Seo tomhas eile ón leabhar --

Cén taobh den chupa a bhfuil an cluas air?

Ar an taobh amuigh ?

quote:

Ar an taobh amuigh ?

Ceart! Nach cliste thú.

Seo ceann eile níos deacra daoibh:

Tá sé chomh cruinn le seáspán. Tá sé chomh domhain le pota agus ní iompróchadh gearrán an rí é.

gearrán an rí = capall mór téagartha?

quote:

gearrán an rí = capall mór téagartha?

Sin a cheapaimse féin.

Umar baiste?

Tobar?

Tá an dá freagraí go han-mhaith. 'Tobar' an ceann sa leabhar.

Seo ceann eile daoibh:

Goidé is gaiste amuigh?

Luas an tsolais!

Ní hea? Tá go maith. Céard faoi "ráfla"?

Freagraí maithe (go háirithe 'ráfla' i mo bharúil) ach ní hiad sin an freagra sa leabhar.

Tá rud níos gaiste ná ráfla i gceist. Níl a fhios agam an mbeadh sé níos gaiste ná luas an tsolais, ach tá an féidireacht ann.

Bréag?

Smaoineamh?

'Smaointeamh' an freagra sa leabhar.

Seo ceann eile daoibh:

Goidé an comrádaí is fearr agat?

Dea-shláinte?

quote:

'Smaointeamh' an freagra sa leabhar.

Tá's agat, ar ndóigh, nach bhfuil sé sin ceart. Is léir anois go mbíonn frith-ghníomh an choirp níos gaiste go minic (i gcónaí?) ná an smaoineamh a leanann é agus a "mhíníonn" céard a tharla. Tá cuid mhaith taighde fíor-shuimiúil déanta air seo le déanaí.

Suimiúil, a Dennis.
Ach conas is féidir le na heolaí luas na smaoineamh a thomhas?

Nach bhfuil smaoineamh istigh, seachas amuigh? Nuair a bhíonn an braon istigh bíonn an chiall amuigh, ach níor thosaigh sí ansin!

quote:

Ach conas is féidir le na heolaí luas na smaoineamh a thomhas?

Sílim go ndéantar le functional MRI é, ach níl mé céad faoin gcéad cinnte anois. Caithfidh mé dul ar ais agus cur síos ar cheann de na turgnaimh a fháil duit. Idir an dá linn, bhí cúpla alt ar an ábhar seo ar Time Magazine le déanaí. Seo ceann acu, le Steven Pinker ag MIT:

http://www.time.com/time/magazine/article/0,9171,1580394,00.html

Go raibh maith agat, a Dennis. Ní fhaighim Time anois, ach bhí sé againn le roinnt bliana.

Admhaím mo locht nár léigh mé an t-alt iomlán. Tá sé suimiúil, ach dúirt an tOllamh --

quote:

Using functional MRI, cognitive neuroscientists can almost read people's thoughts from the blood flow in their brains.

Bréag amach is amach é sin agus comhartha domsa nach bhfuil seisean ag tabhairt na fírinne ghlan dúinn. Ní 'cognitive neuroscientist' é ach oiread. Is síceolaí eisean. Is ar éigean a bhíonn na síceolaí in a bhfíoreolaí, dar liomsa.
Conas a deirtear 'sensationalism' sa Ghaeilge.

quote:

Ní 'cognitive neuroscientist' é ach oiread. Is síceolaí eisean.

Is fíor gur síceolaí é, ach tá beagaínín níos mó ná sin ann. Is stiúrthóir an Center for Cognitive Neuroscience ag MIT é. An dóigh leat go mbeadh post mar sin aige ag ollscoil mar sin mura mbeadh sé au courant maidir leis an taighde atá á dhéanamh acu ansin agus fud an domhain i réimsí neuroscience? Tá a chuid leabhartha léite agam agus ní fheictear domsa go bhfuil siad lán bréaga ar chor ar bith. Tabhair faoi deara, freisin, go bhfuil focal an-tábhachtach san abairt thuas uaidh, mar atá "almost". ;-)

Maidir leis an tomhas -- Nach raibh tú sásta leis an réiteach a thug mé duit thuas? Ní dúirt tú tada faoi.

Tá luas an smaoinimh sin níos moille, si dócha...

Dennis a dúirt:

quote:

Dea-shláinte?

Freagra maith, ach ní hé sin an ceann sa leabhar.

Do mhadra, mar sin? Tá a fhios agat an nath sin i mBéarla. Cuireann sé sin giota deisbhéalaí i gcuimhne dom! Is é Groucho Marx a dúirt:

Lasmuigh de mhadra, is é an cara is fearr ag duine ná leabhar. Laistigh de mhadra, tá sé ró-dhorcha le léamh ar aon chuma.

