Tar éis an-chuid de mo shaol a chaitheamh le Gaeilge, á léamh, á labhairt, agus anois, á scríobh rith sé liom nár mhiste aird a tharraingt ar línte filíochta nó próis a chuaigh i gcionn orm agus a d'fhan i mo chuimhne.

Seo thíos ceann a thaitin liom agus atá tráthúil na laethanta seo a bhfuil íospairt na bpáistí i ndíleachtlanna agus i scoileanna áirithe á nochtadh.

Rinneadh gearán leis an bhfile seo i dtaobh gan dul ar Aifreann ach fanacht amuigh ina shuí ar chruach móna. Seo a fhreagra (más cuimhin liom i gceart é):

"Ní hí an ainnise is measa linn ná bheith thíos go deo
Ach an tarcaisne a leanas í a ghoinfeadh na leoin.
Má tá an tAthair-Mhac mar an Eaglais níl brí inár ngnó
Is ní fearra linn an tAifreann ná suí ar an móin."

Anois, iarraim ortsa, a léitheoir dhil, abairt nó líne as an litríocht a thaitin leatsa a chur ar ár súile dúinn arís.

níl mé in ann pioc aon ceann

b'fheidir an ceann as an t-oileánach

ní beidh ár leithidís arís ann (bhuel beagnach, rud cosúil le sin ach i gcanúint gcúige mumhan agus litriú ceart)

Deir siad go bhfuil an fhírinne searbh,ach,creid mise,ní searbh atá sí ach garbh,agus sin an fáth a seachantar í

Seosamh Mac Grianna, Mo Bhealach Féin.

D'aimsigh mé an t-amhrán seo agus is maith liom é:

(Freagróidh mé ceisteanna air más mian leat ceist a chur.)

Teideal: AN CLÁR BOGDÉIL nó CAISEAL MUMHAN

Phósfainn thú gan bó, gan punt, gan áireamh spré
A chuid den tsaol gan toil do mhuintire, dá mb'áil leat é
Sé mo ghalar dúch gan mé ‘gus tú, a ghrá mo chléibhe,
i gCaiseal Mumhan 'S gan de leaba fúinn ach an clár bogdéil

Siúil, a chogar, is tar i m'fhochair, go dtéam ón ghleann
Agus gheobhaidh tú foscadh ar leaba fhlocais, agus aer cois abhann.
Beidh na srutha ag déanamh torainn faoi ghéaga crann.
Beidh an lon dubh inár bhfochair is an chéirseach ann

Searc mo chléibhe, do thugas féin duit, agus grá trí rún
Is dá dtagadh sé de chor sa tsaol, Go mbeinn féin 's tú agus
ceangail cléire bheith eadrainn araon les an bhfáinne dlúth.
Is dá bhfeicfinn féin mo ghrá ag aon fhear gheobhainn bás de chumha

[Tá rud éigin in easnamh sa triú véarsa dar liom.]

"Oíche Nollag" le Máire Mhac an tSaoi

"Le coinnle na n-aingeal tá an spéir amuigh breactha,
Tá fiacail an tseaca sa ghaoith ón gcnoc...."

Is breá liom "fiacail an tseaca"

eadaoin