Thíos tá eolas maidir le hagóid a bheidh ar siúl taobh amuigh de Chúirt Laganside i mBéal Feisrte amárach, Dé Céadaoin 18 Iúil. An mbeadh sibh in ann an focal a scaipeadh.

"Tacaíonn Conradh na Gaeilge go hiomlán le Máire Nic an Bhaird a mbeidh cás cúirte á thógáil aici i gcoinne Sheirbhís Phóilíneachta Thuaisceart Éireann inniu 19 Iúil, de bharr gur tógadh thar oíche í toisc gur i nGaeilge amháin a labhair sí leis an tSeirbhís Phóilíneachta nuair a ceistíodh í. Chomh maith leis sin, molann an Conradh go hard í as bheith sásta an cás a throid trí Ghaeilge.

Dúirt Dáithí Mac Cárthaigh, Uachtarán Chonradh na Gaeilge: Molaim agus tacaím go hiomlán le Máire as an seasamh cróga seo atá á thógáil aici. Is mór an náire é nach bhfuil an Stát ó thuaidh sásta cothrom na Féinne a thabhairt do phobal na Gaeilge agus an t-aitheantas cuí ceart a thabhairt don Ghaeilge, ach go háirithe tar éis shíniú Chomhaontú Aoine an Chéasta 8 mbliana ó shin. Éilím go dtabharfaí aitheantas don Ghaeilge sna cúirteanna ó thuaidh agus go gcuirfí dréacht-Acht Teanga Pobal i bhfeidhm, freisin.

Beidh Conradh na Gaeilge i mbun agóide leis Na Gaeil Óga maidin inniu taobh amuigh de Chúirt Laganside agus iarrann siad ar phobal na Gaeilge a theacht amach chun tacú le Máire."

Go n-éirí leis an agóid agus cuir chugainn a tuairisc.

http://news.bbc.co.uk/1/hi/northern_ireland/5194744.stm

Seo an scéal de réir an BBC.

http://www.rte.ie/news/2006/0719/irish.html

agus RTE

agus tá trean eolais fán sceal ar fáil ó www.nuacht.com

Ar a laghad tuigfear go gcaithfear a throid ar son na Gaedhilge.

Céard a cheapann sibh faoin "Teanga " nua seo a labhraítear sna Sé Chontae.Sea a dhaoine tá trí theanga againn (péire oifigiúil + ceann neamhoifigiúil)ar an oileán beag seo anois de réir ball den PSNI.
Is cosúil nach bhfuil sé luaite i gConradh Aoine Chéasta 1998 agus níl baill den PSNI sásta go labhraíonn daoine ó Thuaidh an "Teanga Leipreacháin" seo.Tá sé thar am againn teachtaireachtaí a sheoladh tríd an ríomhphost chuig Ceann Áras an PSNI ag iarraidh orthu a thaispeáint dúinn san socrú a síniú , cén áit a bhfuil cosc ar an "Teanga Leipreacháin" nó fiú amháin cén alt a dhéanann tagairt den "Teanga Nua " seo.
Mar dúirt a té a dúirt é , ní fhéadfadh sé ach tárlú sna Sé Chontaithe.
Cá bhfuil na múinteoirí? na scoileanna chun an "Teanga Nua " dóighiúil seo a mhúineadh dúinnse sna 26 contae.
An bhfuil ranganna i nGaillimh? B.Á.C? Luimneach? Corcaigh?
B'fhéidir le cúnamh Dé go bhfuil i nDún na nGall?
Go bhfoire Dia ar na créatúirí bochta nach deacair an ghráin a dhíbirt as an gcroí? Bhuel cuid dos na daoine ní féidir é.Céard faoin mionn a thóg siad nuair a glacadh leo mar bhaill den PSNI?.Cás cúirte sa bhFómhar faoin droch íde a thug an t-oifigeach den bhanGaeilgeoir sa Tuaisceart?
Maith thú, a Mháire sén feall nach bhfuil cuid de do leithéid an taobh seo tíre chun a chinntiú go gcuirfear an t-Acht na Teanga Oifigiúil i bhfeidhm go h-iomlán.

