Seo chugaibh ceist ghramadaí atá do mo chrá. Cé acu is cirte:

(A) níos mó fear ná ban
(B) níos mó fear ná mná

Sa dá cheann tá fir sa tuiseal ginideach ar lorg níos mó, ach céard faoi na mná? Ar cheart iad a chur sa tuiseal ginideach freisin (A), nó an bhfuil tionchar an míos mó sin teoranta do na fir (B)?

Tá cosc orthu araon faoin dlí comhionnais!

(Níl fhios agam, ní thig liom faoiseamh a thabhairt duit - ach is dóigh liom (A))

Bhainfinnse úsáid as "níos mó fear ná ban".

Similarly:

Cheannaigh sé níos mó bróg ná sceallóg!

Dá n-úsáidfí "bróg", agus ansin "sceallóga", bheadh sé ait dar liom -- ach téann "bróg" agus "sceallóg" go maith le chéile.

Sampla eile ina gcoimeádfainn an ginideach:

Ceannaíodh é ar son na bhfear agus na mban.

An fáth a bhfuil sé seo ina cheist nó gur casadh duine orm le déanaí a mhaígh gur cirte B ná A agus an chúis a bhí aige ná go mbaineann níos mó leis na fir amháin, ní bhaineann sé leis na mná. Bhí níos mó de fir ann, ní de mhná. Dá bhrí sin, dar leis, níl níos mó ina cháilitheoir ar na mná agus, dá bhrí sin, níor cheart go mbeadh na mná sa tuiseal ginideach.

Cé go dtuigim don loighic, bhí mé in amhras faoi. Faightear an patrún céanna i mo theanga dhúchais féin, an tSeicis, agus sa teanga sin leanann an tuiseal ginideach ar aghaidh i ndiaidh ná i gcónaí: víc mužů než žen, is é žen an tuiseal ginideach de ženy, mná.

Más fíor go gcloiseann A níos nádúrtha daoibh, bhí an ceart agam agus an freagra atá ar an chonspóid ar fad ná nach ionann gramadach agus loighic i gcónaí.

Tá an dá leagan ann ar an idirlíon:

http://www.google.com/search?hl=ga&q=%22n%C3%ADos+m%C3%B3+fear%22

Sílim go bhfuil an bua ag A, ach ní fheadair ca'na thaobh! Molaim duit é seo a chur faoi bhráid na ndaoine ag www.acmhainn.ie.

(Message edited by séamas_Ó_neachtain on January 26, 2006)

Féach ar googlefight:-

http://www.googlefight.com/index.php?lang=en_GB&word1=n%EDos+m%F3+fear+n%E1+ban& word2=n%EDos+m%F3+fear+n%E1+mn%E1

Bhí sé ceart agat an frása a chuardach, tá an dá leagan sách tearc: 8 : 1

http://www.googlefight.com/index.php?lang=en_GB&word1=%22n%EDos+m%F3+fear+n%E1+b an%22&word2=%22n%EDos+m%F3+fear+n%E1+mn%E1%22

Ní fhaca mé googlefight roimhe seo. Tá sé fionnuar.

Tá an rud sin ar fheabhas! D'fhéadfadh sé a bheith mar áis ghramadaí den scoth. Tá sé cosúil le 'Ask the Audience' ar 'Who Wants to be a Millionaire'.

Dála an scéil a chairde, tosaigí achrann idir "Tá mé fear" agus "Is fear mé". Is suimiúil an toradh é.

Tá sé go breá má chuireann tú i camóga é

http://www.googlefight.com/index.php?lang=en_GB&word1=%22is+fear+m%E9%22&word2=% 22t%E1+m%E9+fear%22

892:61 do "is fear mé"