Tá mé ag iarraidh sliocht a aistriú ó Bhéarla go Gaeilge agus tá an focal Vikings ann go minic. Is píosa comhrá atá i gceist agus ag léamh ar ais an píosa dom féin, tá mé ag ceapadh go mbeadh sé níos fearr leis an focal Vikings i mBéarla. Céard a cheapann sibh? An úsáideann daoine an focal Uigingí go minic sa chaint?

Sampla:"Is Uigingí (Vikings) sibh.. "
"Thóg na hUigingí(Vikings) anseo sibh ... "

Dar liomsa tá an focal Uiging/Uiginn/Uigín cineál seanda agus as dáta, ní úsáidtear sa chaint é níos mó ach amháin má táthar ag iarraigh íomhá sheanda a chothú. Agus dar ndóigh tá sé le fáil fós in ainmneacha daoine: Ó hUigín = O'Higgins.

An gnáthfhocal atá in úsáid ar na laethanta seo ná Lochlannach, de réir m'eolais. Freagraíonn sé do Viking, ach freagraíonn sé do Scandinavian, freisin. Mar shampla long Lochlannach = Viking ship, tua Lochlannach = Viking axe.

Sin é mo thuiscint féin ar an scéal, seans go mbeidh malairt tuairime ag duine éigin.

(Message edited by mbm on January 20, 2006)

Táimse le Mbm ar seo. Lochlannach, nó ceann de na naisún atá i gceist - Danar, mar shampla.

Mise freisin

Míle buíochas. Gan dabht beidh ceist nó dhó eile agam roimh deireadh m’obair anseo. Táim fíor-bhuíoch daoibh mbm, A agus D,
C

Tá scéilín agam duit, a Chaitríona. Cúpla bliain ó shin scríobh údar chuig Old-Irish-L ag iarraidh cabhrach le húrscéal nua do dhaoine óga i bhí idir lámha aici: Stormriders, an tríú ceann sa sraith "Viking Magic". Bhí carachtar Éireannach sa cheann seo, Dúngal, buachaill óg a gabhadh leis na Lochlannaigh. Bhí an t-údar, Anna Ciddor, ag iarraidh beagán Sean-Ghaeilge a chur i mbéal an charactair seo, focail aonair den chuid is mó: Dublinn, Ériu, srl. Agus chum muid dhá abairt i Sean-Ghaeilge a d'úsáid sí:

Tothaim cen éirge foirib uili!
Nom léic m'óenur!

An dtuigeann tú? "Titim gan éirí oraibh uile!" agus "Lig mé i m'aonar!"

Chuir sí cóip den leabhar chugam, a foilsíodh san Astráil i 2004.

http://www.viking-magic.com/