Má aontaíonn tú leis an achaine seo téir ag:
http://www.petitiononline.com/cosain7/petition.html

============================================
Chuig: Páirtí an Lucht Oibre (English version below)

Tá bille á bhrú ag Urlabhraí na Gaeilge i bPáirtí an Lucht Oibre chun scrúdú béil agus riachtanas Ghaeilge do dhlíodóirí a chur ar ceal.
Iarrann na daoine thíosluaite ar Pháirtí an Lucht Oibre a aithint

1. Go ndéanfaidh an bille seo dochar do stádas agus d'úsáid na Gaeilge go ginearálta, agus go háirithe do stádas na Gaeilge sa chóras dlí.
2. Go mbeidh sé dodhéanta ag cainteoirí Gaeilge a gcearta a fháil i gcúirteanna na tíre seo, ma ghlactar leis an mbille seo.

3. Gur chóir go mbeadh cásanna agus seirbhísí Ghaeilge á dtairiscint i ngach cúirt sa tír, chun comhionannas a thabhairt do chainteoirí Gaeilge, seachas a bheith ag moladh go mbainfí cearta uathu.

4. Go mbeidh bagairt ar chearta Bunreachtúla na Gaeilge i gceist leis an mbille seo, ós í an Ghaeilge ár gcéad teanga náisiúnta. Beidh impleachtaí ann chomh maith do stádas na Gaeilge san Eoraip, áit a bhfuil éileamh ar dhlíodóirí le Gaeilge.

5. Go mbeidh impleachtaí ann freisin do neamhspleáchais na tíre. Má chuirtear an scrúdú béil Ghaeilge ar ceal, agus riachtanais na Gaeilge do dhlíodóirí na tíre seo, beidh ár gcóras dlí in ann sleamhnú isteach faoi chóras dlí Shasana arís, mar a bhí roimh 1921. Is ait an bille é seo ag teacht ó pháirtí atá ag maíomh go leanann siad Séamuis O Conghaile, agus go seasann siad do chosmhuintir na hÉireann agus do mhuintir na Gaeltachta.

Iarrann muid ar Pháirtí an Lucht Oibre an bhille seo a tharraingt siar.

Maith an fear a Eoin. Tá an ceart agat agus ag Seán, más é a thosaigh é. Is mithid seasamh in éadan amaidí Éireann nuair a fheicfimid í ag bruachtaíl gach ré seal. Mura seasfaimid amach ar son na teanga i gcás mar sin, fágfar borradh faoin dingleachas inár dtimpeall. Bhíos thiar an taobh sin inné, Corca Dhuibhne, agus chuirfeadh sé fearg ar dhuine a fheiceáil mar a mhaslaíodar sin an Ghaelainn ar na fógraí bóthair siar as Oileán Chiarraí. Is mór an náire in aon tír iad.

Is mithid fuinneog an Chadhnaigh a bhriseadh ar son na teanga.

Cad faoi feachtas dlí a bhriseadh agus dul chun cúirte agus Gaeilge a labhairt?

Rud beag: páirceáil san áit mícheadaithe, gan cheadúnas teilifís a íoc, fuinneog a bhriseadh, suí isteach in oifig rialtas. Rud beag ach do shamhlaíocht a úsáid.

Agus mol don bhreitheamh an fíneáil a thabhairt do charthanacht éigin.

torthaí:
Poiblíocht.
Feachtas.
Cur le chéile.
An Mhaith i leaba na hÉagóra.
Níos bíogúla ná d'ainm a chur le liosta idirlín.

Ní raibh gá ag an Lucht Oibre nó Brian O'Shea leis an bplean seo, ós rud é go raibh an rialtas sásta an beart a dhéanamh i rith an ama go léir cheana fhéin.

http://gaelport.com/index.php?page=clippings&id=2598&viewby=date

Níos bíogúla ná d'ainm a chur le liosta idirlín?

Níos bíogúla fós ná sin arís:

Rud beag: páirceáil san áit chontráilte, gan ceadúnas teilifíse a íoc, fuinneog a bhriseadh, suí isteach in oifig rialtais. Rud beag ach do shamhlaíocht a úsáid. Agus mol don bhreitheamh an fhíneáil a thabhairt do charthanacht éigin, agus ansin, d'ainm a chur le liosta idirlín.

Táimse idir dhá chomhairle faoin scéal seo.

Ar an gcéad dul síos, ceap magaidh a bhí san scrúdú úd, sleachta as fiche bliain ag fás len aistriú agus a leithéidí.
B'fhacthas don a lán nach raibh ann ach dris cosain gan chiall. Tá's ag an saol gur tearc ar an dtalamh a bhí dlíodóirí a bhí in inmhe a gcuid oibre a dhéanamh as Gaeilge, ainneoin an "scrúdú" úd.


Má fheidhmíonn an córas nua cláraithe, seans go mbeidh feabhas ar rudaí.
Ar a laghad, beidh muid in ann dlíodóir le gaeilge a aimsiú nuair a leanann muid moladh Fhirn!

Níor cheap magaidh é i measc na Brian Ó Sheas agus na Rings é a Aonghuis. Ba ábhar buartha dóibh é, dream nár mhiste buaireamh a chur orthu. (Tá a fhios agam nach bhfuil tada ann mar scrúdú ach sliocht a léamh agus sliocht mórán cosúil leis a scríobh fút féin.)

Nuair a theastaigh dlíodóir uaim tamall de bhlianta ó shoin, ghlaos ar Chonradh na Gaeilge le dlíodóir a cheapadh dom i gCo. an Chláir. Bhí an t-eolas acu dom laistigh de cheathrú uaire nó mar san.

Sheas sé sa gcúirt dom ar an ngeallúint (gutháin) go n-íocfainn é ar mo bhealach ó thuaidh ag ceann na seachtaine sin. Bhuaileas isteach san oifig roimh 6.00. Bhí sé gafa le duine eile go ceann i bhfad agus ní raibh sé ag súil le haon íocaíocht in aon chor mar gheall gur iarr mé an tseirbhís i nGaeilg! Thugas nóta £20 dó agus chreath a lámh. Má fheicim bealach ar bith le gnó a chur ina leith amach anseo, déanfaidh mé sin.

Tá aithne agam ar dhlíodóirí Gaeilge i nGaillimh, i Sligeach, i gCiarraí, an Clár agus chreidfinn go bhfuilid fairsing go leor in áiteanna eile.

B'fhearr liom buairt a chuir orthu faoi rudaí ciallmhara.

Níor chruthaigh an scrúdú úd go raibh cumas ag an dlíodóir a chuid oibre a dheánamh i nGaeilge. Mar sin, ní raibh feidhm leis.

B'fhearr liomsa a fheiscint go mbeadh scéim ag Ostaí an Rí agus pé dream ata i mbun oideachais dlí go mbeadh orthu cuir go leanúnach le líon na dlíodoirí a bheadh ábalta Gaeilge a úsáid agus iad i mbun gnó.

Níor mhiste scéim mar atá do Gardaí agus rl sa Ghaeltacht a bheith ann do dlíodóirí, ach coinníolacha cinnte a bheith leis.

Agus, gan amhras, cosc ar breitheamh gan Ghaeilge a cheapadh, go hairithe don Ghaeltacht.