(Message edited by mickrua on July 19, 2006)

Bhí mé féin i láthair ag an agóid sin inné. D'éirigh go han-mhaith léi agus fuarthas an-chuid poiblíochta di. De réir cosúlachta is é an rud a tharla go díreach ná go raibh Máire Nic an Bhaird agus cara léi, múinteoir eile Gaeilge, ag fágáil sláin le chéile. Thrasnaigh cara Mháire an bóthar le gabháil isteach i dtacsaí agus dúirt Máire léi 'slán agus tcífidh mé tú amárach' nó rud éigin simplí mar sin. Chuala póilín iad ag labhairt Gaeilge agus thosaigh sé ag béicíl le Máire agus rug sé greim uirthi. Ansin dúirt sé le Máire gan a bheith ag úsáid an 'Leprechaun language' sin. Ag an bpointe sin bheartaigh Máire gur i nGaeilge amháin a labhródh sí leis an bpóilín agus, dá bharr sin, caitheadh isteach i gcillín í thar oíche agus cuireadh ina leith go raibh 'iompar mí-ordúil' ar siúl aici. Bhí beirt nó triúr finnéithe ann, áfach. Ní hé seo deireadh an scéil seo. Leanfaidh sé ar aghaidh go ceann tamaill. Cabhróidh sé le leithéidí Pobal Acht Teanga a bhaint amach don Tuaisceart.

GRMA, a Shéamaí,

Más amhlaidh, b'fhiú an diúnas roimh an dlí. Is fada ó bhí Pádraig Mac Piarais ina sheasamh leis an fear a chur Gaeilge ar a thrucaill.

Go mbeire bua!

Aon scéal ó Mháire?

Daoine dá leithéid, is iadsan a chuireann an fuinneamh agus an paisean ar ais im chroíse maidir leis an nGaeilge..

Ní bhead ar an mbus sin go mBéal Feirste ar an drochuair ach go n-éirí an bóthar libh!

Ar shíl tú riamh Gaeilge a labhairt le poilín, a dhomhnaill?

Ní leis an poilín a bhí sí á labhairt, ach lena cara. Béarla a labhair sí leis an bpoilín.

Ní leanann mé?

"Ní leis an poilín a bhí sí á labhairt, ach lena cara. Béarla a labhair sí leis an bpoilín"

Anois tá meascán mearaí ormsa leis. Tuige an bhfuiltear cúirt a chur uirthi máiseá?

Toisc gur ghlac an poilín col lei bheith ag labhairt gaeilge go hoscailte. Agus toisc gur thug sí a hainm dó (Nic an Bhaird).

Á, tuigim anois, is dócha.

Is dócha go bhfuil dualgas ar gach duine a ainm is a sheoladh a thabhairt má iarrtar ort ag gníomhaí dlí.
Muna raibh Gaeilge ag an poilín, ní thuigfeadh sé an freagra. Ceist dlí é mar sin, ar tugadh na sonraí chuí muna raibh an poilín in ann a dtuiscint.

Is dóigh gur ghlac an poilín gur diúltú a bhí ann, cur in éadan an dlí agus gabhadh í de dheasca.

Roinnt blianta ó shoin, cuireadh cúirt ar dhaoine san Fhrainc cionn is gur leabhair siad Briotáinis leis an póilín .

Cuireadh breith phriosúnachta orthu, cionn is gur rialaigh an Chúirt go raibh Fraincis líofa acu : Chonaic an breitheamh toradh a scrúdaithe scoile.

Cuireadh an chúis ar athló arís, pé scéal é.

quote:

Muna raibh Gaeilge ag an poilín, ní thuigfeadh sé an freagra

Má iarrtar ormsa cén t-ainm atá orm, Aonghus Ó hAlmhain atá orm, cuma cén teanga ina bhfuilim ag freagairt na ceiste. Mar an gcéanna do Mháire.

