Maith thú, Skii30. An bhfuil tú cláraithe le Hibernia? An é seo ceann de na tionscadail / aistí a chaithfidh tú a dhéanamh?
Ceartóidh mé an chéad cheann duit. Cé go gceartaím na botúin agus go soláthraím focail a mheasaim a bheith in easnamh ní hionann sin is a rá nach bhfuil bealaí níos fearr chun an smaoineamh áirithe a chur in iúl.
quote:Bheinn muiníneach agus compordach chun Gaeilge a mhúineadh sa seomra ranga. Ba choir go mbeadh taitneamh, sásamh, sult agus pléisiúr le foghlaim na teanga go háitithe chun spreagfaí na páistí chun an Ghaeilge a úsáid agus chun go mbeadh dearcadh dearfach acu ina leith. Mar sin úsáidinn straitéisí éagsúla chun í a mhúineadh. Mholfainn na páistí chun Gaeilge a úsáidí go foirmiúil agus neamhfhoirmiúil lasmuigh den cheacht Gaeilge mar shampla i rang corpoideachas agus ar fud na scoile i rith an lae.
Bheadh mo dhóthain muiníne agamsa asam féin chun an Ghaeilge a mhúineadh sa seomra ranga agus bheinn ar mo chompord á múineadh.
Ba choir go mbeadh taitneamh, sásamh, sult agus pléisiúr ag baint le foghlaim na teanga chun go spreagfaí na páistí chun an Ghaeilge a úsáid agus chun go mbeadh dearcadh dearfach acu ina leith. Dá bhrí sin d'úsáidfinnse straitéisí éagsúla chun í a mhúineadh.
Mholfainn do na páistí an Ghaeilge a úsáid go foirmiúil agus go neamhfhoirmiúil lasmuigh den cheacht Gaeilge, i rang corpoideachais, mar shampla, agus ar fud na scoile i rith an lae.
[Agus an méid sin á léamh agam ní féidir liom gan an seanfhocal "an rud a fheicfeas mo leanbh a dhéanfas mo leanbh" a mheabhrú duit. Caithfidh na múinteoirí dea-shampla a thabhairt agus an teanga a labhairt eatarthu féin ní hamháin sa seomra ranga ach sa seomra foirne agus amuigh sa lúb ina gcaitear toitíní. Má chloistear na múinteoirí ag Béarlóireacht ní spreagfar díograis sna páistí ná ní labhrófar siolla Gaeilge taobh amuigh den rang.]