A chara, cloisim go minic gur ag dul i léig atå an Ghaeilge sna Gaeltachtaí. An tsíleann sibh go gheobhaidh Gaeilge mar theanga de fhormhór na ndaoine bás sa Ghaeltacht sna blianta seo sa todhchaí? An bhfuil daoine ann sna Gaeltachtaí is áibhirseoirí duaiseacha den dhul i léig na Gaeilge sa Ghaeltacht? An bhfuil daoine ann ansin atá ag éileamh gurb é Gaeilge amháin an teanga oifigiúil sa Ghaelt.?

Leanúint: Chuala mé freisin go bhfuil daoine ann sa Ghalltacht a bhfuil Gaeilge mar phrîomhtheanga orthu, go háirithe sna cathaireacha in Éirinn. Tá a fhios agam faoi bhith na nGaelscoileanna. An bhfuil daoine ann sa Ghalltacht a síleann gur amadáin de dhaoine na daoine sin? An bhfuil, ar thaobh eile, Gaeilgeoirí réasúnta fanaiceacha ann? Go raibh maith agaibh as do fheagraí. Beannacht, Alex

Bail ó Dhia ort a Alex.

Tá ceisteanna go leor sa méid sin agat a mh'anam. Caithfear a rá go bhfuil droch-chuma ar an scéal mar níl oiread borradh faoin nGaeilge sa Ghalltacht is a thabharfas misneach do mhuintir na Gaeltachta. Tá feicthe acu le cúpla glún anuas gur mór ag roinnt de mhuintir na Galltachta an teanga ach gur cuma, maidir le gníomh, an chuid is mó díobh an Ghaeilge a bheith ann nó as. Ba cheart í a bheith ar fáil dóibh (m. na Galltachta) lena gcuid páistí a shú isteach sa Samhradh agus roinnt Gaeilge a mhúineadh dóibh. Is deas sa Ghaeltacht í agus mar sin de.

Tá roinnt de mhuintir na Galltachta ag múscailt le scór go leith bliain anuas ach ní leor é measaim, faraor, leis an teanga a thabhairt slán san áit ar fágadh í, an Ghaeltacht, le céad bliain anuas, Gaeltacht atá ag imeacht ina ceo as an tír uainn.

B'fhéidir, tá súil agam, go bhfeicfidh teaghlaigh go leor sa Ghaeltacht gur cailleadh dóibh féin mar dhream a bheas i gcailleadh na Gaeilge agus go maolóidh siad a bhfuil ar na bacáin ina gcás ar leith féin. Slabhra gan bhriseadh is ea an teanga a bheith ó dhúchas ag duine agus an rud atá bailithe - imithe - ní thig a thabhairt ar ais go dté an ghrian tuathal ar an aer, faraor.

Sea, ní beag a bhfuil de bhuaireamh orainn faoin nGaeltacht.

Ar an láimh amháin, ní thuigeann muintir na Galltachta an chaill a bheadh ann dóibh féin ná do na glúnta ina ndiaidh.

Ní thuigeann roinnt de mhuintir na Gaeltachta an chaill a bheas i gceist. B'fhéidir gur fearr a bheith ar an aineolas faoin a leithéid mar tá a fhios agam roinnt daoine de gach aois sa Ghaeltacht a thuigeann an scéal agus tá sé ag déanamh an-chnap ar a gcroí.
Tá cumha ar chuid acu faoina bhfuil feicthe thart orthu.

Is deas thú a fheiceáil chugainn 'Alex. Cad as duit - Cé as tú, mura mhiste dom fhiafraí?

Is as an nGearmáin dom. Tá mé i mo chónaí i Marienheide, timpeall 60 km oirthearach de Köln. Le do thoil, ná scríobh abairtí ró-dheacair mar is foghlaimeoir atá mé. Dhearmad ceist seo: An bhfuil Gaeilgeoirí líofa ann atá ag maireachtáil i nGearmáin? Ba mhaith liom iad a theagmháil má tá neart acu ann. Slán, Alex

Is maith do scéala.

Tá seaneolas agam anseo duit a Alex. Tá roinnt de na daoine seo thíos bogtha as an nGearmáin ó shin, is eagal liom, ach is féidir go bhfuil roinnt eile de na seolta seo ag obair go fóill.

http://www.ceantar.org/ATM/Germany/index.html

Chonaic tú an méid seo cheana is dóigh:
http://www.smo.uhi.ac.uk/gaidhlig/cananan/#Deutsch

Aonghus a scríobhann anseo go minic, dála an scéil, is as an nGearmáin a bhean chéile agus bíonn an Ghearmáinis is an Ghaeilge ar siúl sa teach i mBÁC acu.
Tá sé ag siúl na Mór-Roinne faoi láthair áit éigin agus gach b'fhéidir níos mó ná a chéile go bhfuil sé sa Ghearmáin faoi láthair.

In am soip anseo (- am leapan). Déarfaidh mé 'oíche mhaith go fóill'.

Molann do chuid Gaeilge thú. Tá tú molta agus mise i mo thost! (You're praised before I say a word!)

quote:

An bhfuil Gaeilgeoirí líofa ann atá ag maireachtáil i nGearmáin?

Tá, m'anam! Ach is deacair teacht orthu. Níl aithne agam ar aoinne fá Koeln.