Agus tá ceist na n-ainmneacha is na sloinntí cigilteach in Éirinn leis.
Cad is ainm duine?: Ainm an teastais breithe? an t-ainm lena bhfuil aithne air? ainm a athraithe le Gníomhas aonpáirtí? Is minic daoine le Gaeilge ag tabhairt a n-ainm Gaeilge nuair is an leagan Béarla an leagan oifigiúl acu. Is minic daoine le Gaeilge a chloíonn leis an leagan Béarla. Is minic duine ag silstin go mbíonn cead acu a rogha ainm a úsáid.
Ní dóigh liom go bhfuil an dlí socair ina thaobh: dlí na Poblachta ná dlí an Tuaiscirt.

Aonghus Ó hAlmhain m'ainm oifigiúl ó thaobh gach teastas dá bhfuil ann. Go bhfios dom, is amhlaidh do Mhaire, a tógadh i mBóthar Seoige, é.

Níl fhios agam.

Ach is beart suaithinseach teastas breithe Gaeilge a bheith ag duine a rugadh sa Tuaisceart.

An dochar dom a fhiafraigh duit conas a tharlaíonn go bhfuil teastas breithe Gaeilge agat ós nós é le fada an lá, fiú i measc lucht na Gaeilge, a n-ainmneacha a chlarú i mBéarla.

Mo shin-sheanathair a roghnaigh an leagan Gaeilge dá ainm.

Níor úsaid mo sheanathair ach é, agus is mar sin atá muid uilig claraithe ó shin.

Bhí an t-ádh leat. Ní raibh mo shinsear chomh fadcheannach

Nó ceanndána agus muinéalteann!

Ní mar sin a tharla sé ar chor ar bith. Bhí sí ag labhairt i nGaeilge lena cara. Nuair a chuala an póilín í ag labhairt Gaeilge d'ordaigh sé di gan a bheith ag labhairt an 'leprachaun language' sin agus Béarla breá na banríona a labhairt ina háit. Ag an bpointe sin bheartaigh máire nach raibh sí chun Béarla ar bith a labhairt leis an bpóilín. Tá sí le moladh as an seasamh cróga atá tógtha aici agus as a bheith sásta an cás a throid i nGaeilge sna cúirteanna - rud nár ceadaíodh riamh roimhe seo. Ní ghéillfidh sí ar an gceist seo. Is féidir bheith cinnte go gcuirfear an cás os comhair Chúirteanna Pharlaimint na hEorpa muna ligtear di an cás a thógáil i nGaeilge. Déarfainn go bhfuil áiféala ar an bpóilín sin anois.

quote:

Déarfainn go bhfuil áiféala ar an bpóilín sin anois.

Ní bheadh ionadh ar bith orm dá mbainfeadh an fórsa póilíní nó an rialtas, ceap milleáin as na póilíní aonair a ghabh í.

Nuair a smaoiníonn arís air, seans gurb é seo an rud is fearr a tharla don Ghaeilge le cúpla bliain... bheadh sé go hiontach dá dtabharfaí an cás go dtí an Aontas Eorpach -- chuirfeadh an chonspóid Gaeilge ar an mapa.

Cinnte agus tuigeann Máire go maith é sin. Tá sí le moladh as an seasamh cróga seo atá á thógáil aici. Cabhróidh sé seo le hiarrachtaí na heagraíochta POBAL Acht Teanga a chur i bhfeidhm sa Tuaisceart. Beidh sí ag gabháil os comhair cúirte arís ar 18 Meán Fómhair agus beidh bus á reáchtáil ag Conradh na Gaeilge i mBÁC le gabháil ann. Deirtear liom go mbeidh suas le 300 duine taobnh amuigh den chúirt ar an lá sin.