Ní madra é, ach rud tábhachtach eile.

Goidé an comrádaí is fearr agat?

Do scian Swiss Army ? Bíonn mo cheannsa i mo phóca i gcónaí -- ach amháin ar eitleáin.

meas tú a raibhb siad fairsing i measc conallaigh sna 30í?

do scáil, bhféidir?

nod le'd thoil, a liz!

Ach, an bhfuil do scáil "tábhachtach"? Ní dóigh liom go bhfuil sí úsáideach, ar aon chuma.

Dúirt Dennis:

quote:

Do scian Swiss Army

Ní hé sin an freagra, ach is freagra maith é. Bhíodh ceann agam i mo mhála i gcónaí go 9/11/2001. Tá bosca oifig an phoist agam sa bhfoirgneamh cónasctha i mBellingham agus téim ansin beagnach gach dara lá.
Thar éis an tubáiste 2001, cuireadh gardaí ag an doras agus chuardaigh siad mo mhála. Níor ghabh siad mo scian, ach b'éigean dom é a chur ar ais sa charr roimh dul isteach san oifig. Anois, níl garda ansin le ceithre bliana anuas, ach rinne mé dearmad ar an áit inár gcuir mé an scian.
Fuair mé bosca poist mar gheall ar an dlí i gCalifornia. Is faisnéis phoiblí é do sheoladh má tá ceadúnas leighis Chalifornia agat. Agus bhí a lán gealt i measc na hothair a chonaic mé sa stát sin.
D'ardaigh Arnold Schwarzenegger costas an cheadúnais Chalifornia go mór anuraidh agus chuir mé mo cheannsa ar cheal. Is mithid dom an bosca poist a chealú chomh maith.

Aonghus a dúirt:

quote:

do scáil, bhféidir?
nod le'd thoil,

Seo chugaibh noda:

1. Mura bhfuil giota den rud seo agat, is beag na rudaí is féidir leat dhéanamh sa saol atá anois ann. Is mór an trua é, ach sin mar a bhíonn sé.
Ní féidir leat ithe, ní féidir leat díon a fháil tharat, ní féidir leat dul ó háit go háit, srl.

2. Is cúis mháith le pósadh é, i mo bharúil. Ach ní hé an chúis is tábhachtaí é.

3. Má tá sé agat, is éasca leat a rá nach bhfuil sé tábhachtach. Ach mura mbeadh sé agat, tá sé ag teastáil go géar uait.

Airgead!!!!

Tá sé agatsa!

'Sparán' an focal sa leabhar.

Seo ceann eile duit. Baineann sé le mionbhríonna na bhfocal sa Ghaeilge.

"Dhá gcaillfinnse leathchoróin agus mé a ghoil á cuartú. Goidé a dhéanfainn nuair a gheobhainn iad."

Creidim, áfach, gur fearr dea-shláinte ná airgead, agus tá scéilín agam ó Bheatha Bríde a thacaíonn le mo bharúil! Tá mé cinnte gur féidir leat é seo a aistriú. B'ionann bó agus airgead san sean-am, ar ndóigh.

http://www.sengoidelc.com/node/136

Fecht and tanic araile clam co Brigit do chunchid bó. Dixit Brigit fris: ‘Cia de is ferr lett, bó do breith no th' ícc don chlaime.’ At-bert in clam ba ferr lais a ícc dia chlaime oltás rigi ind uli domain dó. ‘Ar is rig cech slán’, ol se. Do-rigne tra Brigit ernaigthi fri Dia co ro h-íctha in clam & cor' fhógain do Brigit iar sin.

leathchoróin ... á cuartú = uatha

gheobhainn iad = iolra

An mar sin atá sé sa leabhar? Cé mhéad leathchoróin atá i gceist?

quote:

"Dhá gcaillfinnse leathchoróin agus mé a ghoil á cuartú. Goidé a dhéanfainn nuair a gheobhainn iad."

Sin go díreach mar atá sé sa leabhar.

Cheap mise an t-aistriúchán thíos. (An féidir go mbeadh sé i gceart? Nílim cinnte de 'searching for one' in áit 'searching for it'. Ach ní féidir le duine dul ag cuartú leathchorónach amháin mura bhfuil ceann caillte aige cheana.)

If I should lose a half crown while I go searching for one(?). What would I do when I find them?

An bhfuil barúil eile agat?

an poll i'm phóca a dheisiú?

scríobh Dennis

quote:

Tá mé cinnte gur féidir leat é seo a aistriú.

Is dócha gur Liz a bhí i gceist agat. Ní thuigimse ach "dixit"!

Trócaire orainne, na Gael Nua!

