Cén fáth nach bhfuil Gaeilgeoirí na Stát ag cur le litríocht agus le hiriseoireacht na Gaeilge? D'fheicfeá corrphíosa ar 'Beo' ach diabhal rud eile. As Meiriceá a tháinig an
chéad nuachtán Gaeilge - An Gaodhal - sna 1880í ach b'in é a mbuaic de réir dealraimh. Bheadh scata ann anois féin agus é ar a gcumas píosa slachtmhar a chumadh dá
mb'fhiú leo é. Is dícheallaí na hAstrálaigh féin i mbun pinn cé gur lú a líon. An teanga ag leathnú go ciumhais na cruinne agus gan aon bhlas Poncánach fós uirthi.

Fóill, fóill a Cholmáin, tá roinnt mhaith déanta ag Séamas ó Neachtain http://www.scoilgaeilge.org/lasmuigh/danta/dantanua.htm agus ag James Mc Cluskey http://www.litriocht.com/shop/product_info.php?manufacturers_id=72&products_id=1 876
gan trácht ar shuíomhanna idirlín a bheith cruthaithe ag go leor eile nach iad.

Mar a dúirt Eyore, go raibh maith agat as mise a thabhairt faoi ndeara!

Ná déan dearmad ar mo leabhar!
http://www.scoilgaeilge.org/lasmuigh/danta/

Bhí sraith alt agam in Lá tamall ó shin, agus scríobhaim gach ré mí don National Hibernian Digest, freisin
(féach http://www.scoilgaeilge.org/t_na_t/index.htm), cé nach mbíonn ach píosa de sin as Gaeilge.

Tá dánta eile ann le mo chara Réamonn, freisin, ag
http://www.scoilgaeilge.org/lasmuigh/danta/roc_danta/ray.htm

Ní féidir an méid atá ann a thomhas ó a mbíonn foilsithe in Éirinn (Beo, mar shampla), mar brathann sin ar na heagarthóirí, foilsitheoirí, agus eagrais an rialtais, agus níl sé éasca in aon chor briseadh isteach.

Tá irisleabhar Gaeilge Meiriceánach ag teacht, agus tá roinnt ann cheana féin:
http://www.nagaeilmagazine.com/

Go raibh maith agat as an gcureadh, a Cholmáin!



(Message edited by séamas_Ó_neachtain on March 11, 2005)

(Message edited by séamas_Ó_neachtain on March 11, 2005)

Scríobhann Seán O'Connor, Meiriceánach a rugadh i mBÁC agus a bfhuil cónaí air i gConnecticut le fada, scríobhann seisean gearrscéalta a nochtann sna irisí litríochta ó am go ham. Tá cóip de "Comhar" (Nollaig 2004) agam anseo a bhfuil scéilín leis, "Oíche Chinn Bliana 1944", ann. Taitníonn a chuid oibre liom.

Is scríbhneoir den scoth é Seán, cinnte. Má tá inimircigh san áireamh, tá Muiris Ó Bric ann, a scríobh an leabhar iontach 'Spotsholas na nDaoine,' freisin.