Is é Feachtas Gaelú na bhFón Póca an chéad thogra eile atá beartaithe ag Na Gaeil Óga. Ba mhian leis Na Gaeil Óga úsáid a bhaint as deá-thoil na gcuideachtaí fón póca agus shochaí na hÉireann don Ghaeilge i rith Sheachtain na Gaeilge chun seirbhís nua de théacs réamhaithriseach nó tuarthéacs a chur ar fáil d'úsáideoirí na bhfón póca in Éirinn, agus an Ghaeilge a bheith ar na teangacha gur féidir a roghnú le húsáid mar 'theanga' na bhfón póca i. Phonebook nó Eolaire Gutháin/fóin.

Is éard atá i gceist leis an bhfeachtas seo ná feachtas téacsála ionas gur féidir le daoine a dtacaíocht a léiriú chun an tseirbhís a fhorbairt, tríd an focal "GAEILGE" a chur chuig an uimhir 53033 i ndeisceart na hÉireann agus an uimhir 88122 sa Tuaisceart. Mairfidh an feachtas ar feadh coicís Sheachtain na Gaeilge, 4-17 Márta.

Rachfaidh cibé airgid a bhailítear chuig na príomh-óg-eagrais Ghaeilge, Na Gaeil Óga, Cumann na bhFiann, Spleodar, Ógras agus Feachtas.

Tá Grúpa Nuachta Bhaile Andarsan (Lá, Daily Ireland, srl) ag dul i bpáirtnéireacht leis Na Gaeil Óga don fheachtas.

Tá tacaíocht faighte ag an bhfeachtas ó Chomhdháil Náisiúnta na Gaeilge, USI, NYCI, Conradh na Gaeilge, Gaelscoileanna Teo, Seachtain na Gaeilge Teo, Comhluadar, Raidió na Life, Ógras, Feachtas Óg-Ghluaiseacht na Gaeilge, Spleodar, Cumann na bhFiann, agus Fios Feasa. Tá riarachán an fheachtais maoinithe ag Foras na Gaeilge.

Dar le Seán Ó hAdhmaill, urlabhraí Na Gaeil Óga,

"Síleann muid gur deis iontach é seo, Seachtain na Gaeilge, chun léiriú do na cuideachtaí fón póca go léir go bhfuil gá leis an tseirbhís seo a chur ar fáil do Ghaeilgeoirí agus d'fhoghlaimeoirí na teanga. Deis iontach atá ann chomh maith do na cuideachtaí fón póca anseo in Éirinn a léiriú d'óige na tíre, custaiméirí is fearr na gcomhlachtaí seo, go bhfuil siad buíoch as a ngnó.

"Ó thaobh shuíomh na Gaeilge de, cuirfidh seirbhís mar seo go mór le híomhá, agus níos tábhachtaí fós, le húsáid na Gaeilge i measc daoine óga, tríd cheann de phríomh-mhodhanna cumarsáide daoine óga i. téacsáil, a éascú trí Ghaeilge.

"Leis na hÉireannaigh nua atá ag teacht go hÉirinn tugfaidh sé deis dóibh agus do fhoghlaimeoirí cuir lena bhféinmhuinín ó thaobh fhoghlaim na Gaeilge de, nó ní bheidh an brú céanna orthu teacht ar an bhfocal nó ar an bhfrása cuí láithreach agus cuideoidh an Tuarthéacs ó thaobh litríocht na bhfocal de freisin."

Na Gaeil Óga

Cúlra

Is óg-eagraíocht neamhspleách go polaitiúil iad Na Gaeil Óga a bunaíodh chun guth aontaithe a thabhairt do dhaoine óga i rith an fheachtais STÁDAS. Tar éis an bua sin, do phobail na Gaeilge, tá Na Gaeil Óga dírithe ar ghnéithe éagsúla de stádas na Gaeilge a ardú agus a bhuanú, sna córais oideachais. Eagraíonn Na Gaeil Óga go leor imeachtaí shóisialta agus ceolchoirmeacha chun daoine óga a mhealladh leis an Ghaeilge.

CRÍOCH

13 Marta 2006

Breis eolas
Félim Borland (0872688539) nó Seán Ó hAdhmaill (0857395580) Na Gaeil Óga. Rphost:

Suíomh Idirlíon an bhfeachtais:
http://www.redbrick.dcu.ie/~wilburt

Obair fhiúntach í seo. Tá ceann seolta agam féin cheana inniu.

An raibh toradh ar an bhfeachtas úd?

Má théann siad ar aghaidh leis seo, déarfainn nach mbeadh ann ach cac. Féach ar na suímh ar fud an idirlín a rinne iarracht leagan Gaeilge a chur ar fáil -- tá siad lán le focail Bhéarla (m.sh. logáil isteach)

An binn Gael ina thost?

Ní stopfaimid go dtí go mbeidh sé sin bainte amach againne.