Dúirt Aonghus:

quote:

an poll i'm phóca a dheisiú?

Ní he sin an freagra sa leabhar, ach tá do cheannsa níos deise ná an ceann atá ann.

scríobh mise

quote:

Ní thuigimse ach "dixit"!

Cuireann sin an seanscéal i gcuimhne dhom faoin bhfear nár thuig den Aifreann Laidine ach an Kyrie, eleison!

Fecht and Uair amháin tanic araile clam tháinig clamh eile co Brigit go Bríd do chunchid bó do iarraidh bó. Dixit Brigit fris: Dúirt Bríd leis ‘Cia de is ferr lett, Cé [acu ceann] is fearr leat bó do breith bó do bhreith [leat] no th' ícc don chlaime nó do íoc den chlaimhe.’ At-bert in clam Dúirt an clamh ba ferr lais a ícc dia chlaime b'fhearr leis a íoc dá chlaimhe oltás rigi ind uli domain dó ná ríocht an domhain uile. ‘Ar is rig cech slán’, ol se Óir is rí gach [duine] slán, ar seisean. Do-rigne tra Brigit ernaigthi fri Dia Rinne Bríd urnaithe le Dia ansin co ro h-íctha in clam gur íoctha an clamh & cor' fhógain do Brigit iar sin agus gur fhóin do Bhríd ina dhiaidh sin.

GRMA.

Ná raibh clamh riamh orainn!

Cén fáth nach mbíonn fásach i bhfásach?

Ní bhíonn fásach gan fás i gcónaí. Sa chomhthéacs Éireannach, ní áit gan uisce é an fásach ar chor ar bith. Déantar idirdhealú ar thalamh treafa ar láimh amháin, agus ar thalamh fás, nó fásach, ar an láimh eile.

Gaineamhlach atá san rud ar a dtugtar fásach go minic.

http://www.focal.ie/Search.aspx?term=desert%23

Ait tréighte an bunbhrí a bhí le desertum na laidine, agus Wüste na Gearmáiníse, agus...

quote:

"Dhá gcaillfinnse leathchoróin agus mé a ghoil á cuartú. Goidé a dhéanfainn nuair a gheobhainn iad."

Ní fhaca mé freagra uaibh fós.
Seo an ceann sa leabhar daoibh:

"Stadfainn á cuartú."

Ach tuige an uatha agus an iolra trína chéile?

Ní thuigim!

Ní thuigimse féin é, ach sin mar atá sé sa leabhar, focal ar fhocal. B'fhéidir go bhfuil botún cló ann.

Seo ceann eile daoibh:

Siúd fríd an fharraige é scál an gréine, fear agus cóta gorm air agus snáithe dearg ina léinidh.

Tuar ceatha?

Saghas éisc a bhfuil craiceann gorm lonrach air le stríoc beag dearg ann? Ronnach / maicréal?

Tua cheatha an freagra sa leabhar. Comhghairdeas, a Aonghuis!

Seo ceann eile daoibh --

Má chumhdaíonn crúb eilifint leath acra talaimh, goidé chumhdóchadh a eireball?

'goidé a chumhdochádh' (gabhaigí mo leithscéal)

Agus níl fiú braon amháin tugtha agam anocht--

'Má chumhdaíonn crúb eilifint leath acra talaimh, goidé a chumhdochadh an ruball?' sin ceart!

A pholl tóna?

Tá freagra níos ealaíonta sa leabhar, aon focal amháin -- 'Tóin'

Comhghairdeas, a Dennis.

Seo ceann eile daoibh:

Triúr, ceathrar, cúigear codramán
Ag goil siar go Dún na nGall,
Gan súil, gan béal, gan teangaidh
Is iad uilig ag caint.

Srutháin

(Rith bradán nó breac liom mar fhreagra don gceist úd eile)

http://www.focal.ie/Search.aspx?term=breac%20dea-dhathach&lang=2

quote:

Tá freagra níos ealaíonta sa leabhar

Ach... cad is ealaín ann?

Liz, cén fhreagra atá ar do thomhas?

(Triúr, ceathrar, cúigear codramán)

Tá Liz ciúin le cúpla lá anuas. Tá an fliú ag dul thart sna bólaí seo, slán mar a n-instear é, agus i bhfad uainn an drochrud!

Ar chúis éigin, ní fhaca mé an téad seo ón uair a scríobh mé roimhe seo.

Tuigim a bhfuil sibh ag rá, ach tagann focal.ie salach ar an nóisean nach n-úsáitear fásach do ghainmhlann, mar tá fásach ar Mhars acu.

