A chairde na páirte,

An cor cainte é seo (le fáil in Ó Dónaill)
Chuaigh seisean an t-áth agus mise an clochán?

Rud beag eile de, clochán = stepping stones in ó Dónaill agus tugann sé clocháin mar uimhir iolra, ní fheictear dom ciall ná réasún a bheith leis sin, más é an uimhir iolra atá i gceist sa leagan Gaeilge?

GRMA

Cad é go díreach do cheist?

I crossed at the ford, and he crossed at the stepping stones.

Níl fhios agam cén chiall a bheadh le baint as; shamhlóinn gur rud éigin cosúil le "tá níos mó na bealach amháin rud a dhéanamh" atá i gceist ach níl fianaise agam do sin.

Maidir leis an iolra: Bheadh clochán i níos mó na ait amháin - mar sin, is féidir iolra a bheith i gceist. Tá focail eile ann ar áit le uisce a thrasnú; "cara" mar shampla.

Níl ann ach gur shíl mé go raibh dul an bhéaloidis air, tá frása béaloidis ar bharr mo theanga agam atá an-chosúil leis sin ach dheamhan má thig liom cuimhneamh go díreach air anois.

Grma as an méid sin faoi 'chlochán' a mhíniú dom.

Is iomaí abairt ón mbéaloideas atá ag an Dálach.

Chnuasaigh Maolmhaodhóg Ó Ruairc iad:

http://www.litriocht.com/shop/product_info.php?products_id=249


Cén ceannfhocal atá i gceist? An bhfuil míniú tugtha ag an Dálach?

(Message edited by aonghus on February 10, 2011)

A Aonghuis,

Do bhíos ag lorg don leabhar san, ach níorbh fhéidir liom é d'fháil i n-aon chor. Do fuaireas "Gaelic Idiom" ach tá sé Béarla - Gaelainn. Go raibh míle maith agat.

(Gabh mo leithscéal dom' dhroch-ghramadach má tá aon anso)

Níl a bhuíochas ort. Tá leabhar Bannister agam, agus níl an ceann seo. (Ach tá Ó Dónaill)

Ní abairtí ó bhéaloideas amháin atá sa leabhar seo, ach cnuasach cor cainte atá le fáil in Ó Dónaill, sílim.

Is éard a bhí i gceist agam leis an tagairt don bhéaloideas, shíl mé go raibh sé cosúil le ruathag a bhíodh ag na seanchaithe fadó, ach tá ag dul díom cuimhneamh air, mar a dúirt mé!

An bhfuil an leabhar Bannister atá agat an céanna mar 'Nathanna na Gaeilge' le Garry Bannister? Má tá, táim tar éis lorg é ach tá sé as cló, go chonac, cibe ar bith. An bhfuil a fhios agat aon áit go bhféidir liom é d'fháil?

"Gaelic Idioms" atá air más buan mo chuimhne.

An ceann seo:

http://www.litriocht.com/shop/product_info.php?products_id=2107

---

Ní dóigh liom gur ruthag atá i gceist, ach tuigim cad atá i gceist agat: leithéidí "Rinne siad talamh crua den talamh bog, agus bog den chrua, tharraing siad toibreacha fíoruisce aníos as na carraigeacha" 7rl

Do chonac Gaelic Idioms ar Litríocht an lá eile ach mé ag lorg leabhar 'idiom' ó Ghaelainn - Béarla. Deir sé ar an leathanach do Gaelic Idioms go mbeidh leabhair ó nGaelainn - Béarla i ndeireadh na bliana, ach níl a fhios agam nuair a raibh scríte é sin.

Ní thuigim an dara cuid fén líne. Ní raibh sé 'for me' ,táim ag smaoineamh. lol

Ní duitse é; rud a dúirt Iolann Fionn a spreag.