Aréir, d'fhreastail mé ar cheantáil charthanachta agus cheannaigh tráidire dearg mór a tugadh "Pastuso Ware" air. Rinneadh 45 bliana ó shin agus is as Meiriceá Thoir é. An bhfuil an fhios ag duine ar bith? Cén rud atá i gceist anseo? Cén chiall atá leis an bhfocal "Pastuso"?

Tá cathú orm, a liz. Tá mé dall ar phastuso.

Fuair mé seo: Cathair sa Cholóim a dtugtar "Pastusos" ar na daoine ann.
http://www.pasto.com/nv_seccion.php?seccion=30

Seans go bhfuil baint aige sin leis.

Táim i mo chónaí i Meiriceá Thoir, is dócha, agus níor chuala mé trácht air riamh.

Go raibh maith agat, a Aonghuis. Sin an ceantar ar rinneadh mo thráidire, go cinnte.

I Meiriceá Theas, ba chóir dom a scríobh, a Shéamais.
Bhí deifir orm inné. Tá sé ar intinn ag m'iníon dul go rang ceoil ag an ollscoil i rith an tsamhraidh. B'éigean di audition CD (dlúthdhiosca trialach?) a dhéanamh agus mise innealtóir na fuaime tráthnóna inné.
Is veidhleadóir clasaiceach í, agus ní raibh sí sásta lena cuid ceoil.
B'éigean dúinn an teach a choinneáil ciúin. Chuir mé túaillí ar chliabháin na n-éan agus chuir an madra sa seomra folctha agus an doras dúnta. Mhínigh mé an cás do m'fhear agus lig sé a scíth go socair.

Chas m'iníon na píosaí arís is arís -- scálaí is Handel Sonata as E mórghléas. (Nuair a chruthaigh Dia an veidhlín, ní raibh a intinnse ar E mórghléas. Bíonn an gléas sin rídheacair ar an veidhlín. Cad ina thaobh ar scríobh Handel sonata amaideach mar sin? Ní thuigfinn é go deo.) Sa deireadh, thogh mise ceann dá hiarrataí agus dhóigh ar diosca é. Chuir mé sa phost inniu é .

Go n-éirí sin leí an créatúr a Liz.

Go mbaine sí an 'pas thuas de' agus 'pas thuas dá bharr'! (pastuso ware)

(Is deas na scéalta a leagann tú isteach chugainn ar an líon. Spléachadh isteach i saol an duine eile, a Liz, go raibh maith agat. Roinnt eile againn rófhuadrach chuige b'fhéidir.)

Is dócha go bhfuil a fhios agat, Liz, go gciallaíonn pasto féar nó páirc i Spáinnis. Bliain ó shin bhí mé ag teacht ar ais go Oaxaca ó Etla. Bhíomar ar an mbóthar os cionn La Valle de Oaxaca. Chonaic mé paiste mór glas i lár an ghleanna. An séasúr tirim a bhí ann bhí an féarach mór sin thar a bheith feiceálach. D'fhiafraigh mé den tiománaí tacsaí céard a bhí ann. Chas sé a cheann i mo threo, agus thug mé faoi deara ar an toirt go raibh idir ionadh agus mhearbhall air. An duine bocht. Bhí mé tar éis "Cad é an lacha mhór ghlas sin?" a fhiafraí de. Is é sin, dúirt mé "pato" i leaba "pasto".

Uair amháin eile, blianta roimhe sin, bhí mé i mbanc agus bhí ceist agam faoin ráta malairte. Ach in ionad tipo de cambio a rá, d'iarr mé eolas ar an "exchange rat" -- is é sin, la rata de cambio!

An raibh sé cosúil leis an bpláta seo? http://es.wikipedia.org/wiki/Imagen:Barniz_de_Pasto_091705_002.jpg Níor chuala mé faoi ar Pasto roimhe seo. Fuair mé an scéal céanna a bhfuair Aonghus. Pastuso = duine ó Pasto.
Foghlaimím rud nua gach lá.
Adh mór le d'iníon leis an gceol.

Is cosúil nach bhfuil mórán meas orthu:

http://www.nuestracolombia.org.co/sections.php?op=printpage&artid=111

Cosúil leis na Kerrymen Jokes a bhíodh againn fadó.

quote:

An raibh sé cosúil leis an bpláta seo?
http://es.wikipedia.org/wiki/Imagen:Barniz_de_Pasto_091705_002.jpg

Sin an saghas rud atá agam go díreach, a Chaitríona. Go raibh maith agat.
Ach tá mo thráidire dronuilleogach, dearg is dubh. Tá sé mór agus tá pictiúr brónach ann.
Tá fear ina shuí i lár an phictiúir. Tá a chosa is a lámha an-bheag, ach tá a aghaidh go mór. Agus tá deora ag sileadh trasna a leicne. B'fhéidir go gcuirfidh mé pictiúr de ar leathanach ar an ngréasán, má tá an t-am agam amáireach.

Seo chugaibh an leathanach agus pictiúr de mo thráidire ann. Ní thuigim gach rud sa phictiúir.


http://hometown.aol.com/elgskl22/pastuso.html

Meas tú an dia/deamhan dúchásach atá ann? De réir mo thuiscint ar an méid a léigh mé faoi na Pastusos, is bundúchasaigh sna hAndes sa Cholóim atá i gceist.

Ní raibh mé in ann sainmhiniú a fháil, ach sin an meabhair a bhain mé as an méid a fuaireas.