... na buachaillí báire!" An cuimhin libh amhrán leis an gcurfá seo, a tháinig amach sna nóchaidí? An bhfuil sé le fáil ar an idirlíon?

Is cuimhin liom é cinnte a Dennis. Rith sé liom go mb'fhéidir iarratas a sheoladh isteach chuig RnaG lena chasadh sa gcaoi go gcuirfí amach ina dhiaidh sin é ar an bpodchraoladh.

N'fheadar.
De bharr cúrsaí cóipchirt is an focal labhartha is mó a phodchraoltar.

http://www.rte.ie/radio/podcast/rnag.html

Tá Rónán Beo den aer don samhradh, agus níl fhios agam an mbeadh clár eile feiliúnach.

Ach seans go mb'fhiú r-phost a chuir chuig Casla. Is dócha go bhfuil sé sa chartlann acu, agus go bhfeadfaí é scaoileadh amach más acu atá an cóipcheart.

Is mór an lear eolais sin a Aonghuis, grmma. Is maith liom Focal Faire go háirithe a bheith ar fáil ar an gcaoi sin. Is maith liom éisteacht leis gach maidin Domhnaigh. Na hathchraoltaí seo i rith an tSamhraidh, cloisim eolas leo a bhí dearmadta agam ón gcéad chraoladh.

Níl Aogán Ó Muircheartaigh, dar liom, éagosúil leat féin a Aonghuis. Ní bheadh smearachán gaoil agat leis meas tú?

Má tá, is gaol fada amach atá ann.

Is as Trá Lí d'athair mo mhathair, agus sin a bhfuil de ghaol agam leis an Ríocht.

Ní fheadar nárbh as Cúige Laighean an Muircheartach nó duine éigin a bhain leis. Ag cuimhneamh siar breis is fiche bliain atáim anois. Chuala ag caint ar an raidió é am éigin mar gheall air. Gan na spéaclaí ná an fheasóg ar ndóigh, is beag cosúlacht eile agaibh lena chéile.

Táimid go léir muinteartha ar bhealach amháin nó eile ach a ghabháil siar 10 nó fiche glúin ar aon nós. Do chonac mé féin, d'fhéadfá a rá, ag teacht ar bord bus in oirthear na Polainne blianta ó shoin. Bhí an fear eile seo go díreach cosúil liom in airde, dath, cosúlacht súile is ceannaghaidhe ar fad. Ní fhaca sé ar feadh tamaill mé. Nuair a bhreathnaíodh mo dhuine i mo leith, chaithinn súil amach an fhuinneog. De réir mar a dhruidinn mo chloigeann thart ar ais, thugas faoi deara go mbreathnaíodh mo dhuine uaidh ar ball éigin eile, le dea-bhéas is gan a bheith ag stánadh. Ba léir nár mise amháin a chonaic an chosúlacht. Bhí sé dochreidte. Nuair a d'imigh mé den bhus, chaith mé súil suas arís ar an mbus is rinne an bheirt againn cineál beannú is gáire dá chéile faoi. Níor casadh dom arís é is níor labhraíos leis riamh.
Caithfidh sé go raibh cúpla duine ar m'aithnese ag siúl suas chuige chun cainte leis in iomrall aithne an bhliain sin.