'Dhiabhail! Tá cosa ag fás go tiubh faoin scéal seo. Is ar éigean a bhfeicim poilín ó cheann ceann na míosa ach máirín bheag bhocht
1) Bhí poilín ina gaobhar
2) Bhí cluais le éisteacht air
3) "D'ordaigh" sé uirthi athrú teanga a tharraing uirthi
4) Bhí "fhios" aige gur teanga na ndaoine maithe a bhí a labhairt aici
5) Ní léir cad a tharla ansin, ach gabhadh í agus tá cúirt a chur uirthi ar chúis éigin


1) Nach maith an slándáil a bhí ina timpeall
2) Tá sé seo rud beag míbhéasach
3) Ní feidhm dó a leithéid a ordú.
4) Seo spochadh, nó míbhéas nó claonchiníochas fiú. Tá súil agam go bhfuil cúirt nó gearán le chur ar an bpoilín. Ach nach iontach go raibh fhios aige nach Liotuáinis nó Polainnis a bhí ann.
5) Ní léir dom fós cad é an chúis atá curtha i leith máire

quote:

Beidh bus á reáchtáil ag Conradh na Gaeilge i mBÁC le gabháil ann.

Déanfaidh mé mo dhícheall bheith ar an mbus sin! Cé eile a thiocfaidh?

Beidh mé féin ag gabháil ann. Cuir ríomhphost chuig le spás a chur in áirithe. Beidh go leor de Na Gaeil Óga ann chomh maith.

Ba bhreá liomsa dul ach ar an drochuair sa i nGaeltacht na Rinne a bheidh mé agus mo chuid ó DCU..

"....agus mo chuid ó DCU"?

Cad a ghoid thú?

Mo dhaoine ón Ollscoil...

An dia anois thú, a Dhomhnaill, go bhfuil daoine agat? .

Bhal, a dhomhnaill, tá súil agam go mbeidh sibh ag labhairt na Gaeilge in éisteacht na nGardaí Síochána ;)

So nuair a deireann tú "mo chuid" an mbaineann sé le do chlann amháin? Ni féidir é a úsáid le foireann/ranga scoile & a leithéid de sin?

Ní dóigh liom é.

Mo chuid comhscolairí/comh mhic léinn - ceart go leor; ach "mo chuid ón Ollscoil" aisetach, dar liom. Cuireann sé seilbh in iúl ar bhealach nach noibríonn, dar liom.

Aon scéal ó Mháire?

Ar an 18ú atá a céad lá eile sa chúirt.

An Luain seo chugainn, máisea?

Aon scéal ó Mháire?

Cuireadh an cás ar ceal arís. Beidh an chéad éisteacht eile ar 2 Deireadh Fómhair. Bhí slua réasúnta mór bailithe taqobh amuigh den Chúirt ar maidin.

Bhfuil fhios ag éinne go fóill cad é go díreach atá curtha ina leith? An foráil? An dlí?

Iompar mí-ordúil in ainneoin go bhfuil beirt fhinnéithe aici (duine amháin acu neamhspleách) a déarfaidh nach raibh aon iompar mí-ordúil ar siúl aici ar chor ar bith. Is é bun agus barr an scéil seo ná gur tógadh í de bharr go raibh sí ag labhairt Gaeilge. Tá siad i ndiaidh a bheith ag amaidí leis an duine mícheart agus, anois, is í an Ghaeilge a bheidh thuas leis dá bharr.

GRMA, a Jamie.

Deir an idirlíon liom:

disorderly conduct
Encyclopædia Britannica Article

in law, intentional disturbing of the public peace and order by language or other conduct. It is a general term including various offenses that are usually punishable by minor penalties.


Cogar, an bhfuil sise ag cur an dlí ar an bpoilín de dheasca a chainte míshéimhe?

An bhfuil a fios ag lucht na deireadh seachtaine Gaeltachta gur gar-inion Eddie Keenan í an Máire Nic an Bhaird seo. ('Ár bPast-tense Eddie féin' a bhí ag amhraíocht linn in Esopus agus Washington, D.C. cúpla uair agus in Ottawa cúig bhlian ó shin.)

