Bhí Nollaig mhaith agam, agus tá rudaí níos fearr arís toisc go bhfuil an sneachta imithe.

D'fhéadfá a rá. Is fuath liom an sneachta agus an ghreallach a leanann é.

Bhí an sneachta go deas cinnte, mar ní fheiceann muid móran dhó an taobh seo tíre. Ach thréis píosa d'éirigh mé tuirseach dhó. Go mór mór as go raibh an t-uisce reóite orm agus fadhb leis an mboiler freisin.

Bhí an t-ádh orm ! Cheannaigh m'fhear-chéile "spikies" dom, agus bhi mé in ann siúil go tapa gan deacracht sa sneachta.

buíochas le Dia, ní raibh orainn an gluaistean a úsaid, ach amháin ag dul go dtí an aerphort chun síob a thabhairt do m'inion is sine (agus sí ar maidí croise, an créatúr!)

eadaoin

Bhuel bhí níos mó sneachta anseo i mbliana ná riamh agus ní raibh a leithéid den fhuacht sin ann leis na blianta fada ach an oiread. Sin ráite bhí atmastféar den chéad scoth ann. An rud is mó atá i gceist agam ná níl cleachtadh nó taithí againn le sneachta nó fuacht ag an leibhéal sin. Ach an rud is tabachtaí bhí mé breá te taobh istigh sa teach le mo theaghlach agus bhí béile deas mór againn le chéile agus milseog álainn. Fuair mé bronntanas iontach ó mo bhean chéile, ticéad fá choinne ceolchoirm Bon Jovi i mBaile Átha Ciath. Bhí Cúpla deoch os comhair na teilifíse agam agus níos moille chuaigh muid uilig go coisir i dteach mo dheirfúir. Gan dabht bhain muid sult as lá Nollaig i mbliana.

Cad a tharlaíonn d'uisce le linn an tseaca? An atann sé nó an gcrapann sé? Is le linn na coscairte a fheictear píopaí ag sceitheadh.

Atann sé.

Agus réabtar na píopaí, ach is le linn na coscartha a fheictear an toradh.

Ag 4 chéim celsius atá an dlús is mó ag uisce.

tá rudaí níos measa anois ,tá daoine ann gan uisce ar bith toisc go bhfuil ganntanas uisce ann .... Droch scéal ar fad i ndiaidh na rudaí a tharla díobh cheana féin ... sneachta , fuacht srl

Agus uisce inóil á ligean le fán!

Caoga bliain ó shin dhéanfaí gáire faoi dhuine a bheadh ag iarraidh luach a chur ar uisce agus é a dhíol i mbuidéil. Shíleamar gur ó Neamh anuas a tháinig sé chugainn saor in aisce. Nach mór an t-athrú atá tagtha orainn.

Cén uair a chuirfear praghas ar aer glan úr?

Bhuel bhí níos mó sneachta anseo i mbliana ná riamh agus ní raibh a leithéid den fhuacht sin ann leis na blianta fada ach an oiread. Sin ráite bhí atmastféar den chéad scoth ann. An rud is mó atá i gceist agam ná níl cleachtadh nó taithí againn le sneachta nó fuacht ag an leibhéal sin. Ach an rud is tabachtaí bhí mé breá te taobh istigh sa teach le mo theaghlach agus bhí béile deas mór againn le chéile agus milseog álainn. Fuair mé bronntanas iontach ó mo bhean chéile, ticéad fá choinne ceolchoirm Bon Jovi i mBaile Átha Ciath. Bhí Cúpla deoch os comhair na teilifíse agam agus níos moille chuaigh muid uilig go coisir i dteach mo dheirfúir. Gan dabht bhain muid sult as lá Nollaig i mbliana.

quote:

níl cleachtadh nó taithí againn le sneachta nó fuacht ag an leibhéal sin

Beidh raidhse againn más fíor do na saineolaithe!

Ní bhíonn saineolaithe gan locht.

Tá sneachta chomh neamhchoitianta i gConamara go gcaithear taifead a dhéanamh dhó...

