Beidh seisiún eile de Chiorcal Díospóireachta Átha Cliath ar siúl Dé Máirt,
20 Meán Fómhair 2005, idir 6:30 agus 8:00 PM i gCaife Úna i lár na cathrach
Bhaile Átha Cliath (Sráid Chill Dara - Kildare Street, in íoslach fhoirgneamh Chomhdháil Náisiúnta na Gaeilge). Beidh fáilte roimh éinne a bhfuil fonn air nó uirthi cúrsaí reatha a phlé as Gaeilge. Is féidir ábhar
ar bith a tharraingt isteach ach seo hiad na cinn atá molta chun tús a chur leis an chomhrá:

1. An ndeachaigh daltaí an Teastais Shóisearaigh thar fóir leis an ólachán i mbliana?

2. Ar cheart "Triúr na Colóime" a eiseachadadh go dtí an Cholóim?

3. An bhfuil teipthe ag rialtas na Stát Aontaithe sa dóigh ar láimhseáil siad Spéirling Katrina?

4. Cé a bheidh i gceannas ar Rialtas na Gearmáine tar éis an olltoghcháin thall?

5. Cé acu is tábhachtaí agus duine ag foghlaim teanga: líofacht, nó cruinneas gramadaí?

6. Ar thug tú fuil riamh?

7. An bhfuil turasóirí ag fáil luch a gcuid airgid in Éirinn?

Tá súil agam go mbeidh deis agaibh bualadh isteach.

Michal

--
Michal Boleslav Mechura

7. An bhfuil turasóirí ag fáil luch a gcuid airgid in Éirinn?


Botún cló, ceapaim... 'luach a gcuid airgid' atá i gceist.
Táim cinnte go ndeachaigh praghasanna go mór mór in airde in Éirinn le cúpla bliana anuas. Bhíomar ann i 2001 agus arís i 2005 agus bhí gach rud níos costasaí i mbliana. Agus tháinig laghdú ar an dollar idir an dá linn chomh maith.
Is féidir lóistín dheas a fháil ar chostas réasúnta fós má tá comhairle mhaith agat.

Agus caithfidh mé a rá go bhfuaireamar luach ár gcuid airgid i mbeagnach gach áit.

Mar shampla,
Níl táille ar dhul isteach ag Músaeim Náisiúnta na hÉireann.
Agus ar 20 euro gach duine (7.50 costas m'iníne), fuaireamar "Cárta Oidhreachta." Tugann an cárta seo cead isteach ag "breis is 65 láithreáin oidhreahcta(sic) ar fud na tíre."

Seo an suíomh:
http:///ie/AnCartaOidhreachta/