Bhí mé ag caint le Máire agus dúirt sí nach raibh sí ach ag fágáil slán lena cairde agus gur thainíg an póilín chuici agus rug sé gréim uirthi agus é ag rá go gcuirfidh sé isteach i gcillín í thar oíche má leannan sí léi ag labairt as Gaeilge.

Tá mé chun dul ar ais ann más féidir ar an Luain seo chugainn más féidir.

Tá súil agam go bhfuil Máire ag cur an dlí ar an bpoilín míbhéasach.

Beidh Conradh na Gaeilge ag eagrú grúpa le gabháil suas go Béal Feirste, Dé Luain, 2 Deireadh Fómhair chun tucú le Máire Nic an Bhaird, an múinteoir bunscoile a thóg lucht Sheirbhís Phóilíneachta na Sé Chontae de bharr go raibh sí ag labhairt i nGaeilge. Má tá spéis agat teacht leis an ngrúpa seo déan teagmháil liom in Ard-Oifig an Chonartha ag nó cuir scairt orm ar 01 4757401. Bheinnse buíoch díot dá mbeifeá in ann teacht ar ais chugam roimh an Déardaoin 28 Meán Fómhair ag 12.00.

Bhal, dé a dh'éirigh idir Máire is an breitheamh indé?

Nach raibh éinne ag seasamh le Máire?

Tá straitéis nua ar an bhfeachtas seo, a chairde. Beidh eagraíochtaí ar nós Chonradh na Gaeilge, Pobal agus Na Gaeil Óga ag tacú léi (i mbun agóide taobh amuigh den Chúirt) gach uair a dtéann sí os comhair Cúirte ach má bhíonn uirthi gabháil os comhair na hArd-Chúirte bheiffí ag súil go mbeadh suas le cúig chéad ag na hagóidí sin.

Fós, níl mé cinnte go dtuigeann an mórphobal cé chomh tábhachtach is atá sé seo. Má éiríonn le Máire beidh an chéad chéim tógtha maidir le cur i bhfeidhm Achta teanga (Acht Gaeilge) sa Tuaisceart. Má ligtear do Mháire an cás a thógáil trí Ghaeilge beidh na céadta agus mílte ina diaidh ag iarraidh a dea-shampla a leanstan agus ní bheadh an dara roghú ag Cúirteanna an Tuaiscirt ach éisteacht leis na cásanna trí Ghaeilge.

Tá iontas orm nach bhfuil níos mó tacaíochta ag Máire ó na páirtithe polaitiúla. Is ceist fhíorthábhachtach í seo.

Fúibh fhéin atá bhur gcuid feachtaisí, dar ndóigh, agus guím rath ar a obair.

Ach glactar ag furmhór Thuaisceart Éireann, Phoblacht na hÉireann agus na Ríochta Aontaithe gur cuid den RA Tuaisceart na hÉireann. Ritheann a dlí ann.
Sa RA níl ach aon taobh tíre amháin ina bhfuil comhstadas ag teanga eile faoin dlí seachas an Béarla .i. An Bheatain Bheag. Tá seo ann de bhua dlí seachas fasach cúirte. Níl sé san Albain ag Gaeilge na hAlban, sa Mhanann ag Gaeilge na Manainne, sa gCorn ag an Chornais. Cé nach bhfuil na hOileáin Mhuir nIocht sa RA, níl statas ag an Fhraincis Normannach faoin dlí, ach mar órnáid.

Anois fan soicind ansin a stór.. Bí cúramach toisc gur ceist an láidir is paiseanta í ceist na saoirse. Cad atá ar intinn agat le "Glactar" ?
Ní thacaíonn 45% mhuintir an tuiscirt leis. Ní thacaíonn beagnach dhá oiread an méid sin de mhuintir 26 contae leis. Agus is é an tuairim is coitianta i measc mhuintir na breataine ná gur cóir go mbeadh Eire Aontaithe.
So ye b'fhéidir go nglacann formhór na daoine leis na dlíthe laethúla atá ann ach ní thacaíonn gach duine leo ach an oiread.

