" Anois, cad é do thuairin den Aifreann? " a d'fhiafraigh an sagart den cailín beag i ndiaidh a chéad Aifreann a éisteacht.

"Bhal", ar sise, agus rinne sí a marana, "bhí an ceol deas ach bhí na fógráin ró-fhada."

seanmóirí ab ea na fógráin má thuigim é go ceart.
Ar fheabhas

Agus ós ag caint faoi reiligiúin atáimid, bhí sé riamh in a nath ag Críostaithe áirid go mharaigh "na hIúdaigh" Íosa.

"Cinnte", ar Lenny Bruce, an fuirseoir Iúdach," Mharaigh sinn É, mharaigh na hIúdaigh É. Agus má thagann Sé ar ais, maróimid arís É"

Bhí focal eile i mbéal Leon Wieseltier, an t-intleachtóir: "Cad faoi?", ar seisean, "Níor mharaigh sinn É ach ar feadh cúpla lá. ;-)

Cuireann sin scéal eile i gcuimhne dhom.

Beirt ag faire ar seó i mBeirlín an 1920í.
Giúdach duine acu. Tabharfaidh mé Leon air. Fritz a bhí ar an bhfear eile.
Tháinig amhránaí ar an stáitse "Duine de phobal s'againne", arsa Leon.
Fuirseoir ansan: "Duine de phobal s'againne", arsa Leon.
Damhseoir ina dhiadh: "Duine de phobal s'againne", arsa Leon.

"Ó, Íosa Críost" arsa Fritz le teann cantail.

"Duine de phobal s'againne eisean fosta", arsa Leon.

Iontach maith! ;-)

Ceann d'Ephraim Kishon: An bhfuil greann ar leith ag na Giúdaigh - agus má tá, cén fáth nach bhfuil? (Gibt es einen speziell jüdischen Humor - und wenn ja, warum nicht?)

Péire eile, ó tharla lucht labhartha na Gearmáinise fairsing inár measc:

1939, agus castar lia intinne ar chomhghleacaí leis.
"Heil Hitler" arsa an chéad duine
"Heil du ihn" arsa an fear eile.(leigheas thusa é!)

1940 i Cracow
Tá Raibí ag suí ar an tram nuair a thagann fear ón SA isteach agus nuachtán á léamh aige.
"Feicim gur scaoileadh Giúdach agus madra ar an bhFaiche Aonaigh inné" arsa fear an SA in ard a ghutha.
"Nu", arsa an Raibí, "nach méanar dúinne nach raibh muid ann"

Dúirt Raibí le Dia: Fóir orm, tá mac agam a bhfuil tar éis dó iompú ina Chríostaí.
Arsa Dia: Ná bí buartha faoi sin, d'iompaigh mo mhacsa féin ina Chríostaí.
Raibí: Agus cad ar dhein tú?
Dia: Scríobh mé tiomna nua.

Iontach!

Bhí Raibí áirithe gafa ag gailf.
Maidin Sabóid amháin, ní raibh sé in ann chuir in aghaidh an chathaithe níos mó, agus d'imigh sé amach ag imirt.

Bhí Maois, Elias agus an Tiarna ag faire air. Bhí Maois agus Elias ar buille - Raibí ag sárú an ceathrú Aithne!

Ní dúirt an Tiarna faic.

Bhí sár chluiche á imirt ag an Raibí. Níos lú buillí de dhíth ar ná riamh.

Ansin fuair sé poll le haon bhuille amháin.

Spréach Maois. "Níl Tú chun ligeann leis, a Thiarna, maraigh ar an bpointe é!" Ní dúirt an Tiarna faic.

Bhí Elias ag dul crua air freisin.

Ach ní dhearna an Tiarna ach miongháire bheag - Éist, a dúirt Sé - cé dó is féidir leis an scéal a insint?

Fiafraíonn an sagart den Raibí: Bhuel, an íosfaidh tú muiceoil lá éigin i ndeireadh báire?
Arsa an Raibí dó: Ach go cinnte, a Athair Oirmhinnigh, ar do bhainis.

Molaim bhur ngreann!

Fear tuaithe a shiúlann isteach i leabharlann sa chathair, a shiúlann go dtí an cuntar agus agus a deir in ard a ghutha 'Pionta agus leithcheann, le do thoil.'

Deir an leabharlannaí leis 'Mo thrua do cheann gan chéill. Nach léir duit gur sa leabharlann atá tú?'

'Maith go leor. Beidh pionta agus leithcheann agam'a deir sé, de chogar beag íseal an t-am seo.

Go raibh maith agaibh uile! Bhí chuile cheann acu fíorghreannmhar.

Aontaím le Dennis. Maith sibh!