Author |
Message |
Scathach
Member Username: Scathach
Post Number: 74 Registered: 02-2007
| Posted on Wednesday, March 14, 2007 - 04:39 pm: | |
B'fhéidir gur chuala sibh an scéal seo cheanna féin ach ... Brionglóid is Mallacht Bhí Naomh Pádraig ina chodladh tráth agus bhí brionglóid aige. Agus de réir an tseanchais, 'séard a chonaic sé sa bhrionglóid ná muintir na hÉireann ag iompú in aghaidh Dé. Dhúisigh sé de léim as a chodladh agus dúirt sé: "Mallacht Dé ar mhuintir na hÉireann." Ach bhí a aingeal coimhdeachta ag tabhairt aire dó agus dúirt an t-aingeal: "Ar an mbrobh go dtite an mhallacht, ar an mbrobh go dtite sí." Thit Naomh Pádraig ina chodladh arís ach bhí an brionglóid chéanna arís aige, agus dhúisigh sé suas agus dúirt sé in athuair: "Mallacht Dé ar mhuintir na hÉireann." Ach níor leis an aingeal ab fhaille é, agus dúirt: "Ar an raithneach go dtite an mhallacht, ar an raithneach go dtite sí" Thit Pádraig ina chodladh arís ach bhí an brionglóid chéanna aige an tríú huair agus dhírigh sé aniar arís agus dúirt an rud céanna: "Mallacht Dé ar mhuintir na hÉireann," ach bhí an t-aingeal ar a mhaidí i gcónaí agus dúirt: "Ar chúr na habhann go dtite an mhallacht, ar chúr na habhann go tite sí." Bhuel, seo a thomhas ort anois: cén chaoi ar thit gach mallacht agus cá bhfuil a rian le feiceáil go dtí an lá atá inniu ann? Seo iad: Barr na mbrobh, seargtha, Barr na raithní, lúbtha, Agus dath buí ar chúr na habhann! |
|
Fearn
Member Username: Fearn
Post Number: 204 Registered: 06-2006
| Posted on Thursday, March 15, 2007 - 09:20 am: | |
Maith an scéal, a Scáthaigh, ach nár thug tú an fhreagairt sa rann? |
|
Dennis
Member Username: Dennis
Post Number: 2883 Registered: 02-2005
| Posted on Thursday, March 15, 2007 - 07:54 pm: | |
Ba teasaí an dream iad, na sean-naoimh, gan aon agó! "An seanchas gearr, an seanchas is fearr."
|
|
Fearn
Member Username: Fearn
Post Number: 210 Registered: 06-2006
| Posted on Friday, March 16, 2007 - 10:55 am: | |
"Ba teasaí an dream iad, na sean-naoimh, gan aon agó!" Ar aon dul le daoine mórchlúiteacha na linne seo, déarfainn. Ní mé an raibh paparazzi ag Pádraig! |
|
|