A chairde,

Tá mé ag iarraidh eolais faoin líon leabhar/imleabhar atá sa tsraith seo, más sin an focal ceart air?

GRMAibh

Tá leabhar 'Sgéalaigheacht Chéitinn; Stories from Keating's History of Ireland' le 'Osborn Bergin'. D'fhoilsiú le Royal Irish Academy é. Déantar trácht agus scrúdú ar 31 scéalta as Foras Feasa ar Éirinn.

Tá agus tá dhá imleabhar dar teideal "FORAS FEASA AR ÉIRINN" ATHNUA 1 & 2 le Pádraig de Barra ar fáil. D'fhoilsigh Foilseacháin Náisiúnta Teoranta, 29 Sráid Uí Chonaill Íochtarach, Baile Átha Cliath 1 iad sa bhliain 1982.

Cé go mbaineann de Barra cuid den dua as Gaeilge an Chéitinnigh a léamh cloíonn sé leis an bhfoclóir agus le dul na Gaeilge mar a bhíodh aimsir an údair.

An bhfuil eolas ag aon duine anseo ar an gcomhlacht FNT? Cér leis é nó cé a choinnigh ar bun é. Arbh iad Glúin na Bua agus lucht foilsithe Inniu a d'fhoilsigh na leabhra? Proinsias Mac an Bheatha, Tarlach Ó hUid, Séamus Ó Cathasaigh? Cér leis na cóipchearta anois?

Bhí sraith leabhra den chineál sin ann faoin teideal "SAÍOCHT ÁR SEAN." DÍOLAIM PRÓIS 1450-1850; IMEACHT NA nIARLAÍ; BEATHA CHOLM CILLE na leabhra eile.

Tá an rud ar fad ar líne ag CELT:

http://celt.ucc.ie/published/G100054/

agus aistriúcháin Béarla

http://www.ucc.ie/celt/published/T100054/index.html

Maidir le FNT, tá na leabhair agam, ach níl aon eolas bhreise agam orthu.

Tá, agus 'Manuail de Litríocht na Gaeilge, Faisicil 111, An Lá idir dhá Shíon; 1616-1641' le Breandán Ó Doibhlin. Coiscéim 2007.

Maith sibh. Bhí tráth ann nuair a bhíodh eolas agam ar rudaí mar sin. Táim ag titim chun deiridh.

Ba mhaith liom focal nó dhó a chur in iúl díbh faoi chúrsaí iontacha thuas i nGleann Cholmcille, i nDún na nGall. Téim ann gach bliain agus bíonn caighdeán an-ard ag na múinteoirí ann, iad dúthrachtach, díograiseach, agus na ceachtanna ullmhaithe i gcónaí acu. Tá na ceardlanna thar cionn go deo - bhíos féin i gceardlann a mhúin Lillis Ó Laoire anuraidh agus d'fhoghluim mé na hamhráin traidisiúnta is deise go deo uaidh. An chéad uair a bhí mé ann, thosaigh bean ghorm (as North Dakota) ag caint liom i nGaeilge an-mhaith agus ba bheag nár thit mé as mo sheasamh. Bhí sí ag teacht go dtí Oideas Gael i nGleann Cholmcille ar feadh 4 mblian ar chúrsaí Gaeilge agus féach - bhí scoth na Gaeilge aici. Bíonn an-spraoi agus an-chraic ag na foghluimeoirí i rith an ama. Más Seapáineach, Rúiseach, Iodálach, Meiriceánach, Sasanach, nó Gael, cuirfear céad míle fáilte romhat in Oideas Gael. Is do dhaoine fásta na cúrsaí. http://www.oideas-gael.com/Leathanacha/cursai.html