A chairde,

Céard go díreach is brí leis an abairt "slán mar a n-instear é" (más ceart an litriú seo)? Tuigim go ndéanann sé cáiliú (qualification) de shaghas éigin ar a bhfuil ráite roimhe, ach ní léir dom cén saghas cáilithe. An gciallaíonn sé "tá sé fíor", go bunúsach? Nó a mhalairt?

Pisreog.

Deirtear é nuair atá droch scéal á insint. Ní mian leis an té atá ag insint an scéil go dtarlódh rud ar bith dá short san ionad ina bhfuil sé á insint.

Bealach eile le "i bhfad uainn an droch rud" a rá.

(Message edited by aonghus on October 05, 2007)

Sea, sin é. Measaim go bhfuil coibhneas áite (: an t-urú) le feiceáil/le clos ann. Is ag tagairt don áit a bhfuiltear ag insint an scéil anois atá an coibhneas.
Is é sin, 'go raibh gach ní slán ann', mar ní raibh gach ní slán san áit ar tharla an eachtra.

cf. Fan mar a bhfuil tú (v. fan mar atá tú)

Aha! Bhí mé ag déanamh iontais den urú sin. Ach, más tagairt don áit atá san abairt, is ceart an t-úrú a bheith ann.

Tá sé sin soiléir anois. Go raibh maith ag an bheirt agaibh.

Není zač a Mhícheáil!

(Is suíomh an-áisiúil é sin!)