De dheasca trioblóidí, gá taistil, sláinte, oibre 7rl, bhí orm scarradh ó a lán rudaí a thug sonas dom - an suíomh seo san áireamh. Mar sin seo an chéad deis atá agam bualadh isteach ar an suíomh le fada.

Is cúis áthais féachaint go bhfuil daoine ann a raibh aithne agam orthu ar an suíomh cheana. Ar ndóigh beidh daoine nua anseo comh maith. Beannaím daoibh go léir!

Agus cé gur gearrchuairt í seo tá súil agam gur féidir liom bualadh isteach arís ó am go ham as seo amach.

Ach chun an fhírinne a rá, táim am spreagadh mar gheall ar cheist ar cuireadh orm le déanaí. Sí sin, an bhfuil dán/ta ann a mholann an Náisiún - na Gaeil - dán/ta nach mbaineann le héagóir na staire, gunnaí, bás nó a leithéid? Dán/ta molta, agus sin amháin atá is gceist agam.

An t-aon cheann a thagann in aigne chugamsa ná an t-Amhrán Dóchais. Ach is deacair dhom glacadh leis gur sin an t-aon cheann amháin atá ann.

Cabhair, éinne?

Pangur D.

Níl aon chabhair agam duit, a Ph.D., ach tá áthas orm d'aghaidh chatúil a fheiceáil arís! Fáilte ar ais!

Ós rud é gurbh é an éagóir a rinne náisiúin dúinn...

Ní ritheann dada liom.

Tá dánta ann a mholann Éire; agus tá dán Sheathrúin Céitinn maidir leis an nGaeilge ann.

Milis an teanga an Ghaedhealg,
Guth gan chabhair choigcricíche,
Glór, géar-chaoin, glé, glinn, gasta
suairc, séimhidhe, sult-bhlasta.
Gide Eabhra teanga is seanda,
gide laidean is léigheanta,
uatha uirthi níor frith linn
fuaim nó focal de chomhainn.
Seathrún Céitinn.

Is caointeach an t-amhrán seo, ach is binn é, agus moltar Éire ann:

Beir beannacht óm chroí go tír na hÉireann,
bánchnoic Éireann Ó [=óigh],
Chun a maireann de shíolrach Ír is Éibhir
ar bhánchnoic Éireann Ó;
An áit úd 'nar aoibhinn binnghuth éan
Mar shámhchruit chaoin ag caoineadh Gael,
Mo chás a bheith míle míle i gcéin
ó bánchnoic Éireann Ó.

Bíonn barra bog slím ar chaoinchnoic Éireann,
bánchnoic Éireann Ó,
Is is fearra ná an tír seo díogha gach sléibhe
ar bhánchnoic Éireann Ó;
Is ard a coillte 's is díreach réidh
Is an bláth mar aol ar mhaoilinn géag,
Tá grádh im' chroí is im' intinn féin
do bhánchnoic Éireann Ó.

Fáilte Uí Cheallaigh romhat ar ais anseo!
Ní bheadh tuairim mar gheall ar an bhfilíocht, ach ar bhain tú triall as cuardach ar líne? google nó trí cheardlann litríocht.com?

Is mór liom an lúcháir ar chuir sibh orm, and tá mé fíor-bhuíoch díbh as.

Bhí mé faoi bhrú níos luaithe agus rinne m´é dearmad a rá go bhfuil an dán a chuardú agam do chara ar mhaith leis é a ghléasadh do chór - b'fhéidir le tionlacan cheolfhóirne. Sé a d'fhiafraigh sé díom ná dán a bhéas i stíl dán Sandor Petofi na hUngáire 'A Magyar Nemzet'. Sé sin An Náisiúin Ungárach. Dán tírghrá go bunúsach atá i gceist, ach leis an mbéim ar an náisiúin, ba chirte dhom a rá. Agus ba mhian leis éalú ón olagón agus ón ngol go dearfach. Sé sin le rá gur ábhar a bhéas níos mó i gcomhréir leis an nua aois agus an dóchas atá á mhothú anois, má thuigim i gceart é. Ar ndóigh, tá spiorad nua á leathadh i measc na n-óg in Éirinn ó d'fhág mé í.

