Chuala me inniuibh, nuair a bhi me ag eisteacht le RnG, an laithreoir ag usaid 'de' cosuil le 'je'.

Cheap me go mbionn an 'd' leathan. Nach bhfuil me ceart?

Braitheann sé is dóigh. Bhí seo á phlé ar an bhfóram seo roimhe, “de” a fhuaimnítear sa gcaoi iomlán i gCuige Mumhan, cuir i gcás. Bain triail as an inneall cuartaithe

quote:

“de” a fhuaimnítear sa gcaoi iomlán i gCuige Mumhan, cuir i gcás.

Ach cén áit sa chúige sin? Tá "de" agus "do" rite ina chéile go hiomlán -- go bhfios dom -- i gCorca Dhuibhne. Pé scéal é, ní dócha go gcloisfaí 'je' ó chainteoir Muimhneach, .i. 'd' caol mar 'j'. Ach is féidir go bhfuil "hypercorrection" i gceist anseo ós rud é gurb é ainm dílis, ní gnáthainm, atá ann. Sin í mo theoiric, ar aon nós. ;-) Téann an meascán de "de" agus "do" siar go ré na Sean-Ghaeilge, agus is "do" an fuaimniú a fuair an lámh in uachtar beagnach i gcónaí.

>> Ach cén áit sa chúige sin?

Níl tuairim faoin spéir a’m. Rinneadh trácht air seo tamall maith ó shin, ag duine de shaineolaithe Ghaeilge na Mumhan, mara ndéanaim dearmad. Tá a fhios agam go maith go bhfuil an “d” le cloisteáil ag corrchainteoir, ach ní /d’e/ ach /də/ go nádúrtha é, is fíor dhuit.

(Message edited by peter on January 16, 2008)