Seachtain amháin eile! Tá mé ag tnúth go mór leis.
An mbeidh duine ar bith eile anseo ag triall air i mbliana?

diabhail ar bith!

Úúú... ní heol dom gur mhaith liom casadh le diabhal, fiú amháin diabhal le Gaeilge!

Ach má tá duine, nó aon neach tuisceanach eile, le bheith ann, cuireadh sé freagra anseo agus b'fhéidir go mbeidh seans againn teacht le chéile mar a rinne mé féin agus Seosamh s'againne anuraidh.

Ag brath ar chúrsaí oibre ag an am, beidh m'aird air ar a laghad ar bith agus an obair a bheith curtha díom le cúnamh Dé, beidh mé ann.

B'fhusa fiafraí cé nach mbeidh ann!


Pléaráca na Ruarcach,
do chuala gach duine
dá dtáinig, is dá dtiocfaidh,
is dá maireann riamh beo -

O Ruairc's feast
shall ne'er be forgot
by those who were there
and by those who were not!

Bhí Oireachtas eile Chorcaigh cúpla bliain ó shoin thar cinn.

A Abigail, a chara,

Féach ar sceideal an Oireachtais - De hAoine 10/31

12.00 m.l. Seoladh Leabhair - Daltaí na Gaeilge
'Súil Siar', Cnuasach Aistí le Barra Ó Donnabháin,
IONAD: An Halla Taispeántais, Óstán Rochestown Park

Beidh dream Dhaltaí ann. Buail isteach, a chailín, beidh fáilte is fiche romhat ann.

GRMA, a Dhreoilín. Cinnte go mbeidh mé i láthair ansin.

Oireachtas @ Irish Times

http://gaelport.com/index.php?page=clippings&id=4149&viewby=date

Do bhíos ann agus ní rabhas cearnógach!

Seans go mbeidh tuairisc níos faide á scríobh agam ar ball - táim báite in obair ó tháinig mé ar ais - ach déarfaidh mé an méid seo anois láithreach: an-time go deo a bhí a'ainn, agus má mheasann duine ar bith go mbíonn drogall ar chainteoirí Ghaeltachta bheith ag labhairt Gaeilge le foghlaimeoirí nó le coimhthígh, níorbh fhearrde é rud a dhéanfadh sé ná dul chun an Oireachtais. Ní raibh mé féin ach ar imeall an aonaigh mar a déarfá, agus fós féin níor bhraith mé aon ghanntanas comhrá nó comhluadair orm de ló ná d'oíche (ganntanas codlata, b'fhéidir, ach sin scéal eile!)

Rud amháin eile de - bhuail gealt eicínt de bhunadh Thír Chonaill bleid orm ar an Aoine:
http://dynamic.rte.ie/quickaxs/209-rte-rng-ronanbeo-Friday.smil
(Ba chóir go mbeadh an nasc sin i bhfeidhm go dtí an Aoine seo chugainn... agus tosaíonn mo chuid comhrá-sa leis ag a 1:28 nó mar sin.)

Chuala mé thú ag caint an lá sin a Abigail agus déarfainn go raibh Rónán faoi iontas ag do chuid Gaeilge.

An bhfuair tú do ghuthán ar ais? Bhí scéala ag Máirtín Tom Sheáinín ar Raidió na Gaeltachta lá amháin ansin go raibh do ghuthán aimsithe ag comhlacht an chairr fhruilithe.

An raibh? Caithfidh gur chuir siad glaoch air sin faoi, ó tharla a uimhirsean a bheith sa nguthán agam. (Súil agam nár bhadaráil siad Éamó agus Bono freisin...) Ar aon chaoi, níl sé agam go fóill ach fuair mé teachtaireacht inniu le rá go raibh siad tar éis é a chur sa bpost chugam.

(Message edited by Abigail on November 04, 2008)

An-mhaith. Is maith sin.

Féach go raibh an saol is a mháthair an taobh seo den deán ag iarraidh cuidiú leat, go bhfaighfeá do ghuthán ar ais.