http://www.facebook.com/album.php?aid=2081073&id=1305845052&l=c1f95bb59a

B'fhéidir nach bhfuil a fhios agaibh cad chuige a bhfuil a leithéid ann. Ní raibh mise anseo le tamall fada toisc go mbíonn an méid sin cainte faoi na rudaí céanna aríst agus aríst eile agus go fóill. Cá bhfuil an craic ? cá bhfuil an cuidiú? cá bhfuil na rudaí maithe atá a bhaint leis an teanga álainn. Is fíor le rá go bhfuil scoth na Gaeilge ag na daoine atá ag glacadh páirt ann agus cúpla duine eile chan mórán. Cad chuige nach bfuil sibh sásta scríobh faoi na gnáth rudaí nó cuir deireadh le post ag pointe áirithe, nuair atá sé glan soiléir nach bhfuil sibh ach ag dul suas an bóthar céanna arís agus aríst gan réiteach. Gabhaigí mo leithscéal a chairde..... tá a fhios agamsa nach bfhuil an fhadhb libhse ... ach liomsa atá sé ... ach leis an fhírinne a rá nach mothaíonn sibh dubh dóite leis uaireanta? níl me ag iarraidh cuir isteach ar dhuine ar bith ach tá na ceisteanna seo agamsa le tamall. Mhothaigh mé cúpla duine ag iarraidh stad a chur leo ach theip orthu.

Is mise le Meas

Ailéin

Scriobh Rothaí an piosa seo i mí Bealtaine ...

"Ba mhaith liom foghlaim Gaeilge i Gaeilge oscailte. Ni maith liom foghlaim Gaeilge as Bearlas a thuilleadh. Tá foclóirí go leor agam agus tá Buntús Cainte agam, etc. Táim idir bun-leibhéal agus mean-leibhéal.

David (roimhe seo Bodhrán)"

an bhféidir linn téadanna i nGaeilge simplí a scríobh anseo ar an bórd - ag plé gnáth-rudaí ... ?? ag tosnú le "Téad Furasta..."

Cad a cheapann sibh

eadaoin

Táim sásta.
Tá mé an-sásta.
Ba mhaith liom cúrsaí an lae a phlé as Gaeilge.

Seo iad laethanta na cuartaíochta. Bíonn cuairteoirí againn beagnach gach lá.

Bhíomar amuigh inniu ar feadh an lae agus nuair a d'fhilleamar bhí cárta (Gaeilge) agus bronntanas fágtha ag an doras dúinn. Táimid an-sona na laethanta seo. Buíochas le Dia.

[Maidir le cuartaíocht: sa Ghaeltacht fadó -- i dteach áirithe -- dá mbogfá den chathaoir déarfadh bean an tí leat "Ara! Suigh fút agus déan do ghoradh!"]

Bhfuil plean ar bith agaibse don bhliain úr? beidh mise ag dul ar ais chuig an gym inniu .. chuir mé stad leis na toitíní roinnt blianta ó shin. Bhfuil duine ar bith ag streacailt leis an rún sin go fóill?

Ailéin

Bhuel ar ais ón Gym agus buíochas mór le Dia, go bhfuil an Jacuzzi agus an seomra Steam ag obair aríst.

Taidhgín
Tá an cuartaíocht thart anois - Tá na daoine ó Sasana ar ais ag obair.
Agus tá sinne ag tnúth le dul ar ár laethe saoire i gceann seachtaine. Le cúnamh Dé - ni bheidh an sneachta ar ais, agus sinn ag dul go dtí an aerphort!

Sneachta
maith thú - ag dul go dtí an gym! Ta mise ró-leisciúil, ach is maith liom siúil.

eadaoin

A Éadaoin, nach méanar daoibh, atá ag imeacht ar laetha saoire. Níor thit an tóin as bhur ngeilleagar féin mar sin :-) Is fearr liomsa gin ná gym.

Sinne na "Grey Panthers"!

An airgead atá againn - tá orainn é a caitheamh anois - ar eagla na heagla!

eadaoin

Ba bhreá liom dul ar saoire anois díreach. Cúpla bliain ó shin chuamar go Níce na Fraince an tráth seo agus bhí teas agus grian againn. Anois, mo léan, is ag comhaireamh na bpighneachaí a bhímid. Cá bhfios dá gceannóinn ticéad crannchuir nach bhfeicfeadh sibh Taidhgín ar an teilifís agus an Rotha Mór á chasadh aige. Deirimse libh gur mé a chuirfeadh ar bóróiricín é.

[An bhfeileann an focal sin "ar bóróiricín" do roth a bheadh ag rothlú nó an é an focal bóthar is bun leis?]

Ahem! Mise arís! Do mo cheartú féin:

quote:

[An bhfeileann an focal sin "ar bóróiricín" do roth a bheadh ag rothlú nó an é an focal bóthar is bun leis?]

An sampla é "an bhfeileann" san abairt sin agam de bhéarlachas an fhoghlaimeora? Cad eile a déarfainn? Arbh fhearr "an bhfuil "ar bóróiricín" feiliúnach ~~~?

Teanga ar mór léi briathra is ea an Béarla murab ionann is an Ghaeilge.

FRC