar bith agam leis FnaG...bhí mé ag caint le Donncha agus bhí sé an tógtha leis an mbunsmaoineamh faoi chiste a chur le chéile, a bheadh neamhspléach ar an Stát, le tabhairt faoi thograí agus tionscnaimh mhóra, ar mhaithe leis an nGaeilge.

Is maith an smaoineamh ríomhaire agus ceangailt leis an idirlíon ach faraoir cé go bhfuil sé éasca riomhairí fháil níl sé éasca an ceangail leis an idirlíon (leathan bhanda atá i gceist agam!) fháil sna ceantreacha Ghaeltachta...thóg sé breis is cúig mbliain ormsa a bheith ceangailte (féach http://anghaeltacht.net/bandaleathan chun an scéal 'fháil!!)

In ainm Chroim, a Eoin, tuige nach gcuireann tú scéalta ar do láithreán sa mhéid gur féidir liom iad a bhaint anuas le léamh. Ní maith liom rilimintí a léamh ar scaileán.

Is fiúntach a chuireann tú suas ach níl dul agam ar a léamh.

Brón orm..

Ach is féidir an leathanach atá thuas agam a "phriontáil" comh maith!

Tá seans ann go bhfuil an alt áirithe seo le h-íoslódáil ó shuíomh nua Foinse.

Nár lige Dia thú, a Eoin.

Bainfidh mé anuas é agus déanfaidh mé mo mharana air

A Eoin,
B'inspéise léacht Uí Eallaithe ceart go leor, cé nach údar dóchais go hiomlán na figiúirí ann.
Ní féidir é a lochtú ach an oiread de dhroim na tuairime aige nach bhfuil cultúr déagóirí Gaeilge ann. Tuige a mbeadh: is mian le gach déagóir bheith ar a mhalairt dóigh agus a thuistí. Le teanga mionlaigh, teichfidh siad chuig an mórtheanga.

Is trua nach bhfuil léamh socheolaíoch ag Donncha ar a mbíonn ag tarlú.

Ar an láimh eile, is iomaí dea-threith le léamh ó na figiúirí agus sin bunshraith le tógáil air.

Maith thú as an léacht a chur ar ár súile

nil mo gaeilge an-mhait ach is aoibhinn liom gaeilge ach is fuath liom an cursai gaeilge.. ta ach seacht ag deanamh ard leibheil i mo scoil. go dti go teann mary hannafain agus na muinteorai gaeilge teacht le cheile plean nua shucru beidh gaeilge cailte.. ni do liom go bhfuil daoine oga sasta stair na gaeilge no danta a deanu nilimid ag caint foai na rudai sa la ata innui

Seo do sheans anois, a dhuine gan ainm. Téir go dtí an suíomh úd atá fógraithe sa bhfóram seo, www.nosmag.com chun blaiseadh a fháil den tsaol nua-aimsire.

Seanfhear