mise freisin! > me too!

mise leis! > me too!

Are there any hard and fast rules or situations where "freisin" or "leis" is the more appropriate, or are they completely interchangable?

Will they always appear at the end of a clause?

i.e. Is dochtúir mise freisin > I am also a doctor

GRMA

I hate to say the word, but this is a question, at least historically, of dialect:

South: leis
West: freisin
North: fosta

"Le futur est au métissage!"



(Message edited by dennis on June 24, 2008)

And you can also use:

South : chomh maith
West (ie. Connemara): chomh maith
North: gomh maith

Seachain an focal sin "leis"! Is cosúil go bhfuil abairt ann le 5 X leis.

leis [ainmfhocal baininscneach den dara díochlaonadh]
an chos taobh thuas den ghlúin nó a mhacasamhail ar ainmhithe, ceathrú (leis chaoireola)

leis [dobhriathar]
nocht, gan éadach.

leis [dobhriathar]
freisin; ach an oiread.


agus, gan amhras, foirm de le atá i leis, leis! Ach leis ar leis, ní leis sin atá muid ag plé....

Nach bhfuil an bonn céanna ag leis agus freisin? “With it”?

Is fíor duit, a Pheter.

leis < lais < la + é

freisin < fris sin < fri + é + sin

Tá "fri" beo fós i nGaeilge na hAlban sa riocht "ri": ag bruidhinn ris = ag caint leis, ach thit "ri" agus "le" le chéile i nGaeilge na hÉireann.

Agus tá “fre chéile” ann chomh maith a d’fhás ón bhfréimh chéanna, sin í an chosúlacht atá air. Ach céard is bunús don fosta?

quote:

Tá "fri" beo fós i nGaeilge na hAlban sa riocht "ri": ag bruidhinn ris

Ach scríobhfaí a' bruidhinn ris

Sea, an ceart ar fad agat, Lughaidh. Is maith leo na huaschamóga.

Maidir le sanasaíocht "fosta", níl a fhios agam. Chuir mé an cheist ar Old-Irish-L tar éis do Pheter í a chur orainne, ach níl aon rud cinnte agam fós.

Nuair a bhí an Ghaeilge á labhairt go leitheadach ar feadh oirthear Chúige Uladh, i nGlinntí Aontroma agus i Reachrainn, bhaineadh daoine leas as leagan a shamhlaítear le hAlbain anois: 'cuideachd'. Tá samplaí de san fhoclóir spéisiúil sin 'Foclóir Oirthear Uladh — Consolidated Glossary of East Ulster Gaelic' a d'fhoilsigh Ciarán Ó Duibhín ar an suíomh acmhainní Gaedhilge:
'cuideachd - also; go rug é is a chuid fear ar na trí bálaigh agus Duine an chorraic duibh cuideachd (Rath. - SR 6.2); agus ar son do dhílseacht leigfidh mé saor thú féin cuideachd (Rath. - SR 12.2)

Ach b'fhéidir gur leor 'freisin', 'fosta', 'chomh maith' agus 'leis' gan 'cuideachd' a chur leis chomh maith.

Dála an scéil, tá "freisin" le cloisteáil ag

http://www.transparent.com/wotd/today/irish.htm

mar fhocal an lae inniu (26 Meitheamh).

Ara, an iomarca Béarla, dar liom! Ach tá sé sách súntasach insa méid sin go mbíonn r leathan sa bhfocal seo go hiondúil, is cuma cén litriú atá air.

Dála an scéil, Dennis, chaith mé súil ar paradigms na réamhfhocla atá le fáil sa Deilbhíocht. Tá chuile sheans go bhfuil a fhios agat, ar ndóigh, ach tugann sí na foirmeacha ar fad atá ag an réamhfhocal mistéireach seo “fri” i gceist agus nóta ag goil leis sin nach rabhadar an-choitianta (sé sin timpeall’s trí scór blianta ó shin)... Ach bhíodar ann fós!

quote:

Ara, an iomarca Béarla, dar liom!

Ummm... cén áit??

'Freisin' ag an gConnachtach agus 'leis' ag an Muimhneach go bunúsach a Liam.

Maidir le hionad, ag an deireadh is cóir a gcur. Is é sin, ag deireadh natha. Is nós leis an bhfoghlaimeoir leisciúil, 'freisin' a fheidhmiú ina intriacht ag tús abairte a fhad is atá an chuid eile den abairt ag aibiú ina cheann. Is nós cliste é ag an tús na foghlama, mar thaca, ach ba cheart don fhoghlaimeoir bocht ar mhaithe lena chuid Gaeilge agus ar a leas féin leis/freisin/fosta/thairis sin, a dhíbirt siar san abairt, nó sa nath.
(thairis > fairis > f'ris+sin > freisin)

quote:

Ummm... cén áit??

:) Á, is cuma, ní fiú é a phlé!