Snasta, mar is dúil do mhuintir na hOstaire!
Conas ar aimsigh tú é?

Comhtharlú b'fhéidir: gegoogelt leis an bhfocal "Ostair" nó mar sin de. Tháinig mise ar an suíomh céanna "de thaisme" tamall ó shin ar an tslí sin.

Lá amháin chífead an focail "Ostair" agus gan mé ag cuimhneamh ar Cháisc láithreach bonn.

Bhuel, deirtear go bhfuil nasc idir Ost (Oirthear) agus Oster/Easter.

Agus is Ríocht an Oirthir is brí le Oesterreich.

Ba níos inspéise dá mba "Ríocht an Cásca" ba bhrí leis. Ansan féadfadh Peadar Eireaball Cadáis a bheith ina Uachtarán!

Is ón Ostair mo mhuintir agus táim bródúil as an suíomh úd. Is aisteach an rud é - agus tá náire orm dá bharr - ach tá níos mó Gaeilge ar mo chumas agam ná Béarla os rud é go rinne mé staidéar uirthi. An bhfuil a leithéid go forleathan? Tá níos mó muiníne agam i mo chumas sa Ghaeilge mar ní raibh mé in ann na focail go léir a fhoghlaim i mBéarla os rud go gcaithfeá iad a fhoghlaim de ghlanmeabhar agus fréamh eachtrannach acu go léir beagnach. Cuirtear na focail i nGaeilge le chéile as míreanní beaga sothuigthe faoi mar a dhéantar i dteangacha eile seachas an Béarla.

An bhfuil a leithéid de thaithí déanta ag na daoine eile nach bhfuil ina nÉireannaigh agus nach bhfuil an Béarla mar theanga dúchais acu? Is cúis náire dom é ar bhealach.

Is eagal liom gur beag duine ar éirigh leo an Bhéarla a sheachaint ar an slí chun na Gaeilge - seachas tú féin agus Yu Ming!

Tá togha na Gaeilge agat, bail ó dhia ort.

Ní cúis náire ar bith agat Gaeilge a bheith foghlamtha agat go dtí leibhéal níos airde ná leibhéal do chuid Béarla. Tréaslaím leat do bhua. Tá éacht déanta agat.

Uaireanta is buntáiste é gan rud áirithe éigin a bheith ar do chumas agat, nó ba chirte dom a rá, níos beaichte b'fhéidir, gan an dara rogha a bheith agat (de réir na teoirice chluichí freisin!). Mar shampla, insítear dom go bhfuil sé dodhéanta beagnach an Olainnis a fhoghlaim. Cén fáth? Bhuel ní ró-dheacair an teanga í - is fusaide í a fhoghlaim ná an Ghearmáinis (dearbhú dásachtach!), más féidir leat an fhoghraíocht de "ui" (oinniún) a shárú - ach níl aon duine san Olainn sásta Olainnis a labhairt leat. Tugann siad iarradh i dtús báire faoi do theanga dhúchais a mheas agus leanann siad ar aghaidh ag caint leat sa teanga sin más é an Béarla, an Ghearmáinis nó an Fhraincís do theanga dhúchais - mar, de ghnáth, bíonn na hOllainnigh cinnte de go bhfuil na teangacha sin go léir ar a gcumas acu

Mar sin, más mian leat an Olainnis a fhoghlaim, chaithfeá a rá gur Gaeilgeoir aonteangach thú.

(Message edited by ormondo on April 16, 2009)