Cad é an dhifríocht ó thaobh brí idir "ár dteach" agus "an teach seo againne"? Lunéireacht i gcomórtas le seilbh? An ionann "ár dteach" agus "an teach is linn"? Doshanntacht i gcomórtas le soshanntacht? An ea gur é "ár dteach" teach a thógamair féin agus níl ins "an teach seo againne" ach teach ina bhfuilimíd i gcónaí don am i láthair? Rud éigin eile?

Ní dóigh liom go bhfuil difear ar bith sa chiall.
Nósanna ar leith atá ionntu, sin an méid.

Tá barúil [gan fianaise!] agam go bhfuil "teach s'againne" níos coitianta sa chaint.

Tagaim le hAonghus. Luíonn nós na cainte leis an 'teach s'againne', (se' a'ainne; s'ugainne). Níl ann ach nós.

Úsáideann na cainteoirí dhúchais ''s'againne, s'agamsa'' srl i gcúpla Gaeltachtaí.

(Message edited by Trigger on September 12, 2008)

quote:

i gcúpla Gaeltachtaí

recte: i gcúpla Gaeltacht

Mar a dúirt mé cheana, tá an uimhir iolra le cloisteáil tar éis "cúpla" ("cúpla daoine", etc.), i measc foghlaimeoirí go háirithe, ach níl sé le moladh.

An Teanga Bheo: Gaeilge Uladh, lch. 131:

cúpla - A couple. Cupla a deirtear. Níl ann ach cupla duine/ceann.

An Teanga Bheo: Gaeilge Chonamara, lch. 256:

Is ionann cupla agus uimhir bheag éiginnte: cupla lá ó shin, i.e. dhá lá nó trí.