..."Make a Wish" as Gaeilge?

le buíochas...

Tá an abairt "Tá trí ghuí agat" cloiste agam, rud a chiallaíonn You have three wishes. Ach ní dóigh liom gur féidir "Déan guí" a rá. Is féidir "achainí a dhéanamh" nó "achainí a iarraidh", áfach. "Déan achainí" nó "Iarr achainí" mar sin? Céard a deir na daoine eile anseo?

For the Old Irish, see: http://www.sengoidelc.com/node/126

Hmm.

Tá débhrí ag baint le guí, toisc go bhfeadfadh urnaí a bheith i gceist.

Níl mé cinnte cad dearfainn.

"Go bhfaighe tú do mhian", seans?

Ní hionann é sin agus ordú guite a scairteadh ar dhuine, ach is dóigh liom go ndéanfadh sé gnó cuid is mó den am.

Ach sé is brí le "Make a wish" ná rá le duine rud gur mhaith leo a shamhlú, le dóchas go bhfaighidh siad é (ach gan é bheith soiléir cé uaidh!).

Cuir scairt ar "Make-A-Wish Foundation" i mBÁC agus iarr orthu an leagan Gaeilge dá n-ainm a thabhairt duit!

Chuir sibh ag smaoineadh me, a leads. Ce gur togadh le Gaeilge me, nior chuala me focal Gaeilge ar "wish" iriamh; na,ma chuala,ta dearmad deanta agam air. Taim ag cuimniu ar an amhran sin "Bean Phaidin" - ta an bhean ag "wishail" go mbeadh bean Phaidin caillte agus go mbeadh Paidin aice fhein,ach ni bhainntar usaid as aon fhocal Gaeilge a mhinnion "wish":-

"Se trua ghearr nach mise,nach mise,
Se trua ghearr nach mise bean Phaidin..."

Se trua gheirr nach bhuil me in ann nios mo solais a chur ar an sceal!

"A Shéanna, tá Dia buíoch díot. Aingeal is ea mise. Is mise an tríú haingeal ar thug tú déirc dó inniu. Agus anois tá trí ghuí agat le fáil."

An tAthair Peadar a scríobh é sin, ar ndóigh.

quote:

Ce gur togadh le Gaeilge me, nior chuala me focal Gaeilge ar "wish" iriamh

Tamall ó shin (10 mbliana?) d'aistrigh mé an scéal grinn seo go Gaeilge. Feicfidh tú nach raibh aon Ghaeilge agam ar "wish" ag an am sin.

Bhí seanbhean ag cónaí i dteach beag lena cat, Tadhg, amuigh faoin tuath áit éigin in Éirinn. Ag teacht abhaile ón séipéal Lá Fhéile Pádraig di, céard a chonaic sí ach duine den aos sí (.i. leprechaun, céard eile?) i bhfolach taobh thiar de sceach. Thug sí léim agus rug sí greim ar an bhfear beag. "Tá mé fair caught," adúirt an lucharachán agus thug sé trí wishes di. "Fan go bhfeice mé ...," a deir sí. "Is mian liom a bheith saibhir in áit a bheith bocht." Bingo! Bhí milliún punt i nótaí beaga i mála faoin sceach. Rinne sí a machnamh nóiméad eile agus dúirt, "Is mian liom a bheith óg agus álainn." Bingo! Bhí sí óg agus álainn. Chaith sí cúpla nóiméad eile ag machnamh ar a tríú mian, agus ansin dúirt sí, "Is mian liom mo chat beag, Tadhg, a bheith ina fhear óg dóighiúil." Bingo! Bhí Tadhg ina fhear óg dóighiúil. Is ar éigin a chreid sí é seo, agus d'exclaimáil sí, "A Thaidhg, an tusa atá ann dáiríre?" Labhair an t-ógfhear dóighiúil agus dúirt, "Is mé, agus nach bhfuil aiféala ort gur ghearr tú mé?"