gurb fhearr vs. gurbh fhearr

An aithníonn duine ar bith difear sa chiall eatharthu?

Do people recongise the difference?

Caidé a mhaíonn an CO ar an ábhar?

What does the standard state?

GRMA

'gurbh fhearr' don aimsir chaite agus don mhodh coinníollach.

'gur fearr' don chuid eile.

Is dócha gur rud a bhaineann leis an chaint é 'gurb fhearr'.

Caint na ndaoine abú!!!

Seo an rud, nuair a théann tú isteach sa caighdeán bíonn tú trína chéile in amannaí.

Taing dhuit i gcás ar bith RG.

Cár mhoithigh tú "gurb fhearr", a Ghaelghannaire?

I ndiaidh domh giota beag taighde a dhéanamh, is dóigh liom gur féidir gur i gConamara a déarfaí "gurb fhearr". Ní dóigh liom go bhfuil sin le fáilt ins na canúintí eile. Cá bith, níl sa chaighdeán ach gur fearr san aimsir láithreach, gurbh fhearr san aimsir chaite agus sa mhodh choinníollach (agus glactar le "go mb’fhearr", dar liom).

agus glactar le "go mb’fhearr", dar liom

Glactar leis, nó is minic sin sa scríobh chomh maith.

Sílim go bhfuil an ceart agat a Lughaidh gur rud Chonamara é 'gurb fhearr'.

Ós rud é go bhfuil “fearr” mar “fhearr” sa gcaint le fada, tá seans ann go ndéantar “gob fhearr” (thrí athrist ar “gob é”) san aimsir láithreach. Mar sin féin thuigfinn mar an aimsir chaite/coinníollach é.

quote:

Ós rud é go bhfuil “fearr” mar “fhearr” sa gcaint le fada

cá háit?

quote:

tá seans ann go ndéantar “gob fhearr” (thrí athrist ar “gob é”) san aimsir láithreach. Mar sin féin thuigfinn mar an aimsir chaite/coinníollach é.

Is í an aimsir chaite/ coinníollach a bhí i gceist agamsa fosta ’s mé a’ scríobh "gurb fhearr" thuas... Ar chreid tusa gurb í ’n aimsir láithreach a bhí i gceist agam?

Ar ndóigh, ar ábhar eile, bíonn 'níos fhearr' srl. san aimsir láithreach le fáil in áiteanna in Ultaibh.

... agus 'is fhearr liom'!

quote:

cá háit?

Ar ndóigh, Conamara a bhí i gceist a’msa. Ina theannta sin, cuimhním go maith gur thug Louis & Pedersen “is fíor” mar “is fhíor” (agus an s leathan) áit eicínt insa Concise Comparative Celtic Grammar mar shampla de chuid Geailge Árann… Agus a dheacracht ‘s atá sé ar mhuintir Gaeilge an grúpa [sf’] a rá ag tús focail, cailltear an [f], meas tú?

quote:

Is í an aimsir chaite/ coinníollach a bhí i gceist agamsa fosta ’s mé a’ scríobh "gurb fhearr" thuas... Ar chreid tusa gurb í ’n aimsir láithreach a bhí i gceist agam?

Níor chreideas. Cloistear “go mba” agus “go ba” araon san aimsir caite. Mar sin, is dóigh gur leis an aimsir caite a bheadh an ceangal is láidire ag “gob fhearr” (ach “gob é” sa láithreach), séard a bhí mé a rá. Níl a fhios a’m, níl ann ach tuairimíocht.

quote:

bíonn 'níos fhearr' srl. san aimsir láithreach le fáil in áiteanna in Ultaibh

Agus i gConamara. Tá sé le cloisteáil anseo, sa churfá:

http://www.youtube.com/watch?v=Q7DLv5IbyzY

A Choilm de Bhailís dá mairfeá beo,
Meas tú 'dtiocfá ar ais go Leitir Móir?
'gCeapfá go bhfuil rudaí againnn anseo thar barr,
Nó meas tú go raibh cúrsaí fadó i bhfad níos fhearr?

(Message edited by dennis on May 23, 2008)

I ndiaidh "is" tá sé giota beag difriúil: deirtear "is fheàrr" in Albain fosta, ach is dóigh liom go bhfuil údair dhifriúla leis an tséimhiú i ndiaidh "gurb".

Deirfidh Dennis an aontann sé liom, ach deirfinn féin go n-abraíodh "is fhearr" faoi anál "as fhearr" (sin foirm choibhneasta "is" i nGaeilg Chlasaiceach srl). Bhíodh séimhiú i ndiaidh "as" (a+is) fadó.