Bhí mé i Hong Kong an tseachtain seo caite (ag bainis col ceathar m'fhir). Bhíomar i mbialann agus thug m'fhear pionta Guinness dom. Bhí an pórtar dubh ach thug mé faoi deara nach raibh an ceann ceart air, agus ní raibh an blas ceart air ach an oiread.

Dúirt an buidéal:

"Guinness Foreign Extra
St James Gate, Dublin"

agus i gcló beag bídeach ar a thaobh:

"Brewed under license in Malaysia"

Chuaigh mé go dtí an suíomh Guinness ar an idirlíon agus léigh gur tháinig "Guinness Foreign Extra" amach sa bhliain 1802. Tá níos mó de leannlus ann agus, mar sin, coinneáiltear úr sa teas san aimsir thrópaiceach.

Níor mhaith liom an blas. An bhfuil barúil eile ag duine eile?


http://www.guinness.com/gb_en/beer/foreignExtraStout/

Is cuimhin liom an bheoir a d'ólainn in India na mílte bliain ó shin. Bhí glycerin inti. Chuaigh mé chuig Google anois díreach leis na focail chuardaigh "India ~ beer ~ glycerin" agus fuair mé an suíomh seo a deir go bhfuil an glycerin ann fós, faraor:

http://www.princeroy.org/?p=284

Cad ina thaobh a gcuirtear glycerin sa bheoir? An ábhar leasaithe sa teas é?

Sin é a dúradh liom thiar sa bhliain 1970 nuair a bhí mé ann. Caithfidh mé tuilleadh taighde a dhéanamh.

Yep. Leasaitheach saor atá ann, de réir dealraimh.

(Message edited by dennis on June 02, 2008)