An bhfuil a fhios ag aon duine cad is ciall leis an fhocal 'ádhphar'?
Ár gcuidne den ádhphar?

GRMA

Cé a scríobh? Tá an cuma air gur traslitriú ar focal ó theanga eile atá ann, nós a chleachtann abair Alan Titley.

"offer", b'fhéidir?

Is ó lámhscríbhinn a thagann sé, c.1600!

Comhthéacs? Seans gurbh Laidin nó a mhacasamhail atá i gceist, nó fiú Béarla.

Sin nó comhfhocal as "ádh" agus "par"?

Tá seo ag DIL faoi para, le par mar mhalairt

para
[f.pl.] nobles, chiefs? co teora para pupaill . . . .i. . . . co ruice in triur is uaisli bis isin pupaill `to the three noblest in the pavilion ', Laws i 164.16 , cf. iii 460.11 (`three best chiefs '). A Rom. loan-word, ns. *pair or *par (cf. Eng. peer)? cf. pardéc.

http://www.dil.ie

"Taoiseach rathúil?" {murab ionann as an fear reatha!}

Tá "par na riogh" liostáilte faoi pór i DIL.

Seans go mbeadh níos mó céille leis sin

"ádhphar" = sliocht rathúil?

Tá an chéad chuid den lámhscríbhinn le fáil anseo maille le cur síos air:
http://litrocht.blogspot.com/2009_08_01_archive.html
(ag bun an leathanaigh)
"Ar mbennacht chugoiph..." - níl an focal ádhphar ann, ach is as seo a thagann sé.

É seo?

"An sampla is fearr is dócha litir cháiliúil Aodha Mhóir Uí Néill chuig Mac Cochláin atá i gcló in Tobar fíorghlan Gaedhilge lch 57, agus a thosaíonn go bagarthach."

An bhfeadfá cúpla abairt thart ar an nath a thabhairt dúinn?

Is ea, an sliocht gairid sin i gcló dearg.
"Ar mbennacht chugoiph, a Mheig Cochláin : Do ghlacamar bhar leitir acus issé thuigmid uirre nach ffuil agoiph gá dhénumh acht millsecht bhriathar acus sínteóracht aimsire."

Seo an abairt atá ag déanamh buartha dom - ón phíosa chéanna, ach níl sé le fáil ar an suíomh idirlín sin,
Ar gcuidne do’n ádhphar cé bé duine nach biaidh linn acus nach gcaithfe ar son na córa tuigmíd gur duine ina ár n-aghaigh in duine sin.

Céard a tháinig díreach roimhe?

Ár mbeannacht chugaibh, a Mhig Cochláin: Do ghlacamar bhur litir agus is ea thuigimid uirre nach bhfuil agaibh gá dhéanamh ach milseacht bhriathar agus sínteoireacht aimsire. Ár gcuidne den áfar cé bé duine nach mbiaidh linn agus nach gcaithfí ar son na córa tuigimid gur duine inár n-aghaidh an duine sin.

Sin an píosa ansin.

Tá cuma mionna air, mar seasann an chuid eile den abairt gan é.

Ach thairis sin, níl fhios agam.

Súil agam do dtiocfaidh saoi éigin an treo agus an cheist a fhuascailt.

(Message edited by aonghus on January 05, 2010)

adhbhar .i. ábhar ("adbar" an litriú a gheobhaidh tú mar cheannfhocal in DIL)

Sea, ach cén tátal a bhaineann tú as?

Ár gcuidne den áfar = Our part of the matter = As for our part = As far as we are concerned, whoever is not with us ... is against us.

Is mar sin a thuigimse é.