Hi everyone.

I've been listening to a song in Irish and I've heard ''Casadh orm'' for ''I met'' is this better than ''Bhuail mé le''?

I've heard ''Casadh orm'' on a song sung by a Donegal native, so maybe they use ''Casadh orm'' in Donegal?

Also, could I use ''Casadh orm'' instead of ''Bhuail mé le'' as its another way of saying it?

Go raibh maith agaibh! :-)

Casadh orm, casadh liom, casadh dom... tá siad ar fad ceart ach déarfainn gurb é 'orm' an leagan is coitianta inniu. Tá tuairim agam go bhfuil an saorbhriathar ag dul ar gcúl le déanaí agus 'chas mé le' ag teacht i réim ina áit, ach cloistear an dá leagan go fóill agus is fearr go mór liom an saorbhriathar.

Tá difear idir iad seo uilig agus 'bhuail mé le' dar liom, mar atá taisme seachas rún, ach d'fhéadfadh go bhfuil dul amú orm sa méid sin.

Tá ’n ceart agad a Aibí:

casadh orm é = I chanced to meet him
bhuail mé leis = I met him (we had an appointment)

Is ea, ach céard faoin leagan "chas mé leis"? Feictear dom go bhféadfadh ceachtar den dá bhrí sin a bheith leis.

Níl ’s agam, chonaic mé leithéidí "chas mé leis" i leabhair ineacht (chan cuimhneach liom cén leabhar) agus is cosúil gur cor cainte Muimhneach nó Connachtach atá ann, sin "cas" a dh’úsáid mar bhriathar "normálta" le "meet" a ráidht (nuair a d’úsáidfí a bhriathar saor in áiteacha eile).

Maidir leis a’ chéill féin, níl mé cinnte. Níl do shompla ar fáilt i bhfoclóir an Dónallaigh, ar a laghad (leis a’ chéill "chance to meet" féin). Ba chóir tilleadh taighde a dhéanamh.

Go raibh maith míle agaibh a chairde, d'fhoghlaim mé rud inteacht aríst.