An bhfuil éinne anseo a bhfuil Esperanto ar a thoil aige?

Bhí mé ar tí tabhairt faoin teanga sin a fhoghlaim nuair a bhí mé i mo mhac léinn ollscoile fadó, ach dúirt duine de na díograiseoirí i gcumann Esperanto an choláiste liom go bhfuil an ghramadach thar a bheith rialta.

Chuir sé sin deireadh le cibé suim a bhí agam san ábhar. Tar éis an tsaoil, cad is fiú teanga a fhoghlaim mura bhfuil sí ag cur thar maoil le briathra neamhrialta, le heisceachtaí gramadaí nach féidir a thabhairt faoi riail, le leaganacha canúnacha nach dtuigeann sciar mór de na cainteoirí, agus le pointí doiléire comhréire ar féidir bheith ag argóint fúthu?

Faraor, is fíor duit, a GOF. Níor fhoghlaim mé féin é (í?) ar an ábhar céanna. Ach tá Esperantaiseoir ag teastáil uaim anois. Dála an scéil, an raibh a fhios agat go bhfuil Esperanto ag George Soros ó dhúchas? Tógadh leis an teanga sin é! Ar an drochuair domsa, níl aithne pearsanta agam air.

Tá cúpla focal agam in Esperanto agus thig liom giota beag a scríobh, ach níl mo chuid Esperanto rómhaith rud ar bith a aistriú.

Dá mbeifeá taobh amuigh den 'Mangaire Súgach' i lár baile 's againne timpeall am scuir cloisfeá do dhóthain 'Esperanto' agus teangacha eile nárbh eol don gcléir. :-D

Duine mór i saol na Gaeilge a bhfuil Esperanto ar a thoil aige ná Seán Ó Riain: http://www.seanoriain.eu/

Níl aon aithne agamsa air, ach deirtear gur duine deas é, agus go ndéanfadh sé rud ar bith ar son na teanga -- aon teanga!

Go raibh maith agat, Michal. Rachaidh mé i dteagmháil leis.

Tá sé ag Daithí s'againne, freisin, dar ndóigh.

http://keltalingvoj.blogspot.com/

Seo blag i cúpla teanga, rinn sé cuid mhór físeán i nGaeilge agus in Esperanto tá siad iontach suimiúil ar fad:

http://www.irishpolyglot.com/ga

Fuair mé é sin freisin, Trigger. Is suimiúil an duine é! Agus thug mé iarracht ar theachtaireacht a chur chuige. Ach theip ar an gceangal, faoi dhó. O bhuel. Scríobh mé chuig Seán Ó Riain inné. Tá súil agam go gcloisfidh mé uaidh, luath nó mall.