Ach is féidir go bhfuil uisce faoi thalamh ann...

|quote{Triúr, ceathrar, cúigear codramán
Ag goil siar go Dún na nGall,
Gan súil, gan béal, gan teangaidh
Is iad uilig ag caint.}

Seo chugaibh an freagra sa leabhar:

"Tonnaí (na farraige)"

Bhí tusa gar don fhreagra, a Aonghuis.

A Shéamais,
Chonaic mé d'fhístéip is déanaí ar do shuíomh blog -- Ainmhithe Fiáine i New Hamphsire. An-deas!
Sna nóchaidí, chuamar go Páirc Strathcóna i lár Oileán Vancouver. Tá an pháirc an-mhór. Bhíomar ar thaobh an bhóthair ag áit ina n-itheann na turasóirí amuigh faoin aer ('picnic area' a deirtear i mBéarla). Chonaiceamar béar dubh mór in aice linn. Tháinig maor páirce agus scaoil urchar follamh chuige.
Sa pháirc chéanna, agus muid ar an mbóthar inár gcarr, tháinig dhá bhéiríní síos os ár gcomhair amach. Ba chúpla iad. Bhí a máthair ina ndiaidh. Níl béir Grizzly i bPáirc Strathcóna, go bhfios domsa. Ach chonaic mé béir Grizzly in Alaska. Bhí siad i bhfad i gcéin uainn, buíochas le Dia.

Seo pictiúir den pháirc, má tá suim agat inti.

http://www.strathcona.bc.ca/about/gallery.html

Bhfuil dubhfhocal eile agat dúinn, Liz?

Uimhir 31 ón leabhar:

Tá sé chomh cruinn leis an ghealaigh. Tá dhá shúil aige agus tá sé chomh húsáideach le maide briste.

Leid, led thoil! An bhfaightear é seo cois teallaigh freisin?

Faightear. Agus faightear é sa ghort agus amuigh ar an tsráid agus i mbád ar an bhfarraige. Sa teach tábhairne agus san eaglais, sa scoil agus sa reilig.

Chuile áit mar sin?

Bonn airgid a bhfuil aghaidh air? (Cén saghas aghaidheanna a bhí ar na boinn in Éirinn sna tríochaidí? Rí éigin? Agus gan ach súil amháin le feiceáil, is dócha, tóisc gurbh é a leathaghaidh a bhí ar an mbonn? Oh bhuel.)

Cnaipe?

quote:

Cnaipe?

An-deas! Mura bhfuil an ceart agat, íosfaidh mé mo hata! (Agus bheadh orm ceann a cheannach -- is fuath liom hataí ... ar mo cheann féin.)

Aonghus a dúirt:

quote:

Cnaipe?

Sin é!! Comhghairdeas arís a Aonghuis!!

Seo ceann eile daoibh:

Hata beag mo sheanathair
agus é ina shuí ar a thóin.
Níor stad sé ariamh ach ag bogadaigh
Go raibh sé thall sa Róimh.

Nóta -- Tá an litriú 'sheanathair' sa leabhar. Ní botún cló liomsa é.

quote:

Hata beag mo sheanathair [sic]
agus é ina shuí ar a thóin.
Níor stad sé ariamh ach ag bogadaigh
Go raibh sé thall sa Róimh.

So, is é an seanathair atá ina shuí ar a thóin, ceart? Agus an hata atá ag bogadach, ní an fear?

quote:

So, is é an seanathair atá ina shuí ar a thóin, ceart? Agus an hata atá ag bogadach, ní an fear?

Níl a fhios agamsa. Níl miniú ar bith sa leabhar. Ach b'fhéidir go bhfuil botún cló sa leabhar -- hata beag mo sheanathar b'fhéidir??

quote:

Níl a fhios agamsa.

Ach... tá an réiteach agatsa! Tuigeann tú mar sin céard is brí leis na leideanna aisteacha seo.

quote:

hata beag mo sheanathar b'fhéidir??

Sin é an t-adhmad a bhainimse as.

An raibh an seanathair ag taisteal ar thraein, nó long?

Ní raibh sé ar thraein agus ní raibh sé ar long.
Is meafar é an seanathair. Tá cuma mullach ceann an tseanathar ar an rud atá i gceist. Rud bán atá i gceist.

An cuid de roth atá i gceist? An meafair atá sa Róimh - an bhfeadfadh aon áit eile bheith ina ionad, nó an bhfuil creideamh i gceist?

Níl barúil dá laghad agam den réiteach, ach tá mé ar bís len é a chloisteáil. An leor "éirím as" a rá? Nó "glac trua linn!"

Océ.

Is é 'Cobhar (cúr) ar uisce' an freagra.

Yikes! Ní bheadh an réiteach sin agam dá mbeadh míle bliain agam le mo mhachnamh a dhéanamh air!