Ábhar bróid do shiopaí Sráid Anraoi iad na soilse breátha atá curtha suas acu i mbliana: tá ceithre mhana i nGaeilge amháin crochta trasna na sráide acu in aice le hArd-Oifig an Phoist: BAILE ÁTHA CLIATH, NOLLAIG SHONA, srl. Má leanann dreamanna eile a sampla beidh cló Gaelach ar an gcathair i mbliana.

Chuala ar an raidio go bhfuil ar intinn ag dream éigin Chinatown a bhunú i mB. Á. C. Táim cinnte go n-éireoidh leo. Tá oiread Polannach anseo is go bhfoilsítear forlíonadh ina dteanga siúd san Evening Herald. Mór an trua nach gcuirfeadh na Gaeil le chéile chun an teanga seo againne a chur in úsáid. Tús maith iad na soilse seo dar liom.

Tá comhartha Nollag curtha suas ar sráid Cill Mhantáin freisin, in aice leis an International.
Tá "Nollaig Shona Duit" air.

Tá fear gnó as An tSín ag iarraidh an ceantar timpeall Sráid an Mhúraigh agus sráid Parnell a athrú go Ceantar Síneach.
Bheinn glan, glan geal in aghaidh deighilt nó aon saghas ghettoisation cosúil leis sin.
Creidim go láidir i gcomhréimniú ciníocha, rud éicint nach bhfuil ag tarlú go maith sa tír seo, mar gheall ar na hamadáin ar an eite dheis agus na hamadáin ar an eite chlé le chéile.

Chonac sin i mBAC. Cinnte go bhfuil géarghá ann ár nglór a láidriú agus má dhéantar fuaim sách-ard éireoidh linn!

Níor chuala mé riamh go mbunaítear Baile na Síneach áit ar bith. Go bhfios dom, tarlaíonn siad go nádúrtha. Cuireann daoine fúthu taobh le daoine eile dá gcine a labhraíonn a dteanga. Má bhúnaítear é, bheadh sé mar Epcot, seachas comharsanacht.
Ba chóir do na Sínigh i BÁC Gaeilge a labhairt. Labhraíonn siad Francais i Montreal - rud a bhí ait dom nuair a bhí mé ann, mar ní raibh taithí agam ar Shínigh ach amháin i Nua-Eabhrac, agus níl ach Béarla agus Sínis acusan. Yu Ming abú!

Seans go gcabhróidh lárionad Gaeilge i 6 Sráid Fhearchair lena leithéid mar a mhol an tAire cúpla seachtain ó shin ag an Oireachtas. I láthair na huaire tá Conradh na Gaeilge ag glacadh le moltaí maidir lena leithéid d'Ionad a lonnú ann. Tá rudaí ar nós caifé idirlín, amharclainne agus naíolainne luaite cheana féin. Má tá moltaí agaibh cuir chuig iad.