A chairde,

Bhí sé go brea roinnt mhór díbh a fheiscint ag an gcomhdháil. Sílim go raibh sé go hiontach, agus tá súil agam go mbeidh teagmháil níos fearr againn go léir lena chéile as seo amach. Beidh taifid agus grianghraif agam ar an idirlíon sul i bhfad, tá súil agam.

Séamas

quote:

agus grianghraif agam ar an idirlíon

Oh boy! Gailearaí na Rógairí! Ní féidir liom fanacht. Cuir suas inniu féin iad!

Seo rud níos fearr fós: Físchraoladh! Níl anseo ach an chéad chuid go fóill.

http://philo-celtic-feesh.blogspot.com/

Chuir cuid den fhís tinneas farraige orm: na pictiúir ag casadh isteach ó thaobh an scáileáin. Níl an fhuaim thar mholadh beirte ach oiread. Tá obair le déanamh agaibh go fóll. Ba mhaith liom a bheith níos moltaí.

Buiséad: $0.00

Cuir thart an hata?

Radharc agus taifid atá ann nach bhfuil ar fáil seachas uaimse. Tá súil agam go mbeidh daoine eile sásta leis. Táimse.

Tá an dara cuid ann. Níos mó agus níos measa...

http://philo-celtic-feesh.blogspot.com/

An-obair a Shéamais.

Tá tú chun tosaigh ar na meáin abhus, mar ní fhaca féin ar aon nós, aon mhír scannáin ar an gcomhdháil sin ar an taobh so den deán go fóill.

quote:

agus níos measa...

Ní hea. Ní raibh aon rud ann a chuir meadhrán ionam an t-am seo!

Tá píosa a scríobh Séamas i Lá inniu. Níl ag éirí liom é fhail ar líne, ach beidh sé san leagan PDF ag www.nuacht.com

Tá an píosa siúd le fáil i nGearrthóga ag www.gaelport.com freisin.

Tá, anois!

http://www.gaelport.com/index.php?page=clippings&id=3352&viewby=date

Bullaí Fir, a Shéamais.

Áiméan a deirim.

Comharthaíonn an t-alt san go leor. Duine ar thaobh amháin na teiscinne, an taobh thiar an t-am so, a bheith ag soláthar eolais don dá thaobh. Ní hé amháin gur nascadh aitheantas níos fearr idir na heagraíochtaí ar an dá thaobh, ach tá an comhoibriú sciobtha tras-Atlantach ag feidhmiú go breá, d'fhéadfaí a rá. Tharla altanna, cláir is míreanna nuachta thall is abhus i rith na mblianta, ach braithim go bhfeicfimid an teagmháil ag tarlú an-sciobtha feasta.

GRMA. Rud beag amháin:
Scríobh mise:
"Tháinig oifigigh Ghlór na nGael agus leas-ardchonsal na hÉireann Breandán Ó Caollaí, agus bhí oíche bheag dheas againn go léir."
Agus seo mar a d'athraigh an t-eagarthóir é (chun é a dhéanamh mícheart):
"Tháinig oifigeach Ghlór na nGael, Breandán Ó Caollaí, agus bhí oíche bheag dheas againn go léir."

Rinne mise na grianghraif (ach an ceann díomsa, a rinneadh le mo cheamara é), freisin.

quote:

Rinne mise na grianghraif

Cén áit a bhfuil siad anois? An dtabharfaidh tú an tURL dúinn? (Sea, is leisciúil an duine mé: cliceáil is ceangail atá uaim i gcónaí!)

Muise, álraight! Seo iad:

http://scoilgaeilge.org/events/FGMT/

GRMA! Cé hiad na fir ar an gcéad leathanach? An tusa atá ann leis an gcroiméal ollmhór (agus an triúir Stooges)?!?

Ní hea. Sin Tomás Mac Gearailt agus Traolach Ó Riordáin. Tá an-aithne agat ar Thomás thar na blianta. Gaeilgeoir ó dhúchas, as an gClár (sílim) is ea Traolach, atá ag obair in Montana anois.

Má chuirtear an luch ar aon ghrianghraf, bíonn eolas le feiscint ann.

Níl seift na luiche ag obair domsa. Safari atá agam mar bhrabhsálaí.

quote:

ach an ceann díomsa, a rinneadh le mo cheamara é

Cá bhfuil tú mar sin?

Is mise an duine le carbhat na dtrí giolla amaideach orm (nach bhfuil ar an gcéad leathanach - níor thuig mé do cheist, sílim):

http://scoilgaeilge.org/events/FGMT/Sathairn/img_3969.jpg

Seo an scannáinín deireanach de. Tá an fhuaim níos measa fós!

http://philo-celtic-feesh.blogspot.com/2008/05/fs-ghaeilge-mheirice-thuaidh-cuid -tr.html

An-mhaith a Shéamais. An fad ceart sna míreanna sa gcaoi go mothófá go raibh rud éigin ag titim amach ar feadh an ama.