Tá Fóram Beo ar ais arís! Buíochas le Dia! Tá sé éirithe!

Bhuel, ghoid duine éigin m'ainmneacha ann. Nach cliste mo stalcaire. Táim ag iarriadh m'ainm féin a fháil ar ais. Muis.

Mo léan a Shéamais an diabhlaíocht go léir a chonaic tú leis an duine/dream seo agus má shleamhnaigh sé slán go dtí seo, cuimhnímis an seanfhocal faoin madra rua:

Dá fhaid a ritheann an sionnach is minic a dhíoltar a chraiceann.

Tharla uimhir a ríomhaire a bheith ar fáil, is dócha gur féidir a cheapadh am éigin amach anseo.

Fuarthas ar an suíomh seo é, agus tá sé ag baint úsáid as ríomhaire i leabharlann i mBéal Feirste, de réir dealraimh. Ach is féidir an ríomhaire sin a stadadh, ar aon nós. Seans maith é seo chun fáil amach an bhfuil siad i ndáiríre maidir le smacht a choimeáid ar an gclár nua.

Níl an fóram ag obair domsa anois.

Tá seoladh nua aige. http://www.beo.ie/clar_ple/

quote:

Bhuel, ghoid duine éigin m'ainmneacha ann.

An raibh tú in ann an fhadhb sin a réiteach? Foghail most foul, a deirimse! Dála an scéil, cé atá i bhfeighil an chláir plé sin anois?

Bhí mé as baile go dtí inniu. Tá na bréagtheachtaireachtaí ann fós, agus an duine ann fós.

Fuair mé freagra, agus tá an duine sin coiscthe. Ach fágadh na teachtaireachtaí nár scríobh mise. Neamhurchóideach go leor, is dócha.

Níl Séamas Poncán saor dom fós, mar atá. Ach táim dóchasach arís.

An bhfuil a fhios agaibh an dóigh a bhfuil sibh uilig ag caint ar athchlárú le Clár Plé Beo. An gciallaíonn sé sin go n-imeoidh sibh ón Suíomh seo? Níl ann ach go gceapaim go bhfuil an ceann seo go hiontach. Níl mé ag rá go bhfuil a dhath ar bith cearr le Clár Plé Beo ach an oiread.

Bímse ar an uile chlár plé, de ghnáth. Tá daoine áirithe ann nach bhfuil sásta bheith ar níos mó ná clár amháin, agus sin an fáth nach bhfuilimse sásta leis sin! Ná bíodh imní ort. Nuair a bhí Beo beo, bhíomar go léir anseo freisin. Is maith liom an clár seo go mór. Ach níl aon dul as - bíonn níos mó daoine ann ag iarraidh caint as Gaeilge ar Beo. Rud maith agus rud olc sin, mar atá...

Fair Play! Aontaím leat. Is fiú cláir éagsúla a thriail. Tá mise cineál nua don chraic seo agus, mar sin, ní bheadh a fhios agam cad iad na cinn is fearr ach mar a dúirt mé is maith liom an ceann seo.

Bain trial as an gceann seo, más maith leat, freisin:
www.scoilgaeilge.org/liosta
Sin mo cheann féin. Bíonn sé cuíosach ciúin.

Tá sé go maith ach fós is fearr liom an ceann seo. Tá brón orm.