Ta me ag lorg fa choinne amhrain Gaeilge mar ta me ag eiri posta i mbliana agus ba mhaith liom amhran Gaeilge a bheith ann b'fheidir amhran bainise ( ta bron orm nach bhfuil me abalta fada a dheanamh ach ta me ab baint usaid as LINUX agus ni feidir liom sineadh fhada a fhail)

Ná bain úsáid as...
... Liam Ó Raghallaigh (tá sé caillte)
... Úna Bhán (tá sí caillte)
... An Sagairtín (tá sé ag dul ina shagart)
... Bean an Fhir Rua (tá sí pósta cheana féin)
... Dónal Óg (tá sí tréigthe aige)
... Casadh an tSúgáin (ní ligfeadh a máthair é a theacht i ngar di)
... Ar Maidin Dé Máirt (scéal bainise nár éirigh leis)
... Geaftaí Bhaile Buí (scéal éalaithe nár éirigh leis)

Céard 'tá fágtha? "Neainsín Bhán" b'fhéidir, nó "Eileanór a Rún." Is dócha go bhfuil cúpla ceann eile ann - amhráin nach bhfuil aon bhac ar an ngrá iontu - ach ní cuimhin liom iad faoi láthair.

go raibh maith agat a Abigail Éistfidh mé leis na hamhráin sin

Is ait dom go bhfuil tú ag lorg amhráin mar seo. Mura bhfuil taithí agat ar amhráin Ghaeilge, cén mhaith duit é?
Molaim 'Cúnla' duit, mar tá spraoi ann. Níl aon Color My World ann as Gaeilge, go bhfios dom.

go raibh maith agat a Shéamais

céard faoi

tabhair dom do lámh
nó
casadh an tsugáin,

Agus céard faoi 'S Umbó Aerá? Sean-amhrán álainn é nach bhfuil diúltach faoin ngrá! Tá leagan de ar an DD A Stór is a Stóirín le Pádraigín Ní Uallacháin. Seo iad na focail. Níl a lán acu ann: an-oiriúnach le haghaidh "sing along"! ;-)

'S umbó aerá ó uileabó aerá
Gabh siar is gabh aniar
Is faigh domsa céile
'S umbó aerá ó uileabó aerá.

'S umbó aerá ó uileabó aerá
Ó shiúil mé an choill
Le héirí na gréine
'S umbó aerá ó uileabó aerá.

'S umbó aerá ó uileabó aerá
Ó seo é mo stór
Ag teacht thar an tsléibhe
'S umbó aerá ó uileabó aerá.

'S umbó aerá ó uileabó aerá
Gabh siar is gabh aniar
Is faigh domsa céile
'S umbó aerá ó uileabó aerá.

Et voilà, céile faighte agaibh beirt! :-)

Seo an Iomann atá ag deireadh Deasghnátha an Phósta sa Leabhar Aifrinn ó Ghaillimh. Chuala mé go bhfuil sé traidisiúnta ag Póstaí in Éirinn.

Gabhaim molta Bríde,
Ionúin í le hÉirinn,
Ionúin le gach tír í,
Molaimis go léir í.

Lóchrann geal na Laighneach
'Soilsiú feadh na tíre,
Ceann ar ógha Éireann,
Ceann na mban ar míne.

Tig an geimhreadh dian dubh
'Gearradh lena ghéire;
Ach ar lá 'le Bríde
Gar dúinn Earrach Éireann.

Rinne Nóirín ní Ríain taifeadadh de ar a dlúthdhiosca "Celtic Soul".

Cuireann sé "On This Day" i gcuimhne domsa, iomann traidisiúnta ag póstaí Caitliceacha i Meiriceá. Bhí "On This Day" ag mo phósadh féin, agus is iomann a bhaineann le bandacht é.
(Bhí "We've Only Just Begun" (na Carpenters) agus "The Wedding Song" (Paul Stookey) againne freisin.) Phósamar sa bhliain 1974.


Tá iomann eile sa leabhar Aifrinn, ag tosú an Phósta. Tosnaíonn sé --
"Ag an bpósadh bhí i gCána..."
Níor chuala mé an ceann seo riamh,ach is dócha go bhfuil sé tradisiúnta freisin.

A chara,
Cad faoi "Dónal agus Mórag"?

Fuair mé nasc duit:
http://www.irishpage.com/songs/donal.htm

Comhghairdeas libh,
Paul

go raibh maith agat as na freagraí

Tá "Buaireamh an phósta" deas go leor - is iad Clannad a cheolas é ar an albam "Fuaim". Ach tá súil ’s agam nach dtuigeann do bhean chéile Gaeilg ! :-D