Dáréag ar aon leabaidh,
agus gan duine acu ar leath-imeall

Cnag.

Meafar atá i gceist, dála an scéil.

Bhíos ar tí an cheist sin a chur: an daoine daonna iad? Caithfidh sé gur leaba mheafarach atá i gceist freisin. Hmmmm.... fan go bhfeice mé.

Leaba abhann? Leaba phrátaí? Dhá phlanda dhéag in aon sraith amháin i ndiaidh a chéile i leaba ghlasraí?

Ní hea, ní hea, mar a dúirt Luidín Ó Laoi!

Ní amháin le codanna atá i gceist.

uaireadóir? nó clog balla?

Sin agat é gan dabht, Dave!

Tá dabht ormsa.
Tá an cruth agat, ach níl an fhreagra!

Aghaidh chloig?

Níl clog ná uaireadóir i gceist.

Is annamh a fheictear an ní atá i gceist inniu, ach bhíodh siad fairsing fadó.

Tuirne?

Ní hea.

rialóir dhá orlach déag!

Ní hea.

leath-imeall -> imeall amháin!

Sea, ceann seanaimseartha a bhí i gceist agam, nach marcáiltear ach ar leath-imeall. Bhíos cinnte go raibh sé réitithe agam!

(Message edited by dave_gallagher on December 04, 2007)

Tá cruinneas de dhíth....

Bhfuilim ar an mbealach ceart, mar sin?

Rud cruinn agus "bhíodh siad fairsing fadó". Faoin tuath go háirithe, nó sa chathair freisin?

gach áit.

Ach cosúil le mórán rudaí eile, mhair siad níos faide faoin dtuath.


(Message edited by aonghus on December 04, 2007)

"Clog gréine", a bhíos ar tí a rá, ach "níl clog ná uaireadóir i gceist", ach oiread. Foireann sceanra?? I mbosca líneáilte le veilbhit a osclaíonn ar nós leabhair?

ní hea. rud níos coitianta i bhfad ná sin.

na píosaí táiplise a bhfuil an dath céanna orthu, i dtosach an chluiche?

Tá táiplis fós agamsa, ach níl an rud seo.

Rud amháin atá i gceist.

Seanfhón, tá a fhios agat, leis an chiorcal?

Is dóigh liom nach raibh ach deich bpoll sa roithleán, ó 1 go 0.

Tá cáil ar Iarthar Fhiáin Mheiriceá as na rudaí seo...

(Message edited by aonghus on December 05, 2007)

níl tuairim ar bith fágtha agamsa, a Aonghuis. éigean duit an scéal a sceith, is dóigh liom.

Fan go bhfeiceann Dennis an nod úd uaim.

Roth vaigín? Is minic a bhíonn 12 spóca air, ach ní i gcónaí.

Déarfainn gur roth atá ann mar sin, nó muileann gaoithe.

Agat, Dennis.

Aargh. Ba chóir dom glas a chur ar mo theanga! Níl dubhfhocal ar bith i dtaisce agam. Beidh orm fáiteall a dhéanamh amuigh ansin ar an idirlíon anois!

"gan duine acu ar leath-imeall" nó gach duine acu??? An bhfuil leath-imeall ar roth i aon chor, nuair a bhíonn imeall amháin ann? Muise.

Má cheanglaítear í, ritheann sí.
Má scaoiltear í, fanann sí gan bogadh.

Cairt capall?

Is maith an réiteach é sin, ach tá ceann "oifigiúil" eile ann. Leid: is féidir "siúlann" a chur in áit "ritheann".

Traiseoladh?

http://focal.ie/Search.aspx?term=traiseoladh&lang=2

quote:

Traiseoladh?

Ní hea. Ní go meafarach a úsáidtear an briathar "ceangail" anseo. Tá an rud seo i bhfad níos low tech (níos íos-teicniúla?).

quote:

Roth vaigín? Is minic a bhíonn 12 spóca air, ach ní i gcónaí.

Ach! Bhíos ní ba ghaire lem chéad bhuille faoi thuairim ná mo chuid eile díobh.

Maidir leis an gceann eile -- beilt-tiomáint, nó rud éigin den sórt sin, b'fhéidir? Is féidir 'sí' a thabhairt uirthi sin, ar a laghad :o)

(Message edited by dave_gallagher on December 05, 2007)

quote:

Bhíos ní ba ghaire lem chéad bhuille faoi thuairim

Aontaím leat. Bhíos féin an-sásta le "clog" mar réiteach.

Cá bhfuil tú, a Aonghuis? An é an chaoi go bhfuil an réiteach agat, ach nach bhfuilir sásta é rá, le nach mbeidh ort tomhas eile a sholáthar? ;-)

Ní hea. Táim chomh stumpáilte le cách.
'Sé an chaoi go bhfuil brú oibre orm chomh maith, agus easpa smaointe lasmuigh den bhosca dá réir.

Fan neomat.
Seol báid?

Céard a dúirt tú arís is arís eile le do mhac agus é óg: Ceangail do _____!

Iall Bróig? Ná habair!

Más ea, geillfidh mé mo dhualgas tiomhas eile a sholáthair do Dave.

An bhróg féin atá i gceist, sa réiteach oifigiúl ar aon nós. Fan nóiméad. Caithfidh mé mo bhróga a cheangal.

Tá súil agam go gcloisfidh muid an chéad tomhas eile ó Dave.