quote:

Cuireann muid fáilte mhór roimh an chéad ‘Fleadh Feirste’, féile a dhéanfaidh spiorad agus spraoi na Ceathrún Gaeltachta a cheiliúradh. Tarraingíonn an Cheathrú Ghaeltachta ar a láidreachtaí traidisiúnta teanga agus cultúir le heispéireas turasóireachta agus ealaíon Gaeilge a chur chun tosaigh. Seasann an Cheathrú Ghaeltachta do shraith úr glórtha sa chathair, agus is ionad samhlaíochta, tionscnaimh agus éachta í. Seo leat agus caith seal sultmhar linn i measc daoine atá maíte as a bhfáilteachas agus as a spiorad.

http://irish.culturlann.ie/files/pdfs/fleadhprogramme.pdf
www.culturlann.ie
www.fleadhfeirste.com


Fosta:

Rónán Beo i mBéal Feirste

Beidh Fleadh Feirste, an chéad fhéile ag Ceathrú Ghaeltachta Bhéal Feirste, ar siúl ó 26-29 Samhain, agus craolfar Rónán Beo @ 3 ón Chultúrlann ar Bhóthar na bhFál an dá lá sin - ná cailligí é!

Déardaoin, Aoine 26, 27 Samhain ag 3.00 p.m. ar RTÉ Raidió na Gaeltachta

http://www.rte.ie/rnag/RonanBeo.html

Go n-éirí an t-adh leat, a Sheánw.

Go raibh maith agat faoi sin, a Seánw.

Béal Feirste- príomhchathair dhátheangach na hÉireann

Níl sé sin go hiomlán fíor.

Nach iontach go bhfuil ionad breá acu don Ghaeilge agus iad díograiseach ina bhun. Tá an tAire ag caint ar ionaid Ghaeilge mar sin a bhunú i mbailte ar fud na tíre agus ba mhaith ann iad go háirithe dá mbeadh áiseanna don aos idir óg is fásta ann. Níl ar fáil dóibhsean faoi láthair ach áiseanna a chuireann mangairí alcóil ar fáil agus iad santach chun airgead a bhaint díobh.

Nár dheas dá mbeadh Timirí Gaeilge fostaithe ag an bpobal agus iad ar fáil chun imeachtaí Gaelacha a reachtáil agus ionad mar sin a stiúradh ar nós gárdaí tarrthála ag an linn snámha. Dúshlán a bheadh ann an teanga a choinneáil in uachtar ar ndóigh. Bheadh duine éigean ar an gCoiste a mholfadh col ceathrar leis do job éigin, duine ar bheagán Gaeilge, agus dhéanfaí spior spear de chuspóir na háite. Chaithfí tosú ar an gcur i gcéill ansin....

Maith sibh, a Ghaela Bhéal Feirste.