Ruidín eile nach bhfuil mé in inmhe a dhéanamh amach.

Bíonn 'mar a bheadh' á rá agam de ghnáth ach tar éis dom 'mar bhéadh' a fheiceáil i gcónaí in 'Pádhraic Mháire Bhán' agus 'mar dhéanfadh peata, mar dhéanfadh gasúr maith' srl, tá mé ag ceapadh nach bhfuil gá le 'a' sa chaint nó sa scríbhneoireacht de 'mar bhéadh'

An ndéarfá an 'a' sa gcás seo sa gcaint nó aon áit ar bith? An féidir liom é a fhágáil ar lár sa gcaint chun a bheith níos nádúrtha?

Is dóigh go bhfuil an dá leagan ar fáil, ach amháin go n-úsáidtear "mar" gan "a" ina dhiaidh, leis an gciall "mar gheall air" a chur in iúl.

Ach tá "mar" ina réamhfhocal i "mar gheall air"

Maidir leis an cónasc "mar":
Is é "mar" le clasál coibhneasta díreach (.i. le "a" de ghnáth) an fhoirm cheart.
Ach is féidir an mhír choibhneasta dhíreach "a" a fhágáil ar lár (mar a deirtear go minic).

Ach cuir i gcomparáid:
mar (a) dhéanaim = as I do
mar déanaim = because I do
mar a ndéanaim = where I do


Lars

(Message edited by Lars on October 08, 2009)

quote:

Ach tá "mar" ina réamhfhocal i "mar gheall air"

Tá, ach ní hé a bhí i gceist a'm.

quote:

mar déanaim = because I do

Díreach an rud a deir tú, bhí mé ag iarraidh dhá chur seo in iúl. Ní féidir "a" a úsáid théis "mar" nuair is "mar gheall air" an chiall atá le "mar". Ach pé scéal é, tá cruinneas in do fhreagra nach bhfuil i mo cheannsa, maith an fear!

Roimhen ChO, ba mhinic a d'fhágthaí an "a" (mír choibhneasta dhíreach) ar lár sa teangaidh scríofaí fosta. Faghthar sin in De Bhaldraithe féin agus i gcupla leabhar foghlama eile, in 'Gaeilge Chois Fhairrge' srl.