Haigh a chara

Ceist agam ort: an rabh na consain leathna ’velarised’ / ’bilabialised’ i Sean-Ghaeilg?

Mar shampla:

marb > [mʷɑɾβ] or [mɑɾβ] ?
scél > [ʃceːlˠ] or [ʃceːl] ?

Go rabh maith agad roimhe ré

(sa teideal ba "for Dennis" a bhí i gceist agam ar ndóighe)

(Message edited by lughaidh on December 10, 2007)

Ní féidir liom na litreacha IPA a léamh, ach is dóigh liom go dtuigim na ceisteanna mar sin féin. Bhí an 'b' séimhithe déliopach i gcónaí. Maidir leis an 'l', creidtear go raibh an córas an-chosúil leis an gceann atá le fáil (nó a bhí ann go dtí le déanaí ar aon nós) i nGaeilge Uladh, mar atá l, l', L, L':

scél /s'k'e:l/
sail /sal'/
coll /koL/
coill /koL'/

quote:

(sa teideal ba "for Dennis" a bhí i gceist agam ar ndóighe)

Bhí a fhios agam riamh go raibh mé questionable!

quote:

Ní féidir liom na litreacha IPA a léamh,

Cad chuighe? Scríobham in Unicode iad agus má tá ’n cló Gentium agad, ba chóir go dtiocfadh leat iad a léamh...

quote:

ach is dóigh liom go dtuigim na ceisteanna mar sin féin. Bhí an 'b' séimhithe déliopach i gcónaí.

Chan é sin a bhí i gceist agam ach seo:
sa tSean-Ghaeilg, an rabh glide ’w’ le cluinstean i ndiaidh na consain liopacha:
marb = "mwarv" ?
bás = "bwás" ? srl

An mbeadh duifear mór eadar -bae agus -be i ndeireadh focail, mar shampla ?

quote:

Maidir leis an 'l', creidtear go raibh an córas an-chosúil leis an gceann atá le fáil (nó a bhí ann go dtí le déanaí ar aon nós) i nGaeilge Uladh, mar atá l, l', L, L':

ach an rabh sé cosúil ó thaobh na bhfuaimeann dó? Sin le ráidht:

L = l déadach velarised
l = l ailbheolach velarised
L’ = l palatal
l’ = l ailbheolach giota beag palatalised

ins an leabhar "Sengoídelc" scríobh Stifter nach rabh ann ach duifear palatalised/non-palatalised. Agus de réir a dtuigeamsa, non-palatalised = plain consonant (chan velarised).

Mar sin: scél > s'k'e:l (velarised l or plain l ?)

quote:

Cad chuighe? Scríobham in Unicode iad agus má tá ’n cló Gentium agad, ba chóir go dtiocfadh leat iad a léamh.

Is Macóir é Dennis!
Ní bhíonn an scéal chomh simplí sin, fiú le Unicode (fós).

Cha rabh fadhb ar bith agam ariamh le cló ná le haibítir ar bith ar an idirlíon go dtí seo... mar sin shíl mé gurbh amhlaidh leis na daoiní eile.

Seo mo cheist ar chuma pioctúir, a Dhennis. Tá súil ’s agam go bhfeicfidh tú an uair seo í :

http://i228.photobucket.com/albums/ee105/Lughaidh/CeistarDhennis.png

Go raibh maith agat as an bpictiúr. Tuigim anois, ach ní dóigh liom gur féidir liom aon fhreagra sásúil a thabhairt duit. Is deacair a rá an é marb = "mwarv" nó marb = "marv" a bhí ann ag an am sin. Ní chreidim go bhfuil a fhios ag éinne. Níl a fhios agam an bhfuil teoiric ag éinne faoi seo. Cuirfidh mé an cheist faoi bhráid duine nó beirt eile, áfach.

Dála an scéil, a Lughaidh, ar mhiste leat an "pictiúr" sin a choinneáil ar do shuíomh go ceann tamaill eile, le go mbeidh deis ag scoláirí eile súil a thabhairt air?

Níl fadhb ar bith, a chara, cib bith cha gcuiream ar ceal é nó nach mbeidh spás fágtha ansin, agus ó tharla nach minic a chuiream pioctúracha ann, fanóchaidh ’n pioctúr sin ansin go cionn tamailt fhada.