Chonaic mé rud inniu nach bhfaca mé cheana, más buan mo chuimhne. Seoladh cárta chugam as Corca Dhuibhne. Ba dhoiléir a scríobhadh cuid den seoladh. Nuair ba mháthair amhrais aon bhlas den seoladh Gaeilge ar chlúdach litreach a thriall orm anseo roimhe seo - agus tá mé ag bailiú samplaí le dhá bhliain go leith anseo - scríobhtaí leagan truaillithe 'Béarla' in aice leis.

Inniu, scríobhadh 'Fearna' in aice leis an mball doiléire 'Fea...', rud a chuir ionadh agus áthas orm. Bhí an leagan ceart ag cibé duine a scríobh é. Bhíodar in ann an seoladh a chríochnú agus is áit an-an-chúilriascúil atá i gceist.

B'fhéidir gur sheol Gaeilgeoir éigin a chnap de chlúdaigh litreacha isteach in éineacht lena ghearán chuig an gCoimisinéir sula bhfuaireas féin an deis fáil réidh le mo chuid féin. Cibé is údar leis, is inmholta.

Bhí eolas chugam as oifig na cánach istigh le post an lae inniu, go hiomlán i nGaeilge. Tá na caisleáin dá dtógáil de réir a chéile.