Seo nath atá feicthe agam i gcúpla áit le déanaí: "bíodh an fheamainn acu."

An é an planda féin atá i gceist, nó an bhfuil an focal ina mhalairt ar "dheamhan"?

Agus más é an planda é, cén fáth? I bhfad ó fharraigí a tógadh mise...

Buille faoi thuairim (fear cathrach mise):
Spiteannaí feamainne atá i gceist, seans.

Bhíodh sé de cheart ag teaghlaigh feamainn a bhailiú ar mhaithe le leasú. Bhíodh an cósta roinnte idir teaglaigh ar léith. Ba mhinic achrann dá bharr.

Sea, measaim go bhfuil an ceart agat, bhí an fheamainn an-thábhachtach ar fad do na feirmeoirí lá dá raibh, chun na torthaí a leasú. Bhídís á dtarraingt ón dtráigh le capaill agus cartanna t'réis stoirm, suas go dtí tosach na seascadaí déirfinn.

Seanfhear

Is ea, ach más ea nár mhaith an rud é an fheamainn a bheith agat?

Bhí an chuma air seo ón gcomhthéacs gur chiallaigh sé "ná bac leo siúd" nó "bíodh an diabhal acu", a bheag nó a mhór. Sin an fáth go raibh mé ag cuimhneamh ar "dheamhan."

Agus tá mise ag ceapadh gur "Fág futhu é, ní fiú bheith in achrann leo" atá i gceist.

" bhí an fheamainn an-thábhachtach ar fad do na feirmeoirí lá dá raibh, chun na torthaí a leasú. Bhídís á dtarraingt ón dtráigh le capaill agus cartanna t'réis stoirm, suas go dtí tosach na seascadaí déirfinn."

Tá sí fós tábhachtach.
Tá feamnach fós á cur ar na goirt in iarthar Shligigh.
Ach baineann siad úsáid as cuadrothair seachas asail is capaill chun í a tharraingt suas ón gcladach.
Déarfainn gurb amhlaidh an scéal timpeall na tíre go léir

Mar leathbhreac Gaeilge ar 'let them eat cake' atá sé agam féin a chairde. Mar sin a shamhlaíos é ar aon chuma, in áit an tsleabhaic, an duilisc, an charraigín srl.

Bíodh sé acu le n-ithe (in ionad aon rud níos fearr), is dócha.

Bhí imní orm go raibh famine i gceist. Ar shlí, tá, is dócha.