Gaeilg oirthuaisceart Chonnacht amháin atá ag Dia. Is fearr Leis / Léi daoine a bhfuil gruaig dhubh orthu agus dalladh léithe faoin uisinn acu. An dream atá ina gcónaí i dtithe beaga le taobh sciobóil agus bóithigh chomh maith, beidh gean ar leith Aige orthu.

Ní Dá thréad éinne a scríobhann i mBéarla, ar shuíomhanna dátheangacha Gaeilge, ach oiread, rud a chiallaíonn go bhfuil dream go leor damnaithe cheana! Is mithid béas a athrú.

Ag Dia amháin atá a fhios cé tá le slánú i ndiaidh chur na gceisteanna gramadaí, foghraíochta, canúineolaíochta, srl. Tá a fhios Aige dá bhrí sin go bhfuil an chuid is mó de na 'críostaithe' le cartadh ar an gcarn corp in Ifreann bhfuar na leac!

An bhfaca tú an cruthú le linn na seachtaine san Irish Times go bhfuil Ifreann reoite cheana?

http://www.irishtimes.com/newspaper/opinion/2008/1114/1226408633848.html

An-mhaith. Ní fhacas é sin.

Is cosúil go raibh íochtar an domhain níos túisce ar an tuiscint go raibh an reo san ar siúl leis na céadta bliain, d'ainneoin 'infernus' a bheith chugainn as an Laidin mar ainm ar an áit.

quote:

Gaeilg oirthuaisceart Chonnacht amháin atá ag Dia.

á, an dtearr tú comhrádh Leis ar na mallaibh? :-)

quote:

Ag Dia amháin atá a fhios cé tá le slánú i ndiaidh chur >na gceisteanna gramadaí, foghraíochta, canúineolaíochta, >srl.

Is amhlaidh is fearr é. Seans go rachaidh mé 'na bhFlaitheas, mar sin :-)

quote:

An bhfaca tú an cruthú le linn na seachtaine san Irish >Times go bhfuil Ifreann reoite cheana?

>http://www.irishtimes.com/newspaper/opinion/2008/1114>/1226408633848.html

I mbéaloideas na Briotáine, deirtear leis na céadta blian go bhfuil an t-ifreann fuar, "an ifern yein" a bheirtear air (sin "an t-ifreann fuar").

(Message edited by Lughaidh on November 19, 2008)

quote:

Ní Dá thréad éinne a scríobhann i mBéarla, ar shuíomhanna dátheangacha Gaeilge, ach oiread

“Is iomaí áras i dteach m'Athar.” Ceann do na FíorGhaeil, ceann do na BreacGhaeil, ceann do na “turasóirí cultúir”, agus mar sin de. B'fhéidir gur cruinní comhthreomhara atá iontu!

Scéal grinn a ritheann liom.

Tá Peadar ag léiriú na Flaithis do Naomh nua, a bhaineann le hEaglais X. Tá siad ag dul thar Áras áirithe. Bí ana chiúin anois, arsa Peadar - seo áit lucht Eaglaise Y - creideann siad nach bhfuil sna Flaithis ach iad.

An-deas a Aonghuis.

Sin iad dream an Bhéarla in Eaglais Y!