Táim thar a bheith buíoch díbh a Aonguis agus a Dennis as an méid atá déanta agaibh dom cheana. Ach má thagann ábhar eile in aigne agaibh, bheinn bhur bhfiachóir go deo!

Tá Google millte agam cheana, a Dhomhnaill! :-) Go raibh maith agat. Is breá liom thú a fheiscint toujours anseo.

Comme je le sais Pangur! ;)

Sea, ba dheacair d'éinne dul thar 'Bán Chnoic Éireann Ó' mar dán / amhrán molta Éireann. Tá leagan an-dheas ar CD ag Skarabrae agus ceann eile ag Kevin Connife [?] agus The Chieftains, dar liomsa.

Seanfhear

Sea, ba dheacar d'éinne dul thar ' Bán Chnuic Éireann Ó ' mar amhrán molta Éireann, dar liomsa. Donnchadha Rua a chum é, agus é in Hamburg de réir 'Poets and Poetry of Munster' ach léigh mé i bhfoinsí eile gur i dTalamh An Éisc a bhí sé. Pé scéal é, tá leagan deas ag an grúpa Skarabrae agus ceann eile ag The Chieftains.

Seanfhear

A Dhomhnaill, gabh mo leithscéal , Thit focal Fraincíse isteach ansin. Tá níos mó taithí agam anois sa teanga sin ná mar atá i nGaeilge nó i mBéurla :-)

'Bán Chnuic Éireann Ó'

Táim buíoch díbh. Is breá an dán é agus is mór an taitneamh a bhainim as. Sheol m´é ar aghaidh é agus fuair mé freagra ar ais ag gabháil buíochas. Ach cé go bhfuil sé ar tí bheith oiriúnach, is dán tírghrá agus b'fhéidir imirce é comh maith. Ach sé an Náisiúin Ghaelach - na Daoine, na hÉireannaigh - atá i gceist anseo. Mar sin, ní tíghrá go díreach atá ag teastáil ach ómós do na Gaeil féin. Caithfidh mé a rá nach bhfuil aithne agam ar dán den gcineál sin ar chor ar bith.

Mar a dúirt mé cheana, tá Google millte agam. Bhí m´é ag treabhadh comh maith trí gach leabhar filíochta atá agam, ach de dheasca an saibhris atá iontu, n'fheadar an bhfuil an cineál sin filíochta ar fáil i nGaeilge - ach amháin an tAmhrán Dóchais?

Ach pé scéal é, leanfaidh mé ar aghaidh...

Míle buíochas!

Tá an tAmhrán Dóchais go hálainn, áfach.

A Phangur Dubh, Ní dóigh liom go raibh sé de nós ag na Gaeil riamh féinmholadh mar náisiún ar leith a chleachtadh. Baineann sé sin le impíreachas agus cos ar bholg.

Seanfhear

...nó le comhaontú, ar a laghad ar bith - ar ndóigh, tá a liachtaí amhrán molta a bhaineann le háiteanna faoi leith!

Ach téann sé díom aon cheann eile a thabhairt chun chuimhne a mholann Éirinn uilig gan rian an chatha air.

A Sheanfhir, ar ndóigh tá an ceart agat i slí amháin, ach ní chreidim gur féidir liom aontú leat go hiomlán.

Rinne mé tagairt thuas ar na hUngáirigh. Ó Chath Mohacs i leith tá stair bhrónach acusan, ar nós mar atá ag Éirinn. Ach is dán Ungárach a spreag an t-ábhar seo. Bhí mé ag lorg dán ar nós A Magyar Nemzet (An Náisiúin Ungárach).

Dar liom, ní locht mór é bheith bródiúil asainn fhéin. A mhalairt. Is rúd nádúrtha é ar fad. Agus is léir nach raibh impireacht ag Éirinn, nó ag an Ungáir. Agus dá gcloisfeá na hÉireannaigh a bhíonn san áit seo i rith an tsamhraidh, tá siad thar a bheith bródúil astu fhéin agus as a dtír - agus mise, nach labhraím focail i mBéurla nó i nGaeilge leo, bím bróidiúl comh maith.

Ach fós tá na dánta in easnamh.

A Phangur, m'leathscéal ach is rud amháin é a bheith bródúil asainn féin. Ní hionann é sin is a rá go bhfuilimid ag moladh sinn féin, im' thuairimse?

Seanfhear