http://www.focloir.ie/

Is féidir do dheismireacht féin a sheoladh chucu chomh maith. (faoi 'deismireachtaí')

>>> Deismireachtaí ag teastáil
Mar chomhlánú ar Chorpas Nua na hÉireann tá sé i gceist againn bunachar de dheismireachtaí a chruthú. Chuige sin beimid ag brath ar thacaíocht an phobail a fháil. Aon duine ar spéis leo cúrsaí teanga ba mhaith linn go gcuirfidís sleachta chugainn a léiríonn ina dtuairim féin an chaoi a bhfuil an teanga ag athrú. Is féidir deismireachtaí a bhaint as aon fhoinse iontaofa – úrscéal, iris, irisleabhar léinn nó láithreán gréasáin, abair. Fáiltímid roimh dheismireachtaí i nGaeilge nó i mBéarla (Béarla na hÉireann go háirithe). Léirítear ar láithreán gréasáin an tionscadail conas deismireacht a chur leis an mbunachar agus cuirtear foirm shimplí ar fáil le líonadh isteach. Is iontach an deis é seo dóibh sin ar spéis leo an tionscadal, páirt a ghlacadh ann.

Ach tuige (de réir teideal na dtuarascáil) gurbh é an Bhéarla a dteanga oibre?
http://www.focloir.ie/deliverable_g/

>> ..(de réir teideal na dtuarascáil) gurbh é an Bhéarla ..

Ní fheadair mé a Aonghuis. Níor thugas faoi deara go dtí anois é.

Tá comhlacht Sasanach fostaithe ag Foras na Gaeilge mar chomhairleoirí don tionscadal, Lexicography Masterclass is ainm dóibh: http://www.lexmasterclass.com/

D'fhreastail mé féin ar chaint a thug duine den chomhlacht tá leathbhlian ó shin, cur síos ar an fhoclóir beartaithe a bhí ann. Tá an-mheas agam ar an dóigh a bhfuil sé seo pleanáilte acu, ach tá bóthar fada fós amach rompu. Ón méid a thuigim, níor cuireadh tús le scríobh an fhoclóra go fóill, cé is moite de roinnt bheag iontrálacha trialacha.

Beidh áis den scoth againn go léir nuair a bheidh an foclóir seo ann, ach os cosúil go mairfidh sé sin roinnt mhaith blianta fós.