Tháinig mé trasna an frása 'An ólann tú siúcra?' le haghaidh 'do you take sugar?' sa leabhar 'Irish Phrase Book' ag Paul Dorris. An bhfuil na daoine sa Ghaeltacht ag úsáid an frása seo?

An gcaitheann tú siúcra??

Go raibh maith agat a Joselito ach tá mé ag iarraidh a fháil amach an bhfuil "an ólann tú siúcra?" ceart nó mícheart. Tá cuma aisteach air do Bhéarlóir mar mise. An bhfuil mé in ann mo mhuinín a chur sa leabhar seo?

ólann daoine sna Gaeltachtaí chuile rud feictear dhomsa.
D'ól sé a phíopa, d'ól sé na focail siar srl srl

Bhuel, nach ólann tu siúcra agus e i do chuid tae?

Ní ólaim. D'éirigh mé as siúcra i'm thae.


ól [ainm briathartha][ainmfhocal firinscneach den chéad díochlaonadh]
deoch mheisciúil (is daor an t-ól é); claontacht chun óil, ólachán (imithe ar an ól; teach óil); deoch ar bith a shlogadh nó a ligean siar (ól braon tae; ag ól go trom); caitheamh (ag ól tobac).

Seo chugaibh comhra beag as "Taisce Focal" (Gearrscealtai scriofa i ngaeilge Dhun an nGall d'fhoglaimeoiri):
"Rita, ta me ag dul suas a dheanamh tae domh fein," arsa Caitriona. "Ar mhaith leat braon? An olann tu bainne agus siucra?"
"Chan olaim ceachtar acu," arsa Rita.

De réir cosúlachta, tá nós sa Ghaeilge gan mórán d'idirdhealú a dhéanamh idir rud a ól agus rud a chaitheamh. Má chuireann tú ionat é trí do bhéal, is féidir ceachtar den dá bhriathar a úsáid.

Thug mé féin é seo faoi deara cheana. Is rud saghas ait é, ar an chéad amharc, ach tá sé ann agus tá loighic áirithe leis. N'fheadar an bhfuil sé seo teorannta do chanúintí áirithe amháin, nó an mbaineann sé leis an teanga ar fad.

Má aistrítear "ól" mar "consume" tá ciall leis.

Thug mé faoi deara go mbíonn dhá leibhéal i mórán focal, "ostensible" agus "metaphoric"

Cad deir fear na Gaeilge leis sin ach:
Muastais barbed wire ort, a mhac, nó is tú a thug an béarla leat