http://www.greenparty.ie/ga/policies/irish_language_policy

quote:

Tagann cosaint na Gaeilge le bunphrionsabail an Chomhaontais Ghlais. Creidimid go bhfuil sé den riachtanas acmhainní a chaomhnú ionas go mbeidh an tsochaí ina mairimid inmharthanach amach anseo. Is acmhainn thábhachtach chultúrtha do phobal na hÉireann í an Ghaeilge, ach is acmhainn leochaileach, leonta í ar ghá í a chosaint. Is sinne caomhnóirí an domhain, agus is gá dúinn a chuid acmhainní go léir, acmhainní cultúrtha agus teanga san áireamh, a chur ar aghaidh go slán agus go folláin chuig na glúnta atá le teacht.

Seo ceann maith:

quote:

Tacaíonn an Comhaontas Glas leis an gcur chuige Ceanadach i leith sholáthar seirbhísí dátheangacha, ‘an tairiscint ghníomhach’. Faoin gcur chuige sin, poiblíonn eagraíochtaí stáit agus ranna rialtais a gcuid seirbhísí dátheangacha go leanúnach, ionas go dtuigfeadh pobal na mionteanga go bhfuil siad ar fáil gan stró. Ní dhéantar a leithéid faoi láthair, rud a lagaíonn éifeacht Acht na dTeangacha Oifigiúla

Agus seo ceann níos fearr:

quote:

I bhfianaise líon mór na mbotún sa Ghaeilge ar chomharthaíocht phoiblí (go háirithe comharthaí bóthair) ar fud na tíre, iarrann an Comhaontas Glas go dtabharfaí cumhacht bhreise don Choimisinéir Teanga le cinntiú gur Gaeilge chruinn cheart a bheidh ar na comharthaí ar fad.

Dia dhuit a Aonghus,
Rinneamar modúil beag ar Acht na dTeanga Oifigiúla ar chúrsa aistriúchain i mbliana.
Chuamar tríd an Acht agus tá sé soiléir go bhfuil cúnamh den Ghaeilge san Acht , ach tá srianta móra ar chumhacht an Choimisinéara.Tá go leor poill san reachtaíocht agus phioc an léachtóir amach dúinn na háiteanna ar tharraing dlíodóirí suas an reachtaíocht sa chaoi go bhfuil bealach as ag daoine aonair agus ag comhlachtaí Poiblí/Stáit.
Tugam aitheantas do Trevor Sergeant mar tá togh na Gaeilge aige agus ar a laghad tá sé ag tabhairt sampla maith .
Níor Chuala mé Bertie ag labhairt focal Gaeilge riamh ach tá leithscéal ag dul dó mar is as an taobh ó thuaidh den Life é

Is ó taobh ó thuaidh den Life (ach as aicme eile) é Trevor!

Tá an tAcht Teanga cúramach go maith, agus an focal deiridh ag maorlathaigh an airgid i Sráid Muirfean. Ach tá sé ann, agus is féidir tógáil air.