I've heard that a lot of native speakers in Conamara speak English to their dogs instead of Irish, which I find unusual. They say its becauses English is only good enough for dogs and puts a slur on the English language.

Do locals in Donegal, Kerry, Mayo etc speak Irish or English to their dogs? Is it just a Conamara thing?

I've always wondered that

Go raibh maith agaibh

S cuimhneach liom seanbhean i nGort a' Choirce a d'ins dúinn gur ghnách ainm Béarla a thabhairt ar na peataí : Fluffy a bhí ar a cat agus ainm Béarla eile (nach bhfuil cuimhne agam air fá láthaoir) a bhí ar a madadh. Ach más buan mo chuimhne chuirfeadh sí Gaeilg rompu.

Cibith, tá aithne againn ar bhean amháin ar a laghad i gConamara a labhras eadar Ghaeilg is Bhéarla lena madadh ;-)

:)

Níl ag mo mhada-sa ach cúpla focal Béarla.

Ar feadh m'eolais-se, is é an gnás riamh é gan ach Béarla a labhairt lé madraí i gCorca Dhuibhne. Níl cloiste agamsa ach Béarla á labhairt leo aige feirmeoirithe, abair. N'fheadar an riail dhocht é sin, ámh. Maidir le hainmeacha na madraí dho, tá cuir síos aige Donnchadh Shéamais Ó Drisceoil agus Amhlaoibh Ó Luínse. Ainmeacha Béarla is mó a ghlaoidíst ar a gcuid madraí is gadhar. "Duke", "Prince" etc. An míniú a chuala féin air seo ná go dtéadh daoine go háiteanna go mbíodh Béarla á labhairt leithéidí an Daingin agus Thrá Lí le madraí a cheannach ach n'fheadar an bhfuil aon bhun fírinne leis sin.

Bheadh ciall leis, áfach.

Thug m'athair mór "Beomhar" ar a mhadra cionn is go raibh "Rover" mar ainm air roimhe, agus go dtéann na gadhair i dtaithí ar na fuaimeanna.

Más tré Bhéarla a bhí an gadhar oilte, bheadh sé deacair sraith nua fuaimeanna a mhúineadh dhó.

Maidir leis an drochmheas a léiriú don Bhéarla tréna labhairt leis na gadhair, sílim gur miotas (ní fheileann "uirbeach" anseo?) sin. Agus bheadh sé ag teacht salach ar an bhfíric gur mó teaghlach a tógadh le Béarla, cionn is meas a bheith air...

Deirim le mo ghadhar focail ar nós 'Tar anseo, Tar liom, Bí i mo dhiaidh', srl. Is é an rud céanna le mo chuid ba ar an bhfeirm (Lean ort, teanam ort, srl)!

Meig!Meig! a deir an gabhar
What,what? a deir an chaora
By Dad ! a deir an gabhar
Tá Béarla ag an chaora!

From a children's book published by Futa Fata - forget which one.

A Shéamais, ar thóg tú an madra tú féin?

Thógas, canathaobh?

Mar sin, is Gaeilge ón gcliabhán atá aige. Rud a théann leis an méid a dúirt Ailín thuas faoi gadhair gan Ghaeilge a bheith ag teacht isteach!

De réir mo thuiscint is é an tuin cainte agus faid na bhfocal an ruda thuigeann an madra.

Labhramsa Briotainis agus Fraincis le mo mhadadhsa, ach is é an tuin cainte a thuigeas si, agus a hainm, sin an méid. Nil si rochliste, le firinne :-)

I have a neighbour in Corca Dhuibhne who works the dog by whistling.

An ligean sé fead as i mBéarla nó as Gaeilge? Níl fhios agam!

lol

N'fheadar

Níl agam ach cat, mar sin is cuma sa diabhal cé acu teanga a labhraím leis. Tá sé ábalta neamhaird a thabhairt orm lán chomh maith i ngach aon cheann atá agam!

Labhraím Gaeilge le mo ghadharsa, cuirim ceist ortha an bhfuil sí ag iarraidh a ghabháil amach nó nach bhfuil agus chuile shórt mar sin. Sin an seans amháin a úsáidim an teanga cé is móite an tIdirlíon.

Tá Gearmáinis ina úsaid ag a lán daoine sa Iodáil (na Polizia mar shampla), nuair a bhfuil siad ag caint lena mhadraí....b´fheidir go bhfuil na teanga germanic, níos easca go mhadraí.

Agus tá a fhios ag madaí an bhaile gur Gearmáinis ba ghnách leis an Impire Naofa Rómhánach 'ud a labhairt leis a chapall...

(Message edited by Hugo on October 25, 2010)

"...lena chapall" ba mhian liom a rá!