Má dhéanann muid go leor fuaime, eireóidh linn.

Má chuireann ceann acu an seirbhís ar fáil, cuirfidh na cinn eile an seirbhís ar fáil sár i bhfad...

(Message edited by domhnall on January 19, 2007)

"Ní stopfaimid go dtí go mbeidh sé sin bainte amach againne"

Cad é an rud nach gcuirfidh sibh suas de, a dhomhnaill?

Tá sé i lámhsa Fhoras na Gaeilge faoi láthair. Rinne Na Gaeil Óga an bhunobair uile agus ghéill Vodafone don bhrú a chuir siad orthu. Le cuidiú Dé beidh sé againn go luath.

"ghéill Vodafone don bhrú a chuir siad orthu"

Maith thú, a Iamí, ach caidé go díreach atá géillte?

Ár nguthán a úsáid trí ghaeilge, fearn.

Tá orm Fraincis a roghnú ar mo ghúthán chun fada a chur ar teachtaireachtaí

Tá sé iontach deacair caint a bhaint as daoine áirithe.
Tá mé ar an aon bhilliún daoine fágtha nach bhfuil fón póca aige.Níl mé cinnte cad tá uaibh nó cad tá a iarraidh agaibh/géillte/tugtha/ glactha agaibh.

An scríobh Gaeilge é?
An treoraacha Gaeilge é?
An comhfhreagras Gaeilge é?
Cad is vodaphone ann? Comhlucht déantúsaíochta fón póca/seirbhíse/séirbheálaí/ rialaitheoir? eile?
Cad faoi comhluchtaí póca fóin eile?

Ligaim le m'ais nach bhfuil úsáid Ghaeilge cosctha ar fhóin póca!

6 sin ata uu na gur y lo a gj tcht fn a scriobh i dtxGaeilge, sdlm.

(Message edited by Abigail on January 26, 2007)

quote:

6 sin ata uu na gur y lo a gj tcht fn a scriobh i dtxGaeilge, sdlm.

Ar mhiste leat é seo a aistriú dúinn? Tuigim cuid de. Cuireann an méid a scríobh tú na noda a bhí in úsáid sna lámhscríbhinní fadó i gcuimhne dom. Is deacair na noda agus na giorrúcháin sin a scríobh ar an méarchlár atá againn inniu, ach chum muid córas chuige sin ar an liosta Old-Irish-L tamall ó shin. Seo sampla duit, gluais as lámhscríbhinn athscríofa sa chóras sin:

7iß- isf*uath ii\ß- c^at^ na^i/4m

sé sin atá uatha ná gur mhaith leo a gcuid tcht fón a scríobh i dtéacs gaeilge, is dóigh liom

thuarthéacs as gaeilge atá i gceist,sé sin go molann an fón focal bunaithe ar an gcéad cúpla litir.


Ní bhainim feidhm as mé fhéin, ós rud é go mbím ag scríobh txtanna as trí theanga, agus is fearr liom gan brath ar an bhfón chuige sin!

Go raibh maith agat, a Aonghuis. Níl fón póca agam, creid é nó ná creid.

Aon scéal agat, a Iamí?

Tá sé ag Aonghus!

Tá fón póca agam ach is annamh a scríobhaim txtanna leis.

A Dennis, an amhlaidh gur ionann ^ do chórais-sa agus gúta fada nó consan séimhithe? Mar sin féin, ní thuigim ach cuid den slíocht thuas. Cén nod a seasann an ß dó?

Más amhlaidh, nach bhfuil an réiteach ag Leonard thuas?

quote:

ní thuigim ach cuid den slíocht thuas

7iß- isf*uath ii\ß- c^at^ na^i/4m
ocus iss ed is fhuath issin chath na h-airm

Ach mar a dúirt an té a dúirt, is fearr pictiúr amháin ná mile focal. Is féidir leat an giota téacs seo a fheiceáil sa LS féin ag:

http://www.isos.dias.ie/

Cliceáil ar "Gaeilge", ansin ar "Ar Aghaidh" ar an gcéad dá scáileán eile, ansin ar "Coláiste na Tríonóide", ansin ar "LS 1339", ansin ar "p. 180 - p. 199", ansin ar "p. 187".

Tá grianghraf den leathanach os do chomhair anois. Tá trí cholún air. Tá na focail thuas le fáil sa cholún meánach ar líne 35, ag tosú i lár na líne leis an nod "7". Ar aimsigh tú iad? :-)

quote:

an amhlaidh gur ionann ^ do chórais-sa agus gúta fada nó consan séimhithe?

Consan séimhithe, a bhfuil 'h' an-bheag os a chionn.

D'aimsigh!

An nod ar thug tú "ß" air, ní raibh sé feicthe agam cheana, ach chonaic mé cúpla cinn eile díobh i mBíobla Uilliam Bedel.