http://keltalingvoj.blogspot.com/2008/01/gaelakanada-vs-la-reino.html ...as Lá Nua:
Thiocfadh dó go gcuirfí bunaitheoir Ghaeltacht Cheanada go príosún as a bheith ag léiriú mídhílseachta don Bhanríon.
Ar 21 Eanáir, chaill Aralt Mac Giolla Chainnigh an babhta is déanaí dá throid sna cúirteanna chun nach mbeadh air dílseacht a léiriú do Bhanríon na Breataine.
De réir Acht Cosanta Náisiúnta Cheanada, alt 94, thiocfadh príosúnacht suas le 7 mbliana a ghearradh ar shaighdiúir ar bith a léireodh mídhílseacht don Bhanríon.
Tá an tUasal Mac Giolla Chainnigh, captaen in arm Cheanada, ag fanacht anois le feiceáil an gcuirfear an dlí air mar gheall ar a sheasamh i gcoinne comharthaí dílseachta do Bhanríon na Breataine.
Agus é ag caint le Lá Nua ar seisean, ‘Bhí an breithiúnas sa Federal Court mícheart.
‘Tá cuid de na comharthaí dílseachta seo don Bhanríon glan i gcoinne Chairt Ceart agus Saoirse Cheanada.
‘Tá achomharc tuillte, ach is ceist airgid an mbeadh sé ar mo chumas dul ar aghaidh agus sin a dhéanamh.”...