As na Stáit Aontaithe thú Fearn?

A Dhomhnaill,
"Anois fan soicind ansin a stór.."
Ná bí téisiúil.

"Bí cúramach toisc gur ceist an láidir is paiseanta í ceist na saoirse."
Bhfuil tú a maíomh go mbím cúramach le ceisteanna laga is fuara?

"Cad atá ar intinn agat le "Glactar" ?
Conradh na Breataine is na hÉireann 1920; Comhaontú Aoine an Chéasta; reifreann Phoblacht na hÉireann ag athrú an Bhunreacht; Riaradh buan na Breataine i dTuaisceart na hÉireann.

"Ní thacaíonn 45% mhuintir an tuiscirt leis."
Féach thuas.

" Ní thacaíonn beagnach dhá oiread an méid sin de mhuintir 26 contae leis."
Féach thuas.

" Agus is é an tuairim is coitianta i measc mhuintir na breataine ná gur cóir go mbeadh Eire Aontaithe."
Féach thuas

"So ye"
?????????

" b'fhéidir go nglacann formhór na daoine leis na dlíthe laethúla atá ann ach ní thacaíonn gach duine leo ach an oiread."
Cá bhfágann sin an daonlathas?
Cogar an mbaineann an cás seo le Máire?

"As na Stáit Aontaithe thú Fearn?"
Rugadh mé i dtírín beag bídeach ar imeallbhord na hEorpa darb ainm Éire

'Dé mar d'éirigh le Máire Bhocht san éisteacht dheireannach?

Bhí snáth nó dhó eile faoi le cúpla la anuas.

Beidh sise ag tabhairt fianaise ar 12ú Feabhra.

Maith an bronntanas Bhailintín di.

(Ní fhéadfainn neamhshuim a dhéanamh go bhfuil sí ina stuaire)

aon scéal ag éinne i dtaobh Máire inniu?

Ar athló arís eile

http://www.gaelport.com/index.php?page=clippings&id=1732&viewby=date

Bhí mé sa Chúirt inné. Tá an éisteacht thart anois. De bharr gur éisteadh leis an dá thaobh ar laethanta éagsúla dúirt an breitheamh nach raibh sí in ann cinneadh a thógáil ag an bpointe sin. Déanfar an breithiúnas ar an Luan, 26 Feabhra. Is léir gur chaith na péas go dona léi, áfach, agus go raibh siad á maslú de bharr gur i nGaeilge a bhí sí ag caint.

Mar eolas daoibh, áfach, beidh léirsiú ar siúl i mBéal Feirste ar 24 Feabhra (dhá lá roimh chás Mháire) le tacaíocht mhórphobal na Gaeilge a thaispeáint do rialtas Westminister d'Acht Gaeilge don Sé Chontae. Tá sé fíorthábhachtach go mbeidh slua mór i láthair aige seo. Beidh dhá bhus ag fágáil ó Ard-Oifig Chonradh na Gaeilge (6 Sráid Fhearchair) an lá sin le tacú leo. Ní bheidh aon chostas ar an mbus agus tá fáilte roimh chách. Is cinnte gur lá stairiúil a bheidh ann.

Maith sibh ar aon!

An bhfaca sibh nuacht.com inniu?

CIONTACH...
Tá sé ráite ag Máire Nic an Bhaird go ndéanfaidh sí achomharc in éadan a ciontaithe as 'iompar mí-ordúil'

do-chreidte,

maithigi dom uilig i mBéal Feiriste, ach cuireann sé sin deistin orm agus níl fonn orm mo chos a leagán ar ais ann. Tá trua agam daoibh uilig ach go hairithe do Mháire.
Colleen

Tá tú rud beag goilliúnach, a chailín. Nach bhfuil?